မင်းမြင်တတ်သလိုပဲ….
      ငါ့ရင်ထဲကိုကြည့်ခဲ့  သလား…..။

       တကယ်တမ်းဆိုရင်…………..
       ကံ့ကော်တွေ     တစ်တောလုံးကြွေခဲ့ရင်တောင်
       တစ်ပွင့်လောက်ဖြစ်ဖြစ်
       ပင်ယံမှာ   ငွားငွားစွင့်လို့
       မင်းအတွက်       ပွင့်ဝေစေချင်ခဲ့တယ်။

        တစ်မိုးလုံး      အလင်းပျောက်ခဲ့ရင်တောင်
        ကြယ်စင်တစ်စင်းဖြစ်ဖြစ်
        ကောင်းကင်မှာ   သဲ့သဲ့လင်းလို့
        မင်းအတွက်     လမ်းပြစေချင်ခဲ့တယ်။

        တစ်လောကလုံး    ခြောက်သွေ့ခဲ့ရင်တောင်
        တိမ်တိုက်တစ်ခုဖြစ်ဖြစ်
        ငါ့မျက်ရည်တွေကို     ငွေ့ရည်ဖွဲ့လို့
        မင်းအတွက်     အေးမြစေချင်ခဲ့တယ်။

       အဆုံးသတ်မှာ      ဝေးရမယ်ဆိုခဲ့ရင်တောင်
       တစ်ရက်ပဲဖြစ်ဖြစ်
       လှပတဲ့အတိတ်တစ်ခု     ကျန်ရစ်စေဖို့
       မင်းအတွက်      နီးစပ်ချင်နေခဲ့တယ်။

       တကယ်လို့များ………………
       ကံကြမ္မာကို      စေစားပိုင်ခွင့်
        ငါ့လက်မှာရှိခဲ့ရင်………

        မင်းအတွက်ပဲ    ပွင့်ဝေမဲ့သူ….။
        မင်းအတွက်ပဲ    လမ်းပြမဲ့သူ…..။
        မင်းအတွက်ပဲ    အေးမြမဲ့သူ……။
        မင်းအတွက်ပဲ     နီးစပ်မဲ့သူ……။

        ငါဟာ        မင်းအတွက်ပါပဲ……..
        ကံကြမ္မာကို       စေစားခွင့်
        ငါ့လက်မှာသာ    ရှိခဲ့ရင်………..။