အသိနှောင်းလေပြီ—

          “ညီ” ကျွန်မသူငယ်ချင်း “ ဟန်ရေးညီ” ကျွန်မရှေ့မှာငိုနေသည်။သူ့လက်ထဲမှာလည်းပန်းစည်းကြီးနဲ့။ အို လှ လိုက်တဲ့ ခရမ်းရောင်ပန်းစည်းကြီး။ဒါ ကျွန်မခရမ်းရောင်ကြိုက်မှန်းသိလို့ဝယ်လာတာဆိုတာ မေးစရာမလို။

          ကျွန်မသူ့ကိုတွေ့တော့ ၀မ်းသာသွားပြီး နှလုံးသားလေးက နွေးခနဲ။အခုနှစ်ပိုင်းအတွင်းမှ သူ့ကိုပိုသတိရနေ မိတာဘာကြောင့်လဲ။တကယ်ဆို သူဟာ ကျွန်မနဲ့ရေခြားမြေခြားမှာရှိနေသူပါ။သူနဲ့ကျွန်မဟာ ဘယ်လောက်ကွာခြား နေလဲဆိုရင် ကမ္ဘာပင်ခြားလို့။ကျွန်မတို့ဆီမှာ နေသာရင် သူ့ဆီမှာလရောင်လေး။ကမ္ဘာ့အရှေ့နဲ့အနောက်။

          သူငယ်ချင်း ဆိုတဲ့ခေါင်းစဉ်အောက်မှာ သူငယ်ချင်းထက်ပိုချင် ပိုနေမိသူက ကျွန်မ။ဒါပေမဲ့ မိန်းကလေးစည်း ဆိုတာရှိနေတာမို့ ရင်ထဲမှာသာ။သူနဲ့ကျွန်မဟာ သူငယ်တန်းတုန်းက ခုံတစ်ခုတည်းထိုင်ခဲ့တဲ့ငယ်သူငယ်ချင်း—အလယ်တန်းမှာ တစ်ခန်းတည်းစာပြိုင်ခဲ့တဲ့သူငယ်ချင်း—အထက်တန်းမှာ ဂုဏ်ထူးပြိုင်ခဲ့တဲ့သူငယ်ချင်း။။ပြောလို့သာ ပြောတာပါ—တကယ်တော့ ကျွန်မဟာစာတော်သူမဟုတ်။ သူ့ရဲ့ဖေးမမှု၊ ဦးဆောင်မှု ၊ နဲ့ အနိုင်မခံလိုစိတ်ထည့်ပေး ခဲ့ခြင်းကြောင့်သာ ကျွန်မ ဆယ်တန်းမှာ ဂုဏ်ထူး ၃ခုနဲ့အောင်ခဲ့တာပါ။သူကတော့ 6Dနဲ့ ဆေးကျောင်းသားပေါ့။

          မတွေးတတ် မခေါ်တတ်တဲ့ ညံ့ဖျင်းတဲ့ အပေါင်းအသင်းမရှိတဲ့ကျွန်မဟာ သူမပါတဲ့ သူမရှိတဲ့ ကွန်ပျူတာ တက္ကသိုလ်မှာ ယောင်နန ယောင်ချာချာ။အလုပ်ရှုပ်တဲ့ဆေးကျောင်းသားကြီးဟာ ကျွန်မကိုအရင်လိုအချိန်မပေးနိုင် တော့ပါ။ခြံချင်းလည်းကပ်နေတာမို့ သူ့တို့ဘက်မျှော်ကြည့်ရတာ ကျွန်မလည်ပင်းလည်း သစ်ကုလားအုတ်ထက် ရှည်နေပြီ။

          မုန့်စားသွားလည်းသူနဲ့ —ဟိုသွားလည်းသူ ဒီသွားလည်းသူနဲ့ဆိုတော့ တစ်ယောက်တည်းဖြစ်သွားတဲ့ ကျွန်မဟာ ကလေးတစ်ဦးလိုဘယ်ကစလုိ့ ဘာလုပ်ရမှန်းမသိတော့။

