မနက်ဖြန်များ

ဘာသာစကားမျိုးစုံ ပညတ်စေ့ဆော်မှုထဲ

ဟောဒီ ကမ္ဘာမြေဟာ အလိုက်ကန်းဆိုးမသိခဲ့တာ မဟုတ်ဘူးဆိုတာ …

ထပ်ထပ်ပြီး မွေးဖွားလာတာက ဆန်းဆန်းပြားပြားဖြစ်တဲ့ အတိတ် …

ပစ္စုပ္ပန် … အနာဂတ် … ဒါတွေဟာလည်း စဉ်းစားစရာတွေမဟုတ်

အသံတွေဆင့်ဆင့်ကာပေါက်ဖွားလာတော့လည်း ရင့်ကျက်မှုတွေက ပတ္တမြားမြေ

စကားစမြည်တွေကြားမှာ အရောင်မျိုးစုံလည်း မီးစာကုန် ဆီခန်းလုနီးနီး

မှားယွင်းခြင်းမစတင်ခင်က လက္ခဏာ အစုစုဟာ ဟောဟို ထောင့်ကိုယ်စီကနေ

ချောင်းမြောင်းခဲ့ရ

သူ့အပြစ်မတင် ကိုယ့်အပြစ်မတင် ပုံရိပ်

နေ့ရယ် ညရယ်က ခုထိနားလည်သေးပုံ မပေါ်သေးဘူး

ဘယ်အကြောင်းအရာမှ ငြင်းပယ်မရ

အမှားပါရင်ခွင့်လွှတ်ပါ ဒီကြောင်တောင်တောင် အဓိပ္ပာယ် ဘယ်ဥပမာနဲ့တီထွင်ခဲ့ပါသလဲ

အားငယ်မှုတွေက တဖြည်းဖြည်းပေါက်ဖွားလာခဲ့ကြပြီတဲ့ ဟိုးအဝေးကြီးက လှမ်းပြောနေရဲ့

ကြီးကြီးကျယ်ကျယ် ရစ်နေကြတဲ့ ဂုဏ်သိက္ခာအတွက် ဟောဒီကမ္ဘာမြေထဲ လက်မှတ်ရေးထိုးသံတွေ

ထွက်ပေါ်လာပြီ …

ကလင့်(မန္တလေး)

အဇ္ဈတ္တအယ်လဘမ် ကဗျာစာအုပ်ပေါင်းချုပ်မှထုတ်နုတ်သည်