“မနင်းစကောင်း …………….နင်းစကောင်း…………….”

 

 

ဟိုအတော်ဝေးဝေးလွန်ခဲ့တဲ့ ဥပုဒ်တစ်ရက်က  ကျနော်ရယ် ကိုသိန်းအောင်ရယ် ရှမ်းခေါက်ဆွဲသွားစားကြပါတယ်။

တနင်္ဂနွေနေ့ နဲ့ ဥပုဒ်နေ့ တိုက်နေတာရယ် မနက်ကိုးနာရီစွန်းစွန်းလောက်ရယ်ဆိုတော့ ခေါက်ဆွဲလာစားတဲ့သူအတော်များတယ်ပြောလို့ရပါတယ်။

စာပွဲတိုင်းမှာလူအပြည့် ။

စားပွဲထုိးလေးကောင်လေးတွေရောကောင်မလေးတွေပါဟိုဘက်ပြေးလိုက်ဒီဘက်ပြေးလိုက်၊

ခေါက်ဆွဲပန်းကန်တွေကို မနိုင်မနင်းနဲ့သယ်လာပြီးလိုက်ချဆိုပြန်တော့

သူတို့ကိုကြည့်နေရင်းနဲ့တောင်မောလာသလိုပါဘဲ။

အတော်လေးကြာမှ ကျနော်တို့မှာထားတဲ့ခေါက်ဆွဲကရောက်လာပါတော့တယ်။

ဖြစ်ချင်တော့ ကျနော်တို့ဝိုင်းနဲ့ ဟိုဘက်စားပွဲဝိုင်းမှာတာတွေကိုပြောင်းပြန်ချမိပါတယ်ထင်ပါတယ်။

ကျနော်တို့နှစ်ယောက်က ၀က်သားနဲ့မှာထားပါတယ်။

လာချတော့ ကြက်သား။

ဟိုဘက်ဝိုင်းက လင်မယားကိုတော့ ကြက်သားနဲ့မှာတာကို ၀က်သားနဲ့သွားချပါတယ်။

စားပွဲထိုးလေးက မှားချတာသိလို့ မုန့်ပန်းကန်ချင်းလဲပေးမယ်လုပ်တော့  ဟိုဘက်ဝိုင်းက မုန့်တွေကိုနယ်ပြီးသားဖြစ်နေတော့  လဲပေးလို့ မရတော့ပြန်ပါဘူး။

အဲတော့ စားပွဲထိုးလေးခင်ဗျာ မှားချတဲ့မုန့်တွေပြန်ယူသွားရပါတယ်။

ကျနော်တို့ဝိုင်းကိုလာပြီး မုန့်လဲပေးမယ်လုပ်တော့
“ရပါတယ်ကွာ…….ငါတို့ဒါဘဲစားလိုက်ပါမယ်၊နောက်တော့ မလွဲစေနဲ့”လို့ဘဲပြောလိုက်ပါတယ်။

 “ ပြန်လဲခိုင်းလိုက်ရတာဘဲ သူတို့မှားချတာဘဲဟာ”လို့ပြောတော့

“နေပါစေ့ကွာ နို့မဟုတ်ရင် ကလေးတွေလခထဲက အဖြတ်ခံရမှာ၊

  သူတို့မှားတာ ပေမယ့် မနင်းချင်ပါဘူး”လို့ပြန်ပြောပါတယ်။

 

 

အဲဒီနေ့ နေ့လည်ပိုင်းမှာ တော့ ကျနော်ရယ် မိတ်ဆွေတစ်ယောက်ရယ် လက်ဖက်ရည်သွားသောက်ဖြစ်ပါတယ်။

ကျနော်တို့နဲ့ဘေးဘက်က ၀ိုင်းမှာတော့ ကောင်လေးတွေရောကောင်မလေးတွေအုပ်စုလိုက်ကြီးထိုင်နေကြပါတယ်။