          မှတ်မိပါသေးတယ်။တစ်ခါက ကျွန်မမုန့်ဟင်းခါးစားတဲ့အခါ ငရုတ်သီးတွေများများထည့်မိလို့ ခေါင်းအခေါက်ခံ လိုက်ရပြီး အသစ်တစ်ပွဲနဲ့ပြီးသွားခဲ့ရတာ။ယောင်နနကျွန်မဟာ ခေါင်ရမ်းပန်းကိုပန်လို့ သူငေါက်တာခံလိုက်ရတာ။ ကျွန်မအူအတက်ပေါက်တုန်းက ဆေးရုံမှာအနားယူနေတုန်း စာတွေရှင်းပြလိုက် စွပ်ပြုတ်တိုက်လိုက်လုပ်ခဲ့တာ။အင်း— ဒါတွေကို ကျွန်မကသာယာမိန်းမောခဲ့မိပေမဲ့—-သူကတော့ သူငယ်ချင်းညီမလေးတဲ့။

          တစ်ခါတစ်ခါမှာ စာကျက်ရင်းအိပ်ချင်လာတော့ ဂျစ်တဲ့ကျွန်မကို ချော့ကာ “လွန်း ညီမ လာ” ခေါ်ကာ အိမ်ရှေ့ ကဧကရာဇ်ပင်အောက်မှာ ပန်းကောက်သွားခဲ့တာတွေဟာ သူငယ်ချင်းညီမအပေါ်ထားတဲ့မေတ္တာတဲ့။ ဒါပေမဲ့ ဒါတွေကို မိန်းမသားဖြစ်တဲ့ကျွန်မအသည်းနှလုံးကရှရှလာခဲ့တာ သူမသိခဲ့ပါ။

          အခုဆေးကျောင်းသားဖြစ်လာတော့ အသည်းခွဲတဲ့ကဏ္ဍမှာအထူးကျွမ်းကျင်တဲ့ ဆေးကျောင်းသားသူဟာ ကျွန်မအသည်းတွေကိုခွဲမှန်းမသိ ခွဲနေတာသူမသိလေရော့။နောက်ပိုင်းဆို ကျွန်မပြောသမျှကိုခပ်တည်တည်နဲ့ အဖြေတွေပေး မေးခွန်းတွေထုတ်လိုက်တာ—တကယ့် လူကြီးလိုလို။လေးနက်တည်ငြိမ်မှုတွေပိုပိုလာတဲ့သူ ပေါ့ပေါ့လေးတွေးကာ အေးအေးလေးနေချင်သူကျွန်မ—။

          “ ရည်းစားတွေဘာတွေမထားသေးနဲ့ ငယ်သေးတယ်တဲ့” ဒီလိုပြောတာ ကျွန်မဘွဲ့ယူတဲ့နေ့က။ ကျွန်မဘာသာ ဆုံးဖြတ်နိုင်တဲ့အရွယ်ဆိုတာ သူလည်းအသိ။ဒါကို—။မသိကျိုးကျွံပြုခံထားရတဲ့ ကျွန်မမျက်ဝန်းတွေမှ မျက်ရည်ဥတွေ လိမ့်ဆင်းလာသည်။

          “ ဟောဗျာ ငိုပြန်ပြီတဲ့”အရင်ကမငိုတတ်ပေမဲ့ တက္ကသိုလ်တက်သည်ကစလို့ ကျွန်မရင်ထဲကအမြဲနာကျင် ပြီးနွေးလာတာဘယ်သူမှမသိ။ဘာအကြောင်းပြချက်မှမပေးနိုင်ဘဲ တစ်ခါတစ်ခါ သူကိုမြင်ရင်ကို ငိုချင်လာတာ ကျွန်မ ကိုယ်ကျွန်မပင်နားမလည်နိုင်။သူပေါင်းတဲ့သူငယ်ချင်းမလေးတွေအကြောင်း သူသောကျတဲ့မိန်းမသားပုဂ္ဂိုလ်တွေ အကြောင်းကို ကျွန်မအတုယူစေရန်ဆိုကာ အမြဲပြောနေခဲ့တာသူ။ဒါပေမဲ့ အဲလိုတွေကြားတိုင်း ၊ ကလေးလိုဂရုစိုက်မှု တွေခံရတိုင်း ငိုနေပြန်တာ ကျွန်မ။

