ငါဆိုတာ
အိပ်မက်တစ်ခုကို ဘဝတစ်ခုလုံးနဲ့
ရင်းပစ်ခဲ့ရတောင်
‘ငြိုငြင်မှု’ ဆိုတာ စကားလုံးတောင် မပေါင်းတတ်ခဲ့ဘဲ
ကိုယ့်ဒုက္ခ ကိုယ်ရှာနေမိတဲ့ သူပါ။

ငါဆိုတာ
နင် .. မသိလဲ ကျေနပ်တဲ့
သိလဲကျေနပ်မယ့်
တစ်ကိုယ်တော် တိမ်တိုက်ငယ်လေးတစ်စ
နင် .. ငွေ့ရည်မဖွဲ့မချင်း
ရွာချခွင့် မရှိတဲ့
အဆုံးမဲ့ စက္ကန့်တံလေးပေါ်မှာ ခိုစီးရင်း ..

စိတ်ကူးထဲက
ပန်းရောင်ကမ္ဘာငယ် တစ်ခုကို
နင့်လက်လေးတွဲပြီး တည်ဆောက်နေမိတုန်းပါ ..။

မိုးအိပ်မက်