မရှိဘူးဆိုသူတို့အဖွဲ့ကဆယ်လေးငါးယောက်။

မှာလိုက်ကြတာလဲ တစ်ယောက်တစ်ပေါက်.။

ခဏနေလို့ လက်ဖက်ရည်တွေအအေးတွေလာချတော့ပြဿနာတက်ပါတော့တယ်။

သူတို့မှာတာက ဘလူးမောင်တိန်….စပါကလင်။

စားပွဲထိုးကောင်လေးဖောက်လာတာက မက်စ်စပါကလင်။

ဟိုအဖွဲကလဲ သူတို့မှာတာမဟုတ်လို့ မယူဘူးလို့ပြော။

စားပွဲထိုးလေးကလဲ အမတို့မှာတဲ့အတိုင်းယူလာတာပါလို့ပြော.။

ငါမှန်တယ် သူမှားတယ် ငြင်းရင်းကနေ အခြေအတင်ဖြစ်လာပါတယ်။

သူတို့ အငြင်းအခုန်ဖြစ်နေတာကို ဆိုင်ရှင်သိသွားတော့ ကောင်လေးကိုဆူပြီး သူတို့လိုချင်တာနဲ့လဲပေးလိုက်ပါတယ်။

သူတို့ထဲက ကောင်လေးတစ်ယောက်က “နင်မှာတာ မက်စ်လေ”လို့ပြောတော့

ကောင်မလေးတစ်ယောက်က “ဟုတ်တယ်လေ ငါစိတ်ပြောင်းသွားလို့ ပြောင်းမှာလိုက်တာ”လို့ပြန်ဖြေသံကြားလိုက်ရပါတယ်.။

“နင်လုပ်တာက ကောင်လေးကြားညှပ်သွားတာပေါ့”လို့ပြောတော့ 

နောက်ဆက်တွဲစကားသံလေးက “ငါတို့ကအများကြီးဝိုင်းမှာတော့ ငါလိမ်ပြောလိုက်တာ သူတို့မသိလောက်ပါဘူး”တဲ့။

ကောင်တာထိုင်နေတဲ့ပိုင်ရှင်မဆီက မသဲမကွဲကြားလိုက်ရတာကတော့

“နင့်လ ခထဲက တစ်ဝက်ဖြတ်မယ်”လို့ပြောသံလေးခပ်သဲ့သဲ့ ကြားမိသလို။

 

@@@@@@@@@@@@@@@@@@@@@@@@@@@@@@@@@@@@@@@

ဒီအဖြစ်အပျက်လေးတွေကိုတွေးမိတော့ ကိုအောင်မောင်းတို့အလုပ်မှာ ဖြစ်ခဲ့တာလေးတစ်ခုကို

စိတ်ထဲမှာတရေးရေးပေါ်လာပါတယ်။

ဒါကလဲ ကိုအောင်မောင်ပြန်ပြောပြလို့ ကျနော်သိရတာပါ။

လွန်ခဲ့တဲ့လေးငါးနှစ်လောက်ကဖြစ်ခဲ့တာပါတဲ့။

ကိုအောင်မောင်းတို့ဆီမှာရောင်းတဲ့ သကြားအိတ်တွေက အမျိုးအစားကိုလိုက်လို့ ဈေးကွာပါတယ်။

ဂရိတ်ဝမ်းနဲ့ဂရိတ်တူး ဆိုရင် ၀မ်းက နည်းနည်းလေးပိုပြီး ကွာလတီကောင်း ပိုဖြူပြီး တူးကတော့ နည်းနည်းလေးညိုပါသတဲ့။

တစ်အိတ်ကို ငါးရာလောက်ကွာပါတယ်။

ကိုအောင်မောင်းတို့ အရောင်းဌာနက မြို့ထဲမှာ။

ဂိုဒေါင်ကမြောက်ပြင်မှာ။

မြို့ထဲကဆိုင်ကရောင်းထားတာ ကို ဂိုဒေါင်မှာသွားထုတ်ရပါတယ်.။

အဲတော့ အရောင်းဌာနကနေ ဘယ်သူဘယ်ဝါ ဘယ်အမျိုးအစား ဘယ်နှစ်အိတ်လာသယ်မယ်ဆိုတာကို ဖုန်းနဲ့စာရင်းပေးထားပါတယ်။

တစ်ခါသားမှာတော့ မန်းလေးမြို့တောင်ဘက်က မြို့လေးတစ်မြို့က နေ သကြားအိတ်တစ်ရာ လာတင်တဲ့အခါ

ဒုတိယတန်းစား ၀ယ်တာကို ပထမတန်းစားနဲ့မှားတင်ပေးလိုက်ပါသတဲ့။

အဲဒီကုန်လာတင်တဲ့ကား ထွက်သွားပြီးသိပ်မကြာခင်လေးမှာလက်ခံနဲ့တိုက်ကြည့်လိုက်တော့ မှ မှားတင်ပေးတာသိပါသတဲ့။

