သဘောထားကြီးယောင်ဆောင်ထားတဲ့
မုတ်သုံရဲ့လက်တွေမှာ
ကိုယ့် ရွက်ဝါတွေ
နေရာမရခဲ့ကြပါဘူး။

နွေရိပ်ခိုဆဲ ပင်လယ်လူးလဲအထ
တ်ိမ်ညို တွေရဲ့ ပြေးလမ်း
မိုးစက်တွေ စုတ်တသက်သက်ကြွေ
ခုနှစ်တစ်ခု ထက်ဝက်ခြမ်းသွားတယ်။

ကော်ဖီတစ်ခွက်လောက်မှ
အရသာမရှိတတ်တဲ့ ဘ၀ဟာ
တံလှပ်တွေနဲ့ အဖော်လုပ်ပြီး
မုသားတွေကို  လွယ်လွယ်ထုတ်သုံး
အရင်းနှီးဆုံးတွေကိုတောင် လုပ်ကြံတယ်။

ဝက်မဖြစ်ခဲ့ပေမယ့်
မစင်ကိုလဲ မကြောက်ပါဘူး
အာဝါသကောင်းကောင်းနဲ့ ကျောက်ပုံပြင်မှာ
ထာဝရ ဒါးသွေးခဲ့ရ
အပ်ချလောင်း လုပ်ပြခဲ့ရပေါင်းလည်းများပြီ။

ကြိုတွက်ပြီး လျှောက်တဲ့လမ်း
မပြန်နိုင်တော့တဲ့ မှန်းဆမှု၊
အတုဆိုတာ မြင်နေကျဖြစ်ခဲ့ပြီလေ။

ကဲ အချစ်ဦးရေ နင့်အတွက် 
နေ နဲ့လကိုတင်တောင်းမယ်
တကယ်ဆိုတာထက်
ပိုတတ်တဲ့ အကြင်နာတရား
သက်ရှိ ကဗျာကိုကြားနာပြီးမှ ဆုံးဖြတ်ပါ။