/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0in 5.4pt 0in 5.4pt;
mso-para-margin:0in;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

“မေတ္တာဖြင့် စီးဆင်းသော……………………………………”(အပိုင်းနှစ်)

 

ကျွန်တော့် ဦးလေးအငယ်(လေးလေးအေး) မိန်းမ “မနီမာ”(အန်တီနီ)က ခေတ်ပညာတတ်တဦးဖြစ်ပါတယ်။

ဒီထက်ပိုပြောရရင်တော့ “အန်တီနီ” က ခေတ်မီတယ် ဘိုဆန်တယ်ဆိုတဲ့ အသိုင်းအ၀ိုင်းမှာကြီးပြင်းလာသူလဲဖြစ်ပါတယ်။

ဒီတော့လဲ သူ့အတွေးတွေက မြန်မာမဆန်ဘူးလို့ပြောရင်လဲရပြန်ပါတယ်။

သူတို့မိသားစုက အနောက်နိုင်ငံကလာတဲ့စာအုပ်များမှာပါတဲ့အတွေးအခေါ်တွေမှ ခေတ်မီတယ်လို့

တစ်ထစ်ချမှတ်ယူကျင့်သုံးကြပါတယ်။

ဒီလိုမှ ခေတ်နဲ့အညီရှိတယ် သစ်လွင်တယ် လူတန်းစေ့မှီတယ်လို့လဲ မှတ်ယူထားကြသလို

တကယ်လဲလက်တွေ့မှာ ကျင့်လဲကျင့်သုံးကြပါတယ်။

သူတို့ ဒီလိုတွေးတာ ပြုမူနေထိုင်တာ မှန်တာ မမှန်တာအပထား ကျနော်တို့မိသားစုပုံစံနဲ့တော့ အံမ၀င်တာအမှန်ပါဘဲ။

ပြဿနာစဖြစ်တာကတော့ အစားအသောက်က စတာပါဘဲ။

လေးလေးအေးရဲ့သား “ဖိုးတာ”လေး အခါလည်ကျော်ကျော်လောက်ကပေါ့။

ကျွန်တော်တို့ငယ်ကတည်းက အဖွားကြွေးတဲ့ဖီးကြမ်းငှက်ပျောသီး မီးဖုတ်ကို အမြဲတမ်းစားရပါတယ်။

ဝမ်းမှန်တယ်လူနဲ့တည့်တယ်ပေ့ါ။

တစ်ရက် အဖွားက ကျွန်တော့်တို့ကလေးတွေကို ငှက်ပျောသီးမီးဖုတ်ကြွေးနေတဲ့အချိန်မှာ အန်တီနီ

အလုပ်က ပြန်လာတာနဲ့ဆုံပါတယ်။

အဲလိုစားနေတဲ့အချိန်မှာ ဖိုးတာလေး လက်မှာကလဲ မီးဖုတ်ငှက်ပျောသီးက အခွံကို မီးကျွမ်းထားတဲ့ မီးခိုး

အမဲတွေကလဲလက်မှာပေ၊စားလက်စ ငှက်ပျောသီးတွေကလဲ ပါးစပ်မှာပေပွလို့ပေါ့။

အဲဒါလဲမြင်ရော အန်တီနီ ဒေါသူပုန်ထပါတော့တယ်။

ကလေးကို ပေပွညစ်ပတ်နေအောင် ဘယ်သူဒါတွေကြွေးသလဲတို့၊

ငှက်ပျောသီးမီးဖုတ်က မီးသွေးအမဲတွေက ကာဗွန်တွေ ကလေး ရဲ့အူ ကိုဒုက္ခပေးမှာ ကင်ဆာဖြစ်မှာပေါ့တို့

ငှက်ပျောသီးတွေစားရင် ၀မ်းပျက်ကုန်မှာပေါ့ တိုဆိုပြီး ကွိုင်တွေပူတော့ အဖွားက

“ငါကြွေးတာပါ” လို့ပြောလဲမရပါဘူး။

ပွစိပွစိနဲ့ မပြီးနိုင်မစီးနိုင် ဆက်ပြောနေတော့ အဖွား ကလဲ

“ငါ့သားသမီး ကမွေးထားတဲ့ သားသမီး ရော ငါ့မြေးမှန်သမျှ ရော တစ်ယောက်မကျန်ဒီလိုဘဲကြွေးလာတာဘာမှ မဖြစ်ခဲ့ဘူးအေးဒါပေမယ့် ညည်းမကြိုက်ရင်နောက် ငါမကြွေးဘူး  “လို့ပြောလိုက်ပါတယ်။