သိ သိချင်း  ပစ္စည်းမှားတင်မိတဲ့အကြောင်း ၀ယ်ထားတဲ့ကုန်သည်ဆီကို လှမ်းပြောတော့

“ကိုယ်ပေ့ါဆလို့ ဖြစ်တာ ကိုယ်ခံပေ့ါ”လို့ပြန်ဖြေပါသတဲ့။

တစ်အိတ်ငါးရာ အိတ်တစ်ရာ ငွေငါးသောင်းဆိုတော့ ဂိုဒေါင်ကလူတွေလဲပျားတုပ်ကုန်တာပေါ့။

အဲဒါနဲ့သူတို့လဲ သူတို့အထက်ကမန်နေဂျာဆီ ဒီလိုမှားသွားတဲ့အကြောင်းလှမ်းအသိပေးရတော့တာပေါ့။

သူတို့မန်နေဂျာကလဲ ကုန်သည်ဆီအကျိုးအကြောင်းလှမ်းပြောလို့တောင်းပန်လဲမရပြန်ဘူး။

ကိုယ်ဘာသာကို မှားတင်တာကိုယ်ခံဆိုတဲ့သဘောဘဲပြန်ဖြေပါသတဲ့။

မန်နေဂျာလုပ်တဲ့သူကလဲ အကိုတို့ဆီမှာမှ မရောက်သေးတာ အချိန်မီပါသေးတယ်ပြောတော့

ရောင်းထားပြီးသားတွေလို့ စကားပိတ်ပြောလိုက်ပါတယ်။

ဒီကိစ္စက ပိုင်ရှင်ဆီထိရောက်သွားပါတယ်။

ဒီတော့ ပိုင်ရှင်ကလဲ မှားပါသွားတဲ့လူဆီကို ဖုန်းနဲ့လှမ်းဆက်သွယ်ပါတယ်။

သူလိုချင်တဲ့ အမျိုးအစားကို နောက်ထပ် ပို့လိုက်မယ့်အကြောင်း၊

အခုမှားပါသွားတဲ့ဈေးကြီးတဲ့ဟာကိုလည်း ရောင်းပြီးမှ ငွေပေးပါဆိုတဲ့အကြောင်း၊

တကယ်လို့မယူခြင်ဘူးဆိုရင်လဲ ပစ္စည်းကို မန်းလေးပြန်ပို့ပေးဘို့အကြောင်း

အသွားအပြန်တန်ဆာခ ခံမယ့်အကြောင်း၊

ဝန်ထမ်းပေါ့ဆလို့ဖြစ်တာမှန်ပေမယ့် အချိန်မီပါသေးကြောင်း။

ဒီမှားယွင်းမူ့အတွက် ၀န်ထမ်းက ကျခံရမှာဖြစ်ကြောင်း

နောင်မဖြစ်အောင်ဂရုတစိုက်လုပ်မယ့်အကြောင်း ၊

မှားယွင်းမူ့အတွက် တောင်းပန်ပါကြောင်းပြောပေမယ့်လဲ ဟိုသူကတော့

” နိုးပါ”ဘဲ။

ကားပေါ်က ပစ္စည်းတွေကို ကြိုရောင်းထားပြီးသားလို့ပြောပါတယ်။

အားလုံးတောင်းပန်တာတောင်မှ မရတော့ ကိုအောင်မောင်းတို့ဆရာကလဲ

“ထားလိုက်တော့ကွာ”လို့ပြောပေမယ့် စိတ်တွေ တိုပြီး မျက်နှာကတော့  နီရဲနေပါတယ်။

မှားတင်တဲ့သူတွေကိုလဲ လစာထဲက အချိုးကျဖြတ်ပြီး ကွာခြားသလောက်ကို အလျော်ခိုင်းပါတယ်။

အဲဒီအချိန်ကစပြီး အဲဒီလူကုန်ဝယ်တယ်ဆိုရင် ကိုအောင်မောင်းတို့ဆရာ ကိုယ်တိုင်ရောင်းပါတယ်.။

