တောင်းပန်ပါတယ် ဘေးမှာတစ်စစ်စစ်နဲ့
မကိုက်ပါနဲ့
သံဇကာလို
နှလုံးသားမှာ အပေါက်တွေနဲ့
ထပ်ယိုစီးစရာ သိက္ခာမရှိတော့ဘူး
လွမ်းချင်းတစ်ပုဒ်ကို ငါသီကျူး နေပေမဲ့ 
ငါအိပ်စရာနေရာတောင်မရှိဘူး
သစ်ကိုင်းထက်က  ကြွေးကြော်သံ
မြေပြင်ထက်က ဟစ်အော်သံ
ကောင်းကင်ထက်က လှောင်ပြုံးသံစဉ်တစ်ပုဒ်
နားထဲမှာ ပဲ့တင်ထပ်နေတယ်
ငါပေးခဲ့တဲ့
အောက်ကျို့ခြင်းတွေ
ဘယ်မှာပါလိမ့်
နင်စီးတဲ့ ဖိနပ်အောက်
ပြားကပ်နေပြီပဲ
ငိုချင်တယ်
မျက်ရည်မရှိတော့ဘူး
မြေပြင်မှာ
ရေစက်တွေခုန်ပေါက်နေတယ်
အပြင်မှာရွှာတဲ့ မိုးနဲ့
ရင်ထဲက မိုး
ဘယ်သူပိုသည်းသလဲ
ရင်ဘတ်နဲ့ခံ အလွမ်းပေတံနဲ့တိုင်းကြည့်
စိုးရိမ်ရေမှတ် ဆိုတာ
ဟိုးအဝေးမှာ မှိန်ပြပြ ကျန်ခဲ့ပြီ
မသက်ဆိုင်တော့ဘူးတဲ့လား
ဒါပေမဲ့
ငါ့လမ်းငါလျှောက်ဖို့ ခွန်အား
နင်နှုတ်ယူသွားပြီမှ
အဝေးဆုံးက လက်နက်တွေနဲ့
မပစ်ပါနဲ့
ထပ်ပြီး
နှလုံးသားကို ထုတ်သွားလိုက်ပါ
ငါကြည်ဖြူပါတယ်
ငါသေသွားခဲ့ရင်
နင်နေသာထိုင်သာရှိမှာပါ
တောင်းပန်ပါတယ်
နောက်တစ်ယောက်ကိုတော့
နင်တစ်စစ်စစ်နဲ့ မကိုက်ပါနဲ့
နှလုံးသားတစ်ခု ထပ်ပြီး
ပွန်းပဲ့မှာဆိုးလို့ပါ။……..။