ဖြစ်ချင်တော့ အဲဒီည မှာ ဖိုးတာလေး က၀မ်းနည်းနည်းသွားတော့ အန်တီနီက ဆက်ပြီး ပွမ်ဇယားတွေလုပ်တော့

လေးလေးအေးတို့လင်မယား သူတို့အခန်းထဲမှာ ကျိတ်ကျိတ်နဲ့စကားတွေများကြပါတယ်။

 

နောက်အဖွားက အစားအသောက်နဲ့ပါတ်သက်လို့ အိမ်မှာဆိုရင် ကျွန်တော့်တို့ ကိုနည်းနည်းလေးအလိုလိုက်ပါတယ်။

ဘဲဥမွှေကြော်ထားတာကို မကျက်တကျက်ကြော်ပေးမှဆိုရင်လဲ လုပ်ပေးလိုက်။

ဘဲဥကို ကြက်သွန်ခရမ်းချဉ်သီးနဲ့ အပြားလိုက်ကြော်ပေးဆိုရင်လုပ် စိတ်တိုင်းကျအောင်လုပ်ပေးပါတယ်။

ချက်ထားတဲ့ဟင်းကို မကြိုက်ဘူးဆိုရင်လဲ ရှာကြံပြီး ပြင်ဆင်လို့ အသုပ်တွေဘာတွေလုပ်ပြီး ကြွေးတတ်ပါတယ်။

ကျွန်တော်တို့ ညီအကိုမောင်နှမ တစ်စုကြီးကလဲ အဖွားရှိတယ်ဆိုရင် ရှာကြံပြီးပူဆာနေကြ ဆိုတော့ ထမင်းစားခါနီးဆိုရင်

မြေးအဖွားတွေ ဆူညံနေတာ ကျွန်တော်တို့အဘို့ပျော်စရာကြီးဖြစ်နေပေမယ့် အန်တီနီအတွက် မျက်စေ့စပါးမွှေးစူးစရာ

ဖြစ်နေတာ မသိကြပါဘူး။

တစ်ရက်တော့ ဒီလိုထမင်းစားချိန်လေးမှာ“ဖိုးတာ”က သူ့အမေချပေးတဲ့ ဟင်းကိုမကြိုက်လို့ဆိုပြီးဂျီကျနေပါတယ်။

သူ့အမေကလဲ ကလေးဘဲ လူကြီးကြွေးတာကိုဘဲစားရမယ်ဆိုတဲ့ မူအရ မစားချင်လဲစားရမယ်ဆိုပြီး ဇွတ်ကြွေးပါတယ်။

“ဖိုးတာ”ကလဲ မစားဘဲပေကပ်နေတော့ သူ့အမေက နှစ်ချက်ဆင့်ရိုက်လိုက်ပေမယ့်လဲ  “ဖိုးတာ”မစားပါဘူး။

ဒါပေမယ့်လဲ ကလေးက ၀မ်းပမ်းတနဲ နဲ့ ရှိုက်ရှိုက်ပြီးငိုနေပါတယ်။

အဲဒီမြင်ကွင်းကိုအဖွားလဲမြင်ရော “ဖိုးတာ”လေးကို “ဘာစားမလဲ ဖွားဖွားလုပ်ပေးမယ်”လို့ပြောလဲပြောရော

အန်တီနီက အဖွားကို “ကျမက  ကလေးကို စည်းနဲ့ကမ်းနဲ့နေတတ်အောင် သင်ပေးနေတာကို အမေက မဖျက်ဆီးပါနဲ့ “လို့

ဝင်ပြောလိုက်တဲ့အခါ အဖွားနဲ့ စကားတွေအချီအချပြောကြပါတော့တယ်။

အန်တီနီကလည်း အဖွားတို့ ကအလိုလိုက်လွန်းတော့ ကလေးတွေက စည်းကမ်းမဲ့ကုန်တယ် အကျင့်ပျက်တယ်ပေါ့။

အဖွားကလည်း ကလေးဆိုတာ ကလေးနဲ့တန်ရုံလောက်ဘဲဆုံးမရမယ် ကလေးကို စိတ်ရိုင်းစိတ်မိုက်တွေဝင်အောင်