အဲဒီလူဝယ်ရင် လက်ငင်းငွေချေမှရောင်းပါတော့တယ်။

“ငါတို့ဖက်က မှားတာတော့ မှားတာပေါ့ကွာ။

  ဒီလူနဲ့ဒီလူ အမြဲဆက်ဆံနေကြရမှာလေ။

  သူများအပေါ်မှာနင်းတတ်တဲ့လူတန်းစားမျုိုး က မယုံကြည်ရတဲ့လူမျိုး၊

 သတိထားဆက်ဆံရမယ့်လူတန်းစားထဲမှာပါတယ်ကွ”လို့ကောက်ချက်ချပါတယ်။

********************************************************

တစ်ခါကလို့ဘဲဆိုကြပါစို့။

မမြင်မတွေ့ဘူးတဲ့မိတ်ဆွေတစ်ယောက် ကျနော်တို့နေထိုင်ရာမြို့လေးဆီကို လာမယ်လို့အကြောင်းကြားတော့

ကျနော်တို့မိတ်ဆွေတစ်စုမှာအလုပ်တွေရှုပ်ပါတော့တယ်.။

သူက အဝေးမှာနေထိုင်သူ၊

သူ့အတွေးသူ့အရေးတွေကို ကျနော်တို့က တစ်ဖက်သတ်လေးစားနေရတဲ့သူ။

လူခြင်းတစ်ကြိမ်တစ်ခါမှ မမြင်ဘူးဘဲ လေလှိူင်းများကြားကအသံလေးတွေ စကားလုံးလေးတွေက  တစ်ဆင့် ရင်းနှီးနေသူ။

သူမလာခင်ကတည်းက ကျနော်တို့သူငယ်ချင်းတစ်စု မှာ ဧည့်ဝတ်ကျေစေရေးအတွက် တိုင်ပင်ကြရ ငွေစုကြနဲ့ပေါ့။

သူရောက်လာပြီဆိုတာနဲ့ကျနော်တို့မှာ သူဖြစ်ချင်တာဖြစ်ဘို့ဝိုင်းကြ၀န်းကြရပါတော့တယ်။

ဘလူးဆို ဘလူး ရက်ဆိုရက် ဧည့်ဝတ်မပျက်စေရပါဘူး။

စားကြသောက်ကြ စကားတွေပြောကြနဲ့ပေါ့။

ဒါပေမယ့်ရှေးလူကြီးစကားများတယ်မှန်ဆိုသလို

“စကား စကားပြောပါများ စကားထဲက ဇာတိပြ”ဆိုသလိုပါဘဲ သူ့အပြော သူ့အမူအယာတွေက

သူအရင်ကရေးထားဘူးတဲ့စာတွေနဲ့ဘာမှမဆိုင်ဘူးဆိုတာသိလာပါတယ်။

သောက်ရင်းမ၀တော့ ထပ်မှာ ။

စားရင်းအမြည်းလိုတော့ထပ်မှာ။

ကျနော်တို့ဘက်ကတော့လိုလေးသေးမရှိ.။

အဆုံးမတော့သူမှောက်သွားပါလေရော။

ဒါနဲ့ဘဲပိုက်ဆံရှင်း သူအိမ်အပြန်လမ်းမှာ အမူးပြေလာ။

မ၀သေးပါဘူးတဲ့။

ဒါနဲ့နောက်တစ်ဆိုင်ဆက်သောက်စကားတွေ ကပေါက်တိကပေါက်ချာပြော။

ကျနော်တို့ ညတစ်ချက်ထိုး(ဖော့ပြောရင်တော့ မနက်စောစော) အိမ်ပြန်ရောက်ပါတော့တယ်။

 

နောက်ရက်ရောက်ပြန်တော့လဲဖုန်းဆက်ပြီးလူစု။

သူသွားချင်တဲ့နေရာဆီကိုလိုက်ပို့။

ကားရှိတဲ့ကောင်က ကားစိုက်ပေါ့။

တစ်အုံတစ်မကြီးသွားကြ။

တစ်ဆိုင်ပြီးတော့နောက်တစ်ဆိုင်။

သူပါးစပ်ဟတာနဲ့ ကျနော်တို့က အကုန်ဖြစ်အောင်ဝိုင်းပြီး ဧည့်ဝတ်ကျေကြပါတယ်။

ဒီတစ်ညမှာတော့ တစ်ခုပိုလာပါတယ်။

အညောင်းဖြေ အငြာပြေဆိုပြီး မာဆတ် ပါလိုက်ပို့ပေးရပြန်တော့

မနက်စောစောမှ အိမ်ပြန်ရောက်ပါတယ်။

ကျနော်တို့အဖွဲ့ကလည်း  လူစုလို့သူ့ကိုဧည့်ဝတ်ကျေဘို့ စီစဉ်ရပါတယ်။

 

