တစ်ပါးသူလက်ထဲက မောင့်ကို
ကျွန်မ…..များစွာ သတိရနေကြောင်း
သတင်းစကားတို့ကြားတဲ့အခါ
အပြစ်မဲ့တယ်လို့ ယူဆပေးပါ….
သူ့ထက်အရင်မောင့်ကို ချစ်ခဲ့တဲ့ ကျွန်မ……
သူ့ထက်ပို၍ု ပေးဆပ်ခြင်းနဲ့ တမ်းတနေတတ်တယ်….။

အချစ်က လူတစ်ယောက်ကို လှပစေသလို
အလွမ်းတွေကြောင့်လည်း လူတစ်ယောက်ဘ၀ မှေးမှိန်သွားတတ်တယ်….။
ရယ်သံတို့ မလတ်ဆက်တော့တာ
ဘာ့အတွက်ကြောင့်ဖြစ်နိုင်လဲ…..?

မောင့်ကို…..
ကဗျာတစ်ပုဒ်စာထက်လည်း ပိုမမုန်းဘူး
မျက်ရည်တစ်စက်စာလောက်လည်း အချစ်မလျော့ဘူး
တယူသန်ပါတယ်
မောင့်ကို ဆက်လက်ချစ်နေမှ ဖြစ်မယ်ဆိုတဲ့ ခံယူချက်တစ်ခုနဲ့….။

တခါတလေ နာကျဉ်းစိတ်တွေနဲ့
နားလည်ပေးခြင်းတို့ စာမပီတဲ့အခါ
ပြင်ဆင် ဖြည့်တွေးပေးပါ
ခွင့်လွတ်ရခြင်းတွေ ပြည့်သိပ်ခဲ့တာအတွက်ပေါ့…..။

နက်ရှိုင်းတဲ့ မျက်ဝန်းတွေကို ဖွေရှာနေတတ်တဲ့ ကျွန်မ….
ဘယ်အရာက ဖြေသာစေမှာတဲ့လဲ…..?
အသာတကြည်….ဘေးသို့ထွက်
ချစ်သူကို စွန့်လွတ်ပေးလိုက်ရတဲ့ဖြစ်ရပ်တွေအတွက်….။

မောင့် ကို ချစ်လို့
ကန်းခဲ့တယ်…..
မောင့်ကို မမေ့နိုင်လို့
ငိုခဲ့တယ်….။
နောက်ဆက်တွဲ…….ခံစားချက်တွေအားလုံး
မောင့်သဘောကို နာခံခဲ့သော ကျွန်မ…..
ခုံခုံမင်မင်ပါပဲ
တစ်ဖက်တစ်ချက်မှာ ရှင်သန်နေမယ်….။
အသွေးအသက်တွေ…..ပြုတ်ကျမကြွေခင်ထိ….
ရင်ခုန်သံတွေ……ပျောက်ဆုံးသွားသည်အထိပေါ့ကွယ်….။