လုပ်နေတယ်ပေါ့။

ကလေးကို ဒီလို ဇွတ်အတင်းလုပ်လို့လဲ လိမ္မာသွားမှာ မဟုတ်ဘူးပေါ့။

အန်တီနီကလဲ ကလေးကို နေချင်သလိုနေ ထားချင်သလိုထားဆိုတာနည်းလမ်းမကျဘူးပေါ့။

အကျင့်ပါသွားလို့ကြီးမှ ပြင်မယ်ဆိုရင်ဘယ်လိုလုပ်ဖြစ်နိုင်မလဲပေါ့။

အဖွားကလဲ ငါမွေးလာတဲ့သားသမီးမှန်သမျှ ဒီလိုဘဲထိန်းကျောင်းလာတာ ငါ့သားသမီးတွေမြေးတွေထဲမှာ

အကျင့်ပျက်တဲ့သူ တစ်ယောက်မှ မပါဘူးဆိုပြီး အပြန်အလှန်ပြောကြတော့တာပေါ့။

အဆုံးသတ်လိုက်တော့ အန်တီနီက သူ့ကလေးကို ဘယ်သူဝင်ပြောတာမှ မကြိုက်ဘူးဆိုတာနဲ့ အဆုံးသတ်ပြီး

အဖွားကလဲ ငါ့မြေးပေမယ့် ညည်းတို့သားဆိုတော့ ညည်းတို့စိတ်တိုင်းကျဘဲလုပ်ပါဆိုပြီး နိဂုံး ချုပ်လိုက်ပါတယ်။

 

အဲဒီလိုဖြစ်ပြီးနောက်မှာ ကျွန်တော်တို့က ဘာမှ မဖြစ်ပေမယ့် အန်တီနီကတော့ မနက်သူအလုပ်သွားရင်

“ဖိုးတာ”လေးကိုသူနဲ့အတူခေါ်သွားပြီး သူ့အမေအိမ်မှာဘဲထားပါတော့တယ်။

တစ်စထက် တစ်စ ကျွန်တော်တို့ ညီအကိုမောင်နှမ၀မ်းကွဲတွေရဲ့အသိုင်းအ၀ိုင်းနဲ့လဲဝေးသထက်ဝေးသွားပါတယ်။

အန်တီနီ အလုပ်ပိတ်ရက် ကျွန်တော်တို့ ကလေးတွေကျောင်းပိတ်ရက်  အိမ်မှာနေတဲ့အချိန်

 ကျွန်တော်တို့ မောင်နှမတွေနဲ့ အိမ်နီးချင်းကလေးတွေခြံထဲမှာ

 တူတူပုန်းတမ်းတို့ ထုပ်ဆီးတိုးတန်းတို့ ပြေးတန်းလိုက်တမ်းတို့ သားရေကွင်းပစ်တာတို့ ဂေါ်လီလုံးပစ်တာတို့

ကြက်တောင်ရိုက်တာတို့ ဆူညံအော်ဟစ်ကစားနေကြရင် “ဖိုးတာ”လေးက သူတို့အခန်းပြူတင်းပေါက်ကနေ ငေးကြည့်

နေတာကို တွေ့ရပါတယ်။

ကျွန်တော်တို့တတွေက တစ်ရက်မှာ သူ့ကို အတူကစားဘို့ ၀ိုင်းခေါ်လို့ သူဆင်းကစားနေတာကို အန်တီနီလဲတွေ့ရော ညစ်တီးညစ်ပတ် သဲထဲ ဖုံထဲမှာ ဆော့ရကောင်းလားဆိုပြီး အရိုက်ခံရကတည်းက သူကလဲ မလာရဲ ကျွန်တော်တွေကလည်းမခေါ်ရဲဖြစ်သွားပါတယ်။

 

နောက်အန်တီနီတို့ အိမ်က “ဖိုးတာ”ကို အရုပ်ထူးထူးဆန်းဆန်းလေးတွေ ဈေးကြီးတာလေးတွေဝယ်ပေးတတ်ပါတယ်။

