အဲဒီရာသီမှာ

အဆင်မပြေမှုတွေဆိုတာ

ညအိပ်ယာဝင်ခါနီးတိုင်း ကြားရတဲ့

ပုံပြင်တစ်ပုဒ်လိုပဲ . . ပြီးဆုံးသွားတယ်ဆိုတာမရှိဘူး ။

ထပ်ပြောမယ် . . .

ညအခါလသာသာဆိုတာ

ပြဌာန်းစာအုပ်ထဲမှာပဲရှိတော့တယ် ။

တစ်ခါတစ်ရံ အောင့်သက်သက်နဲ့ဝင်လာတဲ့

အမှန်တရားစာမျက်နှာတွေ . .

စံပယ်တိုင်းမဖြူတော့ဘူးလို့ ပြောတဲ့

လူတစ်ယောက်ရဲ့စကားကိုကြားရတဲ့နေ့မှာ

လူ့ဘဝဟာ အလိုလိုအရသာမဲ့လာတယ်လို့ ခံစားရတယ် ။

အခြေအနေနဲ့အချိန်အခါအလိုက်

လူတွေအသက်ရှုပုံပြောင်းတက်တယ်ဆိုရင်

ဘုရားသခင် သစ္စာပန်းတွေကို ဖူးပွင့်ခွင့်မပေးပါနဲ့တော့ ။

ကိုယ်ကသူ့ကိုလိုအပ်တာလား ၊ သူကကိုယ့်ကိုလိုအပ်တာလား

ဘယ်သူက ဘယ်သူ့ကို ဘယ်လောက် လိုအပ်မှန်းမသိခင်မှာ

မြားတံတွေက ကုန်သွားခဲ့ပြီ ။

ကမ္ဘာကြီးရေ . . .

ငိုနေတဲ့ကလေးတွေရဲ့မျက်ရည်တွေ

မိခင်ရင်ခွင်နဲ့ဝေးကွာကြီးပြင်းခဲ့ရတဲ့ လူမမယ်မျက်ဝန်းတွေအတွက်

အသင် ဘာတွေကိုဆောင်ကျဉ်းပေးခဲ့ပြီးပါသလဲ .  .  .

အသင် ဘာတွေကိုထမ်းပြီးခရီးနှင်နေပါသလဲ  .  .  .

အသင် ဘယ်သူတွေအတွက် တည်ရှိနေပါသလဲ .  .  . ။

အစစ်အမှန်ကဘာလဲလို့ ပြန်မဆန်းစစ်ခင်မှာ

ကျောသပ်ရင်သပ်လုပ်တက်လွန်းတဲ့ လောကဓံရဲ့ဓားချက်တွေက

တို့တွေအပေါ် ကျယ်လောင်လွန်းခဲ့တယ် . . 

နင် . .  သက်ပြင်းမချပါနဲ့   ကမ္ဘာ

(ခုဆို တေးသွားအလိုက် မကခုန်ဖြစ်တာလဲ သံသရာတစ်ဝက်စွန်းခဲ့ပြီ) ။

ဒီနေရာက ခဏလေးရွှေ့ခဲ့တာပါ

ပြန်လှည့်ကြည့်ချိန်မှာတော့ . . နေမွန်းတစ်တည့်ကျော်ခဲ့ပြီ

သိပ်ကိုဝေးကွာအရောင်တွေလဲ မွဲခဲ့ပြီ ။

ကျမ်းပြုကိုးကားချက်တွေနဲ့မှ ဘဝကိုအဓိပ္ပာယ်ဖွင့်ဆိုလို့ရမယ်ဆိုရင်

မနက်ဖြန်ဆိုတာတွေ . . အနာဂတ်ဆိုတာတွေကို လှမ်းမျှော်မကြည့်တော့ဘူး

ဓနိမိုးထရံကာအတွေးလေးနဲ့ပဲ ကြုံသလိုဖွင့်ဆိုလိုက်တော့မယ် ။

တကယ်တော့ ဘယ်သူက ဘယ်သူ့ကို ဘယ်လောက် လိုအပ်လို့ လိုအပ်မှန်းမသိခင်မှာ

ရာသီတွေကလည်ခဲ့ပြီ . .  အရောင်တွေလဲပြောင်းခဲ့ပြီးပြီ  ။    ။

နတ်သမီး