မနက်ဖြန်မနက်

စိတ်ထဲရှိတဲ့အတိုင်း

စာတစ်လုံးတစ်ပါဒ

ဖွင့်အော်မိတာကို

နံရံလေးဘက်က

တိတ်တဆိတ်စာပြန်တယ်

“နားငြီးလိုက်တာ” တဲ့။

မတတ်နိုင်…………။

နောက်ဆုံးခရီးတစ်ခုအတွက်

ည ကတစ်ချက်သန်းလိုက်တယ်။

အစမရှိအနားသတ်ကြောင့်

ဒီညဗဟိုမရောက်တော့ဘူး။

ကဲကဲ…. မထူးပါဘူး။

ငါခင်းထားတဲ့

အိပ်မက်ကိုနင်းလျှောက်ခဲ့တော့။

မနက်ဖြန်ကြက်ခြေခတ်ရဲ့

ဆုံမှတ်မှာတံခါးဖွင့်ထားမယ်။

နင်အိပ်မက်တွေကိုမသောက်ဖြစ်ရင်

အဲဒီနေ့အတွက်ညမရှိဘူး…….။

In: ကဗျာ Posted By: မြတ်ချစ် Date: Oct 6, 2010

Leave comment commentinfo