သူ့ဆီမှာရှိတဲ့ အရုပ်လေးတွေကို ကျွန်တော်တို့ တစ်တွေက သွားရေယိုပါတယ်။

လှလည်းလှ ဆန်းလဲဆန်းတာကို ။

ကျွန်တော်တို့ကြတော့ လူအုပ်စုများတဲ့အတွက် အဲလိုအဖိုးတန်ကြီးတွေက်ိုဝယ်မပေးပါဘူး။

အားလုံးကစားနိုင်တဲ့ ပလပ်စတစ်ဘော့လုံးတို့ကြက်တောင်ရိုက်တဲ့ဘက်တံတို့လောက် ဘဲဝယ်ပေးပါတယ်။

တစ်ရက်တော့“ဖိုးတာ” ကိုင်လာတဲ့ သံပတ်ပေးတဲ့လေယာဉ်ပျံလေးကို ညီဝမ်းကွဲလေး “ပိစိ”ကယူပြီးဆော့တာ

လေယာဉ်ပျံလေးက အတောင်ပန်တစ်ဖက်ကျိုးသွားတော့ “ဖိုးတာ”က ငိုပါရော။

 

(ဆက်လက်ဖော်ပြပါမည်)

ကိုပေါက်လက်ဆောင် အတွေးပါးပါးလေး

 

“မေတ္တာဖြင့် စီးဆင်းသော……………………………………”(အပိုင်းသုံး)

 

အဲဒီအချိန် အန်တီနီက “ဖိုးတာ” ကို ကျွန်တော်တို့နဲ့ ဆော့ရကောင်းလားဆိုပြီးရိုက်ရင်းနဲ့”ပေါက်လွှတ်ပဲစား”ဆိုတဲ့

စကားလုံးလေးသုံးတာကအစပြုပြီး အန်တီနီကတစ်ဖက် ကျွန်တော်တို့ အမေတွေ အဒေါ်တွေက တစ်ဖက်

စကားတွေများကြပါတော့တယ်။

ဒီအရှိန်က ညမှာဆက်ပြီး လေးလေးအေးနဲ့ အန်တီနီတို့ စကားတွေဆက်ပြီးများကြပြန်ပါတယ်။

အဖွားက တော့ စိတ်မကောင်းပေမယ့် ဘာမှ ၀င်မပြောပါဘူး။

ဒါပေမယ့် ကျွန်တော်တို့ကိုတော့ “ဖိုးတာ”နဲ့ပါတ်သက်ရင်အဆော်ခံရမယ်လို့ ရာဇသံပေးထားတော့

ညီအကိုဝမ်းကွဲခြင်းချစ်ပေမယ့်လူကြီးတွေရှေ့မှာဆိုမခေါ်ရဲပါဘူး။

လူကြီးတွေ အလစ် လူကြီးတွေ ကွယ်ရာမှာဆိုရင်တော့ ခေါ်တာပေါ့။

ဒါပေမယ့်လည်း “ဖိုးတာ”က သူ့ပိုင်တဲ့အရုပ်ဆို ကျွန်တော်တို့ ထိဘို့ ကိုင်ဘို့ မပြောနဲ့ ပေးတောင် မကြည့်လောက်အောင်ကို နှမျောစိတ်ဝင်သွားပါတော့တယ်။

ဒီအဖြစ်အပျက်ရဲ့ရလာဒ်ကတော့ ကျွန်တော်တို့ မောင်နှမတစ်တွေနဲ့ “ဖိုးတာ” သတ်သတ်စီဖြစ်သွားပါတယ်။

နောက်တစ်လလောက်ကြာတော့ “ဖိုးတာ”တို့မိသားစုလဲ သူအမေဘက်က အဖွားအိမ်ပြောင်းသွားတော့

ညီအကိုခြင်းတွေဝေးသွားသလို ခပ်စိမ်းစိမ်းလဲဖြစ်သွားကြပါတယ်။

 

ကျွန်တော်တို့ကလေးတွေကို  အလိုလိုက်တာမှန်ပေမယ့် အဖွားချမှတ်ထားတဲ့ စည်းကမ်းတွေကလဲ အများသားပါ။

ထမင်းစားမယ်ဆိုရင် ငယ်ငယ်တုံးက သာ အလိုလိုက်တာပါ။

ကျောင်းနေတတ်တဲ့အရွယ်ရောက်ကတည်းက စည်းနဲ့ကမ်းနဲ့စားရပါတော့တယ်။

ထမင်းစားမယ် ဆိုရင် လက်တွေသန့်အောင်သေသေချာချာဆေး။

နောက် ဟင်းကိုလည်း သတ်မှတ်ထားတဲ့ ဝေပုံကျအတိုင်းဘဲစားထမင်းနဲ့ ဟင်းကို မျှမျှတတစားတတ်အောင် အကျင့်လုပ်ပေးပါတယ်။