သုံးရက်မြောက်နေမှာတော့ ကျနော်တို့ရဲ့ပြားကပ်ကပ်အိတ်တွေလဲပိုလို့ပိန်လာပါတယ်။

စိတ်တွေလဲ လိန်လာပါပြီ။

အလုပ်လဲပျက် အိမ်ကလဲမကြည်တော့ပါဘူး။

ဒါပေမယ့် သူခဏလေးလာတာပါဆိုတဲ့အတွေးနဲ့ဆက်ပြီး ဧည့်ဝတ်ကျေဘို့လုပ်ရပြန်ပါတယ်။

ငွေကုန်လူပန်းတာထက်စိတ်ညစ်တာကတော့ သူ့စကားလုံးအကြီးကြီးတွေက ကျနော်တို့နားနဲ့မဆန့်တာပါဘဲ။

ကျနော်တို့က ဒီမြို့မွေးဒီမြို့ကြီးတဲ့သူ။

ဒီမြို့ရဲ့ လက်ရှိအနေအထားပေါ်မှာ မူတည်လို့ ဘ၀ကိုထိန်းကျောင်းမောင်းနှင်နေရသူ။

သူက သူတို့ရဲ့ဝေးရပ်မြေက အခြေအနေတွေနဲ့နှုိင်းယှဉ်လို့ ကျနော်တို့ကို ညံ့လိုက်တာဗျာ ဆိုတဲ့စကားလုံးမသုံးဘဲနဲ့

ကျနော်တို့ကိုသွယ်ဝိုက်စွာ အပြစ်တင်နေသူ။

ကိစ္စတစ်ခုရယ်လို့ပြောလိုက်ပြန်ရင် သူနေရတဲ့ အနေအထားနဲ့ချိန်ထိုးလို့ ပြောတတ်ပြန်ပါတယ်။

ကျနော်တို့မှာလူညံ့ကြီးတွေကို ဖြစ်လို့ပေါ့၊

ဒါပေမယ့်

“အော်ခဏလာသူဘဲလေ”ဆိုပြီးတော့ ကျနော်တို့က သည်းခံရပြန်ပါတယ်။.

လေးရက်မြောက်နေ့မှာတော့ သူက ဘိုဆန်ဆန်ပါဘဲ။

“Return bonus “ပါတဲ့။

အဲ့တော့ ထုံးစံအတိုင်းလူစု။

ထိုင်နေကြဆိုင်ရောက်တော့ သူ့အလိုရှိတာကိုမေးပြီးစားကြသောက်ကြပေါ့။

စားလိုက်သောက်လိုက် စကားပြောလိုက် ငြင်းလိုက်ခုံလိုက်နဲ့ အချိန်အတော်လေးရင့်လာတဲ့အခါမှာတော့

