သူတို့တစ်တွေအဆင်မပြေတာတွေလေးတွေကြားမိတော့ ကိုယ်ငယ်ငယ် ခပ်မိုက်မိုက်အရွယ်တုံးကဖြစ်ခဲ့တာလေးကိုလဲ

ပြန်ပြီးသတိရလို့လာပါတယ်။

အဲဒီတုန်းကကျနော်လည်းအိမ်ထောင်ကျခါစ။

လင်မယားနှစ်ယောက် ကိုယ့်ဘ၀ကိုယ်ရုန်းကန်ပြီးတည့်မတ်အောင်မနည်းနေရပါတယ်။

နှစ်ယောက်လုံးက အစိုးရ၀န်ထမ်းလခစားတွေပါ။

ဘယ်သွားသွား ဂျောက်ဂျက်ဂျောက်ဂျက်အသံတွေပေးနေတတ်တဲ့စက်ဘီးစုတ်ကလေးနဲ့ပေါ့။

အဲဒီနေ့က ပထမမုန့်ဟင်းခါးစားမယ်ဆိုပြီး သွားကြပါတယ်။

မုန့်ဟင်းခါးဆိုင်ကလဲအဲဒီတုန်းကနာမယ်ကြီး သူသားတွေနဲ့ကိုယ်နဲ့ကလဲ ငယ်ကတည်းက ကစားဖော် ကစားဖက်တွေပါ။

ရောက်တော့ မုန့်ဟင်းခါး ရိုးရိုးနှစ်ပွဲဆိုပြီးမှာလိုက်ပါတယ်။

အစုံဆိုရင် ငါးဖယ်တွေ ဘဲဥတွေပါမယ်ဈေးကလဲ ကြီးမယ်လေ။

တစ်ပွဲတစ်ရာ ရိုးရိုးဆိုရင်60ဘဲကုန်မှာ။

အိမ်ထောင်ဦးဆိုတော့ အစစ အရာရာတွက်ချက်ပြီးသုံးနေရတဲ့ဘ၀ပေါ့။

ကျနော်တို့ ထိုင်ပြီးမကြာခင်မှာမိသားစု ငါးယောက် ပါတဲ့ ကား တစ်စီးဝင်လာပါတယ်။

အဲဒီလူတွေရောက်လာတော့“အန်တီအစုံငါးပွဲ ငါးဖယ် နှစ်တုံးစီ အပိုညှပ်ထည့်ပေး” ဆိုပြီးအော်မှာသံကြားရပါတယ်။

ခဏနေတော့ သူတို့ဝိုင်းကိုမုန့်ပွဲချလိုက်တာကို မြင်လိုက်ရပါတယ်။

ဒါပေမယ့် ကျနော်တို့အတွက်တော့လာချမပေးပါဘူး စိတ်ထဲမှာတော့ “ကိုယ်က လူရင်း သူတို့က တစိမ်းမို့နောက်မှပြင်ပေးတာနေမှာ”ဆိုတဲ့အတွေးနဲ့စောင့်နေပါတယ်။

ဒါပေမယ့်တော်တော်လေးကြာတာတောင်လာမချတော့ “အန်တီ ကျနော်တို့ကိုပြင်ပေးအုံးလေ”လို့လှမ်းပြောလိုက်တော့မှ

“ကိုပေါက်ရယ် အားနာလိုက်တာမုန့်ကကုန်သွားပြီ အန်တီက မေ့သွားတာ နောက်နေ့မှ စားတော့ “ဆိုပြီး ပြောတော့

ကျနော် အတော်လေးစိတ်တိုသွားပြီးပြောမယ် လုပ်ဘို့ ပါးစပ်ပြင်တုံး လေဒီပေါက်က “ရတယ် အန်တီ နောက်နေ့ပေါ့“လို့လှမ်းပြောရင်း ကျနော်လက်ကိုဆွဲပြီး အပြင်ထွက်လာပါတယ်။

မခံချင်စိတ်ကြီးတဲ့ ဒေါသကြီးတဲ့ကျနော့် အကြောင်းကို သိတော့ ပြဿနာတက်မှာ အမြဲတွေ့နေတဲ့လူတွေဆိုတော့

မိန်းမပီပီအားနာတာလည်းပါ ပါတယ်။

ဒါတောင်ကျနော်က ခုံတစ်လုံးကိုခြေထောက်နဲ့ဆောင့်ကန်ခဲ့ပါသေးတယ်။

(ဆက်လက်ဖော်ပြပါမည်)

ကိုပေါက်လက်ဆောင်အတွေးပါးပါးလေး