 

ဟင်းအရည်သောက်တွေဘာတွေကို ကုန်ရင်ထပ်ထည့်ပေးပေမယ့် အသားဟင်းကတော့ တစ်တုံးသတ်မှတ်ပေးရင်

တစ်တုံးနဲ့လောက်အောင်စား ထပ်တောင်းလို့ မရပါဘူး။

ကျွန်တော်တို့ က အသားဟင်းကို အရင်ကုန်အောင်စား။

ထမင်းထပ်ထည့်မယ် အကြောင်းပြလို့ အကြံအဖန်လုပ်ပြီးဟင်းထပ်တောင်းလဲ မပေးပါဘူး။

“ထမင်းထပ်ထည့်မယ်လို့ စဉ်းစားထားရင် ဟင်းကိုချန်ပြီးမှ စား” ပါတဲ့။

နောက်ထမင်းစားတဲ့အခါ လက်နဲ့ထမင်းစားမယ်ဆိုပြန်ရင်လဲ လက်ခုံထိ ထမင်းတွေဟင်းတွေပေပွနေအောင် ထမင်းနယ်ဖတ်စားတာတွေ့ရင်မပေအောင်စားတတ်အောင် တတွတ်တွတ်နဲ့ သင်ပေးပါတယ်။

ထမင်းနဲ့ ဟင်းအနှစ်နယ်ဖတ်စားရင်လဲ ဘေးလူကြည့်လို့ ရွံစရာကောင်းလောက်အောင် ပွစိတက်နေအောင် နယ်မစားဘို့၊

နောက်ဟင်းခွက်နှုိုက်ရင်လဲ ပေပွနေတဲ့ ညာလက်နဲ့မနိုက်ဘဲ ဘယ်လက်နဲ့ကိုင်တတ်အောင်၊

ဟင်းရည်ကိုသောက်တဲ့အခါမှာလည်း တရူးရူးနဲ့လူကြားမကောင်းအောင် အသံထွက်မသောက်ဘို့၊

ထမင်းစားတဲ့အခါမှာ ပါးစပ်မဆန့်လောက်အောင် ပါးလုပ်ပါးလောင်း လူမြင်မကောင်းအောင်မစားဘို့၊

ထမင်းကို ၀ါးတဲ့အခါမှ ပါးစပ်က တပြတ်ပြတ်မမြည်အောင်စားဘို့ ၊

နောက်နည်းနည်းကြီးလာလို့ ဟင်းခွက် ကို စိတ်တိုင်းကျနိုက်စားခွင့်ပေးတဲ့အခါကျပြန်တော့လည်း

ကိုယ်နှစ်သက်တဲ့ အသားတစ်တုံးကို အသာအယာခပ်မယူဘဲ ဟင်းခွက်ထဲကို ဇွန်းနဲ့မမွှေဘို့၊

ထမင်းကိုလက်နဲ့မစားဘဲ ဇွန်းနဲ့စားတဲ့အခါ ဇွန်းနဲ့ပုဂံအသံမထွက်ဘဲ လွတ်အောင်စားဘို့၊

ထမင်းစားပြီးတဲ့အခါမှာလဲ ထမင်းပုဂံထဲမှာ ထမင်းကျန်ဟင်းကျန်တွေညစ်ပတ်ပြီး ပွထ မနေဘို့၊

ထမင်းကို ကိုယ်စားလို့ကုန်လောက်ရုံမထည့်ဘဲ လောဘတကြီးနဲ့ထည့်ုပြီးမကုန်မှ သွန်မပစ်ဘို့၊

ထမင်းကို အေးအေးသက်သာ မစားဘဲ မျက်လုံးက ကျီးကန်းတောင်းမှောက်နဲ့

စားပွဲပေါ်က ဟင်းခွက်တွေကိုလိုက်မကြည့်ဘုိ့ဆိုတဲ့ “ဘို့ “ပေါင်းများစွာ ၊စည်းကမ်းပေါင်းများစွာနဲ့

နေနည်းထိုင်နည်းအမျုိးမျိုးကို သင်ပေးပါတယ်။

တကယ်လို့များ ထမင်းဝိုင်းမှာ သူသင်ပြသလိုမစားဘဲများ စားမိရင် မျက်စောင်းလေးနဲ့လှမ်းပြီးသတိပေးပါတယ်။

