အခန်းထဲမှာပိုးဟပ်တစ်ကောင်ရှိတယ်။
ဇာတ်သိမ်းခန်းတွေမကောင်းတဲ့
ဇာတ်ကားကောင်းတွေရှိတယ်။
တီရှပ်အနက်ရောင်တွေနဲ့
မျက်တွင်းနက်နက်တွေရှိတယ်။
ဘတ်စ်ကားတွေပေါ်မှာအိပ်ပျော်နေတဲ့
ကမ္ဘာကျော်အိပ်မက်တွေရှိတယ်။
ခင်ဗျားနားလည်မပေးနိုင်တဲ့
စာကြောင်းတွေအပါအ၀င်
မောင်ချောနွယ်နဲ့ကာဒ်ကိုဘိန်းရှိတယ်။
အမှားအယွင်းများတဲ့အတိတ်နဲ့
စတီဖင်ဟော့ကင်းအပြုံးလိုအနာဂတ်တွေလည်းရှိတယ်။
မျက်ရည်အသစ်တွေထွက်ကျတတ်တဲ့
သီချင်းအဟောင်းတွေရှိတယ်။
သီချင်းဆိုတဲ့ပုရွက်ဆိတ်လေးတွေနဲ့
မာနကြီးသောနွမ်းပါးမူနဲ့
စီးကရက်သောက်ချင်နေတဲ့
အဆုတ်တစ်ခုရှိတယ်။
အိမ်ပြန်ချင်နေတဲ့ ရေခြားမြေခြားအလွမ်းတွေနဲ့
“ငါနင့်ကိုမချစ်ဘူး”သီချင်းနဲ့
“လူပေါ်လူဇော်လုပ်နည်း”စာအုပ်နဲ့
အိုင်းစတိုင်း၊ရော်နယ်ဒို ဓာတ်ပုံနဲ့
အသက်(၁၈)နှစ်ပြည့်မှတ်ပုံတင်နဲ့
ကျွန်တော်နဲ့
ပိုးဟပ်တစ်ကောင်နဲ့
အခန်းထဲမှာ ဒီညအတူရှိကြလိမ့်မယ်။

၂၆.၈.၁၀