မပြုံးသာ မရယ်သာ
ရင်မှာ သိုသိပ်မော
သောက၏ခြေရာတို့သည် လည်းကောင်း။

မရုန်းသာ မဖယ်သာ
အကြင်နာယိုဖိတ်သော
မောလျသည့် ဝေဒနာတို့သည် လည်းကောင်း။

ချစ်၏ ကြင်၏၊ သူမသိလေ၊
ဝေဒနာကို၊ ဘာသာသိုဝှက်၊
တစ်ရက်တစ်နေ့၊ ရွေ့ရွေ့ကုန်ပြန်၊
မနက်ဖြန်ပေါ့၊ ပြောတော့ပြောမည်၊
ရည်ရွယ်ခဲ့လျက်၊ နှုတ်ကခက်တော့၊
အိပ်မက်တွေပဲ ကျန်တယ်လေ။

တစ်ခါတစ်ခါ၊
လာလေခေါ်ယူ၊ အတူလျှောက်စို့၊
ဟိုအနားမှာ၊ ကဗျာပင်အောက်၊
ကွန်းတထောက်ခို၊ ပန်းကောက်မယ်နော်၊
ပျော်တယ်မို့လား၊ ရင်ကြားမှာလေ၊
ပန်းတွေပိုက်ပွေ့၊ ပျော်ရွှင်မွေ့
တစ်နေ့ကုန်မှ ပြန်ရအောင်။

ပန်းခင်းမွေ့ရာ၊ ကဗျာနှင်းဆီ၊
သည်ပန်းတွေကြား၊ နှစ်ကိုယ်ကြားရုံ၊
ကြိုးစားပြောမယ်၊ တကယ်တော့လေ၊
ပျော်ပါစေလား၊ ကိုယ့်စကားကြောင့်၊
ပန်းများကိုခွာ၊ သူစိတ်နာလို့၊
ခမျာ ပန်းမုန်းလေမလား။

ပန်းတွေမုန်းယင်၊ လုံးလုံးကိုယ့်ကြောင့်၊
စိုးနှောင့်ဗျာဆူ၊ ကိုယ့်အပူကို၊
သူမသိစေ၊ နေတော့နေတော့၊
စိတ်ကိုလျှော့မယ်၊ တွယ်တာသမျှ၊
သည်ဘဝတော့၊ လနဲ့မြေလွှာ၊
ကွာကြီးကွာစမ်း၊ ကိုယ်ပဲလွမ်းမယ်၊
ပန်းမုန်း လူမုန်း၊ အဖြစ်ရှုံးရင်၊
နှလုံးကွဲပြီး သေမှာပဲ။

အချစ်ရယ် ..
တွယ်တာတတ်လို့၊ အပြစ်ဖို့ရင်၊
ကိုယ့်အဆိုးပဲရှိစေတော့။

မရုန်းသာ မဖယ်သာ
အကြင်နာယိုဖိတ်ခိုက်ပါတည့်။
မပြုံးသာ မရယ်သာ
ရင်မှာ သိုသိပ်လိုက်ပါ၏။ ။

မောင်စိန်ဝင်း (ပုတီးကုန်း)