နွေဦးရောက်တော့မယ်။

…

အလွမ်းအပြည့်နဲ့ ဒီအခန်းထဲက

ငါ့မှာ ပြေးထွက်စရာမြေလည်းမရှိ။

ပြေးထွက်ချင်ရဲ့လားလည်း ငါကိုယ်တိုင်မသိ။

မနက်ဖြန်ဆို သက်သာသွားမှာပါဆိုတဲ့ အတွေး …

သန်းခေါင်ယံတွေသာ တစ်ခုပြီးတစ်ခုဖြတ်လာတယ်

သက်ပြင်းတွေအောက်က ခေါင်းအုံးလေးတောင်

မျက်ရည်နံ့ကို ယဉ်ပါးလို့။

ဘယ်လိုကံတရားလဲကွယ် …

အနီးဆုံးကိုဆွဲခေါ် အဝေးကြီးကိုလွှင့်ပစ်

လုပ်ချင်တိုင်းလုပ်ခွင့်ပြုရတော့မှာလား …

ငါလည်းခေါင်းကသာ မာတယ်

ရင်ဘတ်က နင်နဲ့ပက်သက်ရင်

ဘယ်တော့မှ အရွယ်မရောက်နိုင်တော့ဘူး။



ကြယ်တွေကိုမြင်တိုင်း ပိုပြီးသတိရတတ်လို့

ညညတွေ အိမ်အပြင်ထွက်ရင်

ခေါင်းကိုငုံ့ထားတာ အကျင့်တောင်ဖြစ်လာပြီ။

နွေဦးရေ …

အလျော်အစားလို့ မသတ်မှတ်ဘူးဆို

ဖြုစင်နေဆဲ မြတ်နိုးမှုတွေအတွက်

အရင်လို နာမ်စားလေးလောက်တော့ ပြန်ပေးပါလား … ။