ဒုတိယမြောက်စီရင်ချက် ပထမအကြိမ်

အယိုင်ယိုင်အလဲလဲပါပဲ လျှောက်ပြန်ခဲ့တယ်။

ပန်းနုရောင်စာအိတ်နဲ့ သေမိန့်ပေးလိုက်တဲ့ မနက်ဖြန်တွေနဲ့

အယူခံဝင်ခွင့်မရလိုက်တဲ့ အဖြူရောင်စာတစ်ရွက်။

သုဿန်ထက်ခြောက်ချားတဲ့ အတိတ်ကပန်းခင်းလမ်း။

တောင့်တနေရုံထက်ဘာမှမပိုတော့တဲ့ ဒီဇင်ဘာ။

ပြန်လည်တမ်းတခြင်းသည် ဒုက္ခလို့ရေရွတ်လိုက်တော့

နာရီတစ်လုံးက တခစ်ခစ်နဲ့လှောင်ပြောင်နေတယ်။

တစ်ပတ်ခြားနာရီဝက်စာတွေ့ဆုံမှုတွေ။

သုံးရက်ခြားတစ်ခါပျက်တတ်တဲ့  တစ်ရက်ခြားဆယ်မိနစ်စာ

ဖုန်းတစ်လုံးလဲအတိတ်မှာကျန်ခဲ့။

တကယ်ဆို အဖွင့် မှာတင်ကျရှုံးသွားတဲ့စစ်မြေပြင်

ခြေထောက်တွေတောင်အနိုင်နိုင်သယ်ပြီးဆုတ်ခွာခဲ့ရ။

တစ်ထောင့်တစ်ညမျှော်လင့်ချက်တွေနဲ့

ပင်လယ်မှာလမ်းပျောက် နစ်မြုပ်ခဲ့ရတဲ့ဖြစ်စဉ်။

ဒဏ်ရာက တင်းကျပ်ကျပ် ရစ်ပတ်ထားပေမယ့်

မျက်ရည်ကအလိုက်သင့်ထွက်မလာတော့

တစစ်စစ်နဲ့ အသက်ရှုသံတွေ ရစ်သမ်လွဲ။

အသက်မရှိတဲ့ဦးနှောက်က အသိမရှိတဲ့ခြေလှမ်းတွေကိုသယ်ဆောင်

အိပ်မက်ဆိုးတွေဆီကိုတရွေ့ရွေ့ခုတ်မောင်းနေတယ် ။

သဘောထားကြီးခဲ့တဲ့ အလွဲလွဲ အမှားမှားဖြစ်စဉ်တွေ

မူမမှန်တဲ့မိုးစက်များအောက်က နွေညနဲ့

မျှော်နေကြနေ့စွဲမှာ လာနေကြမဟုတ်တဲ့

အသံတိတ်ဓါးတစ်လက်..

နောက်ကျောက ဖောက်ဝင်သွားခဲ့တယ်။   

                                                                                                 အောင်ကို

                                                                                                 23/7/2011