တစ်ခါတစ်ခါတော့ ….
ဘ၀ဆိုတာကလေ
ကျောက်ဆောင်နဲ့တူတယ်..
ခြေထောက်တွေကို ထိုးခွဲမယ့်ကျောက်စူး၊ ကျောက်ခဲတွေနဲ့
ဒါပေမယ့်..
တစ်ခါတစ်ခါတော့လဲ
စမ်းချောင်းလေးနဲ့တူနေပြန်ရော..
ပန်းပွင့်လေးတွေတောင် ပါသေးရဲ့..

တစ်ခါတစ်ခါတော့ ..
ကွင်းပြင်ကျယ်ကြီးနဲ့တူတယ်
နေပူဒဏ်ခံထားရလို့ ခြောက်သွေ့ အက်ကွဲနေတဲ့
မြေကြီးတွေနဲ့..
ဒါပေမယ့် ..
တစ်ခါတစ်ခါတော့လဲ
စိမ်းလန်းစိုပြေနေပြန်ရော
လိပ်ပြာလေးတွေတောင်ပါသေးရဲ့..

တစ်ခါတစ်ခါတော့
ကောင်းကင်ကြီးနဲ့တူတယ်
ရွှဲနစ်သွားအောင် ရွာချတော့မယ့် မုန်တိုင်းတိမ်တွေနဲ့..
ဒါပေမယ့်..
တစ်ခါတစ်ခါတော့လဲ
လမင်းကြီးရဲ့ အလင်းရောင်အောက်မှာ
ငြိမ်းချမ်းနေပြန်ရော
ကြယ်လေးတွေတောင်ပါသေးရဲ့

ဒီလိုနဲ့ ငါကတော့
တစ်ခါတစ်ခါ ချိုပြီး
တစ်ခါတစ်ခါ ခါးတဲ့ အချစ်တွေနဲ့
တစ်ခါတစ်ခါ ပျော်ရွှင်စရာကောင်းပြီး
တစ်ခါတစ်ခါ ကြောက်ရွံ့ နိုးထရတဲ့ အိပ်မက်တွေနဲ့
တစ်ခါတစ်ခါ လေစုန်အတိုင်း လိုက်ရပေမယ့်
တစ်ခါတစ်ခါ လေဆန်ကို ခွင်းရတဲ့ ခက်ခဲပင်ပန်းမှုတွေနဲ့
အဲ့ဒီ့ကောင်းကင်ကြီးမှာ
အတောင်မကျိုးခင်ထိတော့
ပျံသန်းနေရဦးမှာပါပဲ…..။      ။