အဲဒါမှ ဆက်ပြီး လုပ်နေမယ်ဆိုရင် အများစားနေတဲ့ ထမင်းစားပွဲကနေထခိုင်းပြီး တစ်ယောက်တည်း တစ်နေရာမှာ

သွားစားခိုင်းပါတယ်။

ဒါတင်မကသေးဘူး အဲဒီရက်မျုိးမှာ မုန့်တွေဘာတွေများဝေရင် သူများထက် နည်းပြီးလျှော့ပေးပါတယ်။

အဲလိုများ အဖယ်ခံရရင် ညီအကိုမောင်နှမတွေကလည်း ၀ိုင်းလို့ စတတ်ကြပါတယ်။

ဒီလိုဝိုင်းပယ်ခံရမှာကြောက်တာရယ် အဖွားက စည်းကမ်းမဲ့ သူကိုဆိုရင်မျက်နှာသာမပေးဘူးဆိုတဲ့အသိကြောင့်

အဖွားအလိုကျနေရင်း နေရင်း နဲ့စည်းကမ်းရှိတဲ့သူတစ်ယောက်အဖြစ်ကို မသိမသာနဲ့ ရောက်သွားပါတော့တယ်။

 

ကျနော်တို့ငယ်ငယ်က အဖွားရဲ့မျက်စောင်းကလေးကို သတိထားရ ကြောက်ရပါတယ်။

ဒီမျက်စောင်းလေးရဲ့နောက်ကွယ်မှာ ကန့်သတ်မူ့တွေ ရှိနေလို့ပါဘဲ။

တစ်ခါကတော့ ဒီမျက်စောင်းလေးကို သတိမပြုမိလို့ အပြစ်ပေးခံရတာလေးကို ပြန်တွေးတိုင်းသတိရနေမိလို့ပါဘဲ။

အဖွားတို့ရဲ့မိတ်ဆွေသင်္ဂဟတွေက တစ်အိမ်နဲ့တစ်အိမ် အပြန်အလှန်အလယ်သွားလေ့ရှိတတ်ပါတယ်။

သွားတဲ့အခါမှာလည်း ကျနော်တို့ကလေးတွေတစ်ပြုံတမကြီးကို ခေါ်သွားလေ့ရှိပါတယ်။

နီးရင်ခြေလျှင် ဝေးရင် အငှားကားနဲ့ပေါ့။တစ်ခါတစ်ခါတော့လည်းမြင်းလှည်းပေါ့။

တမိသားနဲ့တမိသား ရင်းနှီးကျွမ်းဝင်အောင်လို့ပါ။

အဖွား က သူများအိမ်ကို အလည်သွားရင် အိမ်ရှင်က ချပေးတဲ့ မုန့်ကို အဖွားခွင့်ပြုမိန့်မရဘဲမစားရပါဘူး။

အဖွားက ခွင့်ပြုလိုက်ပြန်ရင်လည်း အငမ်းမရမစားရပါဘူး။

အိနြေ္ဒရရနဲ့သေသေ သပ်သပ်စားရပါတယ်။

စည်းမဲ့ကမ်းမဲ့များစားမိရင် အဆူခံရတဲ့အပြင် သူများအိမ်ကို အလည်သွားရင် မခေါ်ဘဲထားပါတယ်။

အဲလိုအလည်သွားရရင်အရမ်းကိုပျော်ရပါတယ်။အပေါင်းအသင်းအသစ်တွေနဲ့ကစားလဲကစားရ

မုန့်လဲစားရဆိုတော့ မခေါ်ဘဲအထားခံရမှာကို သိပ်ကြောက်ပါတယ်။

 

တစ်ခါမှာတော့ အမြဲတမ်းလဲသွားနေကျ၊အရမ်းလဲရင်းနှီးတဲ့ ကျွန်တော့်ကိုလည်း အတော်ချစ်တဲ့ အိမ်ကိုအလည်သွားကြပါတယ်။

အဲဒီမှာ ကျွန်တော် အဖွားမကြိုက်တာကို လုပ်မိပါတော့တယ်။

(ဆက်လက်ဖော်ပြပါမည်)

ကိုပေါက်လက်ဆောင် အတွေးပါးပါးလေး