“ လမ်းဘေးကကောင်လေး ”

ဟောဒီကဗျာဆရာကောင်လေးပေါ့

လမ်းဘေးကပဲ ငေးမိလို့

သူ့အချစ်တွေ

ဈေးကောင်းပေးမခံခဲ့ရဘူး

သူကတော့ ရိုးရိုးသားသား

သူ့မျှော်လင့်ချက်လေး

တက်ရိပ်ပြမဲ့နေ့ကို စောင့်လို့

စံပယ်တွေကတော့ ဖူးမလာခဲ့ပါဘူး

အလေ့ကျတချို့

ကုန်တိုက်ထဲ ပွင့်နေတာ သူမသိဘူး

ကျောက်တုံးတချို့

ရေထဲခုတ်မောင်းနေတာ သူမသိဘူး

ဂျိုကာရုပ်လေး

လောဘတေးဖြစ်နေတာ သူမသိဘူး

လက်မဲ့ရပ်ဝန်းရဲ့ လေညင်းနဲ့

သူက လမ်းဘေးမှာ ထိုင်တုန်း …

သူက သူ့ကဗျာတွေကို ပြောတယ်

အချစ်ဦးမို့

ရူးမိတာပါကွာ တဲ့

ဒါပေမဲ့

အဲဒီထက် ပိုတဲ့အကြောင်း

သူ့ကဗျာတွေက

ကြေကြေကွဲကွဲ ထပ်ပြောပြတယ်။