ငါ့အသိစိတ်တွေရှုပ်ထွေးနေတယ်
ငါ့ဟာ ငါ့ကိုယ်ငါ ပျောက်ဆုံးနေလေရဲ့
အနာဂတ်ဆိုတာ မှန်းမျှော်ကြည့်ရင်တောင်
ရေးရေးမျှမျှမှ ပေါ်မလာတဲ့ ဗလာဟင်းလင်းပြင်ပေါ့
ဟိုးအရင်က တွေးမက်ခဲ့တဲ့
အိပ်မက်တွေကလည်း ယောင်ဝါးဝါးမျှ ရှိမနေခဲ့တော့ဘူး
ပျော်ရွှင်စရာအပြည့်လို့ ယူဆခဲ့တဲ့ ငါ့အပြန်ခရီးလည်း
ခုဆို ခြောက်သွေ့တိတ်ဆိတ်လို့ ကြိုဆိုသူမရှိခဲ့
ထားခဲ့မှာသိရက်နဲ့ မျှော်လင့်ချက် မြူမှုန်မျှလောက်သာ
ထားရှိခဲ့တာတောင်မျှ ရခဲ့တဲ့ဒဏ်ရာက စူးနက်နေလို့ပဲ
ဦးနှောက်ရဲ့ ထိန်းချုပ်မှုကို ခါးသီးစွာငြင်းဆန်မိတဲ့
ငါ့နှလုံးသားကတော့ မျက်နှာငယ်လေးနဲ့
မလှုပ်ရှားနိုင် အေးစက်နေလေရဲ့
မျက်နှာထက်က မာကျောကျော အေးစက်မှုကို
တပ်ဆင်ထားရတဲ့ ငါ့မျက်နှာရဲ့ ပြည့်စုံမှုကို
မျက်ဝန်းတစ်စုံရဲ့ ရီဝေမှုတွေက မဖြည့်ဆည်းပေးနိုင်ခဲ့ဘူး
ဟန်ဆောင်အပြုံးတွဲလွဲခိုနေတဲ့ နှုတ်ခမ်းတွေက
မဲ့တဲ့တဲ့ ဆိုတာ မျက်စိမှိတ်လို့ မသိယောင်ဆောင်နေရတယ်
နားထဲမှာ ကြားယောင်နေတဲ့ လှောင်ရယ်သံတွေကို
ဟာသတစ်ပုဒ်လို ရယ်မောနိုင်ဖို့
ငါအသဲအသန်ကြိုးစားနေမိတယ်
ဒီလိုနဲ့ပဲ………
နေ့စဉ်လည်ပတ် ပုံမှန်ဘ၀ထဲ ပြန်လည်သက်ဝင်ဖို့အတွက်
ငါ့နှလုံးသားအသေကောင်ကို ထမ်းပိုးရင်း
နှုတ်ခမ်းဖျားက မင်းနာမည်ကို တစ်ဖွဖွရေရွတ်လို့
ငါ……ကြိုးစားနေဆဲပဲ……