တစ်ခုခုကို ဆုပ်ကိုင်ထားလိုက်ဖို့
အရာအားလုံးကို လွှတ်ချမိတာ မတော်တဆ
အဆိပ်တစ်ခွက်လို ကိုယ့်ကိုယ်ကို ပြန်မြိုချပေမယ့်
ပုထုဇဉ်စရိုက်က ဘယ်တော့မှ အစာမကြေဘူး
အဓိပ္ပာယ်မရှိ အဓိပ္ပာယ်ရှာရယ်တတ်တဲ့
ဆယ်ကျော်သက်မဟုတ်လည်း
ကြွေကျနေတဲ့သစ်ရွက်ကို ငေးကြည့်ပြီး
ကိုယ့်ကိုယ်ကို ပြန်သစ်ယူထားရတယ်
ဒီအသက်ဒီအရွယ်ထိ
အချစ်သံကြားရင် လတ်ဆတ်ချင်တုန်းပဲ
တစ်နေ့နေ့တော့ ငါလည်း တောက်ပလာမှာပါ
ပါးစပ်ဟထားတဲ့ဆာလောင်ခြင်းထဲ
ဘယ်နှဘ၀စာအာသာမပြေမှုတွေ
ထိုးစိုက်ပျံဆင်းလာမလဲ
အိမ်ပြန်မလာနိုင်လွန်းတဲ့ခင်ပွန်းသည်အပေါ်
သည်းခံမစောင့်နိုင်တော့လို့
လင်ငယ်နေမိတဲ့မိန်းမတစ်ယောက်လို
ကြုံသလို ဖြစ်သလို အပျော်ရှာပစ်မိတယ်

                                        ကိုသျှား