ဘီယာပုလင်းခွံလဲအစီအရီ။

လမ်းလျောက်တဲ့ကိုဂျော်နီကလဲ အခွံတွေဘဲကျန်။

စားပွဲပေါ်က အမြည်းပုဂံတွေကလဲ အလွတ်။

ရေသန့်ဘူးတောင်မှအလွတ်။

စားစရာသောက်စရာဘာမှမကျန်။

အားလုံးကလဲပြန်ချင်နေပြီ။

ညကလဲ ဆယ့်တစ်နာရီကျော်နေပြီ။

ဒကာခံမယ်လို့ခေါ်ထားတဲ့သူက ပြန်မယ့်အရိပ်အယောင်မပြ။

ဒါနဲ့ဘဲစားပွဲထိုးကိုခေါ်ပိုက်ဆံရှင်းဘို့ဘီလ်တောင်း။

စာရွက်လေးရလာတော့ ဒကာတော်ရှေ့ကိုထိုးပေးတော့ တစ်ချက်ကြည့်ပြီးဟိုဘက်လှည့်သွား။

ဒီမှာအားလုံးက သဘောပေါက်သွားတော့ ပါလာတဲ့ပိုက်ဆံလေးတွေကြွက်စု စုပြီးရှင်းလိုက်ကြ။

သူရယ် နောက်တစ်ယောက်ရယ်က တက္ကစီတစ်စီးငှားပြီးပြန်သွား။

ကျန်တဲ့သူတွေက တော့ တစ်ယောက်စီလမ်းခွဲ။

နောက်ဆုံးကျန်တဲ့သူနှစ်ယောက်မတော့ ကျန်တဲ့ပိုက်ဆံက တက္ကစီခမလောက်။

ဒါနဲ့ဘဲ အိမ်ကလူကိုလှမ်းခေါ် ပြီး လာကြိုဘို့မှာရပါတယ်။

နောက်ဆက်တွဲသတင်းကတော့ ကိုဧည့်သည်နဲ့ အတူပြန်တဲ့မြို့ခံ က

အညောင်းဖြေဘို့မာဆတ်သွား စိတ်တွေလန်းဆန်းလာတော့ ကေတီဗွီကိုခရီးဆက်။

အဲဒီမသွားခင် မြို့ခံလူက သူ့မိတ်ဆွေဆီကို လှမ်းပြီးဖုန်းဆက်လို့ ပိုက်ဆံချေးရပါသတဲ့။

နောက်နေ့မနက်ရောက်တော့ ကျနော်တို့ တစ်တွေအားလုံး မတိုင်ပင်ဘဲ ဖုန်းပိတ်ထားလိုက်ရပါတော့တယ်။

ကျနော်တို့ရှိသမျှငွေလဲကုန် စိတ်လဲကုန် ဆိုတဲ့ အခြေအနေကို ရောက်သွားလို့ပါ။

သူပြန်တဲ့ထိလဲ ကျနော်တို့က သူ့ကို ထပ်တွေ့ဘို့မကြီုးစားတော့ပါဘူး၊

နောက်ဆက်တွဲသတင်းကတော့ ကိုဧည့်သည်ရဲ့ မိတ်ဆွေတစ်ယောက်ထပ်ရောက်လာတာကို

နောက်ဆုံးကျန်သူက အကူအညီတွေထပ်ပေးလိုက်ရပါသေးသတဲ့။

ကားစိုက်လူစိုက် ဆီစိုက်နဲ့ လုပ်ပေးလိုက်ရပါသေးတယ်တဲ့။

နောက် ချေးထားတဲ့ပိုက်ဆံလဲ ဆပ်မသွား တော့ မြို့ခံလူကဘဲ စိုက်ထားလိုက်ရတယ်ဆိုတာဘဲကြားလိုက်ပါတယ်။

 

 

 

လူဆိုတာ ကိုယ်အသာစီးရချင်တာတော့ သဘာဝပါဘဲ.။

  စီးပွားရေးနဲ့ပါတ်သက်လို့နင်းလိုက်တယ်ဆိုတာကတော့ကိုယ့်ဘက်ကမှားလို့ဖြစ်သွားတာက ခံသာပါသေးတယ်။

ကိုယ်ညံ့လို့ ကိုယ်ခံရတာ လို့ ဖြေသိမ့်နိုင်ပါတယ်။

ဒီအမှားပေါါ်မှာနင်းတယ်မနင်းဘူး

 ခွင့်လွှတ်တယ် မလွှတ်ဘူးဆိုတာကတော့ အသာစီးရသွားသူရဲ့စိတ်အလိုအတိုင်းပါဘဲ။

စားပွဲထိုးကောင်လေးလို ကိုယ်ထက်န်ိမ့်ပါးသူ မှန်းသိပါရဲ့နဲ့ မမှတ်မိနိုင်ဘူးဆိုတဲ့အချက်ကို ဖိနင်းလိုက်တာမျိုးကတော့

မဖြစ်သင့်ဘူးလို့ ယုံကြည့်ပါတယ်။

ပိုဆိုးတာကတော့ ဧည့်သည်တစ်ယောက်ကို တာဝန်ကျေချင်တဲ့ မိတ်ဆွေတွေရဲ့ချစ်ခင်စိတ်အပေါ်မှာအခွင့်အရေးယြူုပီး

နင်းထည့်လိုက်တဲ့သူမျိုးကတော့ စိတ်ဓါတ်ရေးရာ သိမ်ဖျင်းတဲ့လူတန်းစားလို့ဘဲသတ်မှတ်ချင်ပါတယ်။