                   သူ ကျွန်မနဲ့အဝေးကိုသွားတော့မယ်ဆိုသိတဲ့နေ့

          “ လွန်း လိမ္မာနော်—ညီပြန်လာမှာပါ—အဲဒိတော့မှ ဧကရာဇ်ပင်အောက်မှာအရင်လိုဆော့မယ်နော်”ကဲ ကြည့် ကျွန်မကိုကလေးသာသာလိုသာ သဘောထားသည်။ခွဲခွာခါနီးမှာ မှာကြားနေပုံက အဖေက သမီးကိုမှာနေသလို။ကျွန် မငိုမိပြန်သည်။သူထုံးစံအတိုင်း ကျွန်မမျက်ရည်တွေသုတ်ပေးကာ အပြုံးနဲ့ပင်ထွက်ခွာသွားခဲ့သည်။သူစီးသွားတဲ့ လေယာဉ်ပျံကြီး ကကျွန်မကိုလှောင်ပြန်သည်။

                   Xxxxxxxxxxxxxxxxxxxxxxxxxxxxxx

                   ဒီနေ့ကျ ငိုနေသူက ထူးဆန်းစွာ ကျွန်မမဟုတ်။ကျွန်မပျော်နေသည်။ဟုတ်သည်လေ ၄ ၅နှစ် ကွာဝေးနေတဲ့ သူ ကျွန်မအနားရောက်လာတာကိုး။ဒါတောင် ခရမ်းရောင်ပန်းစည်းကြီးနဲ့။ခရမ်းရောင်ဂါဝန်နဲ့ကျွန်မ ကိုငေးလို့။သူ့မျက်ဝန်းတွေမှာလည်း အကြင်နာကြည့်တွေနဲ့။နှုတ်ကလည်း

                   “ လွန်း ကို ကိုယ်ချစ်ပါတယ်လွန်းရယ်—ဒါ့ကြောင့် လွန်းကို ကလေးလေးလိုယုယခဲ့တာ လွန်းက အထင်မှားခဲ့တာကိုး—လွန်းကိုချစ်လွန်းလို့ လွန်းအတွက် ကိုယ်နိုင်ငံရပ်ခြားထိပညာတွေသင် စီးပွားတွေရှာခဲ့တာ မသိလေရော့လွန်းရယ်” ကဲ—အဲဒါ သူ့နှုတ်က လေးလေးနက်နက်ထွက်ကျလာတဲ့စကားတွေ။ကျွန်မဘယ်လောက် ပျော်နေမလဲဆို ချစ်ဖူးသူတိုင်းသိမည်ထင်ပါသည်။ကျွန်မမှာ ၀မ်းသာမျက်ရည်တွေပင်ခိုတွဲလာရသည်။ဒါပေမဲ့

                   သူ ပန်းစည်းကိုကျွန်မကိုမပေး။သူ—သူတင်လိုက်တာ—သူပန်းစည်းကိုတင်လိုက်တာ—အဖြူရောင် အိမ်တစ်ခုပေါ်သို့။အိမ်ဆိုပေမဲ့ သေးငယ်တဲ့အိမ် ကျွန်မတို့ခါးသာသာရှိတဲ့အဖြူရောင်အိမ်ငယ်တစ်ခု။—ဘုရား ဘုရား သေချာကြည့်မိတော့ အုတ်ဂူတစ်ခု—-။အို!!!!!!

                   ကျွန်မသိလိုက်ပါပြီ။ ကျွန်မဟာ ပြီးခဲ့တဲ့ လကပဲ သွေးကင်ဆာနဲ့သေဆုံးခဲ့ပြီးပြီလေ—–အို ကျွန်မဆက်မတွေးရဲတော့ပါ။မတွေးလဲမတွေးချင်တော့ပါ။

                   သူ—ကျွန်မချစ်တဲ့သူကတော့ သူ့ကားအနက်လေးကိုမောင်းကာ ကျွန်မကိုကျောခိုင်းထွက်ခွာသွား ပြန်သည်။မဆုံတော့သောခွဲခွာခြင်းဆိုတာဒါမျိုးသာ–။ကျွန်မကိုယ်တိုင်လည်း တဖြည်းဖြည်းပျောက်  ကွယ်တော့မည်—ကျွန်မခန္ဒာကိုယ် ဟာ အမှုန်လေးတွေအဖြစ် ပြောင်းလဲနေသည်။အော်—-ဘ၀တပါးသို့ကူးရတော့မှာပါလား—–ကျွန်မချစ်ရတဲ့သူကို မခွဲလိုပေမဲ့ ကျွန်မမှာလွန်ဆန်နိုင်တဲ့အခွင့်မှမရှိတာ။နောက်ဆုံး ကျွန်မဖတ်လိုက်ရတာက

                   “ လွန်းအိမ်မေ

                   အသက် ၂၅ နှစ်”

          xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

               (စိတ်ကူးသက်သက်သာ)