 

ဒီနေ့မနက် ရုံးက ကလေးတစ်ယောက်က ဖုန်းလိုချင်တယ်ဆိုလို့ဖုန်းဆိုင်သွားကြပါတယ်။

ကျနော့်ကောင်လေးတွေ ဟန်းဆက်ရွေးနေတုန်းကျနော်က ဘေးနားကခုံမှခဏထိုင်နေပါတယ်။

လူတစ်သိုက်က ဖုန်းရောင်းတဲ့ကောင်လေးကိုမေးခွန်းတွေထုတ်နေပါတယ်။

ဖုန်းအသစ်နံမယ်ပေါက် နံပါတ်ကောင်းတာ ရှားတာက နှစ်သိန်းနှစ်ထောင်ကျပ်

ဘာနံပါတ်မှမရွေးဘူး ကြုံရာကျဘမ်းယူဆိုရင်  တစ်သိန်းကိုးသောင်းရှစ်ထောင်။

နံပါတ်တွေကြည့်ကြ ပြုကြ စကားတွေပြောကြနဲ့ အတော်ကြာတာတောင်မပြီးနိုင်။

ဝယ်မယ်ဆိုသူက မဝေခွဲနိုင်။

တစ်ယောက်ကလေးထောင်လေးကွာတာကြည့်မနေနဲ့ နံပါတ်လှတာယူ ဆိုတိုက်တွန်းသူကတစ်ဖက်။

နံပါတ်လှတာ မလှတာဘာအရေးပါလဲ။

ဖုန်းပြောလို့ရပြီးတာဘဲ လေးထောင်ဆိုလဲလေးထောင် ဘီယာသောက်ရတာပေါ့ လို့ ပြောသူကပြော။

နောက်ဆုံးတော့ ဟိုလူက နံပါတ်မရွေးဘူးကွာ လို့ပြောလိုက်လို့ ကဒ်ချိုးမယ်လုပ်ရော ကောင်တာထဲကို

ခုမှဝင်လာတဲ့ကလေးတစ်ယောက်က ကဒ်ချိုးချလိုက်ပါတယ်။

ဟန်းဆက်ထဲ ထည့်မယ်ဆိုပြီးသေချာပြန်ကြည့်လိုက်မှ 9လေးလုံးပူးနေတဲ့နံပါတ်ဖြစ်နေတာသိလိုက်ပါတယ်။

နောက်ရောက်တဲ့ကလေးက မှားချိုးလိုက်တာပါ။

အဲဒီမှာ အရောင်းကောင်လေးက သူတစ်ဝက်စိုက်မယ် 2သိန်းတော့ပေးပါပြောတယ်။

ဟိုဘက်အုပ်စုကလဲ မင်းတို့ဘာသာ မှားချိုးတာ မယူဘူး၊

တစ်သိန်းကိုးသောင်းရှစ်ထောင်ဘဲပေးမယ်။

ကြိုက်တဲ့နံပါတ်ထည့်ပေးလိုက်လို့ပြောပါတယ်။

ကဒ်ချိုးပြီးသားဆိုပြန်တော့လဲ သူများပြန်ရောင့်းရင်ခက်မယ်ဆိုတော့ ကောင်းလေးတွေမှာအတော်အခက်တွေ့ပုံရ။

 

အဲဒီအချိန်ကျနော့်ဘေး ကဖုန်းပြောနေသူကလဲ အာကျယ်ပါကျယ်။

“ကိုရင် လာသာလာခဲ့ရောက်ပြီဆိုတာနဲ့ ဖုန်းဆက်လိုက် လာခေါ်မယ်။

 ဒီလူနဲ့ဒီလူဗျာ အဝေးကပြန်လာတဲ့လူအပေါ်ကျုပ်တို့က ဧည့်ဝတ်ကျေအောင်ထားမှာပါ။

စိတ်ချ”လို့ပြောနေပါတယ်။

“လာခဲ့စမ်းပါဗျာ”လို့ပြောတာလဲခဏခဏ၊

ကျနော်သူများတွေကို ငေးကောင်းနေတုန်းကလေးတွေပြန်လာပါတယ်။

သူတို့လိုချင်တာရလို့ပျော်လို့၊

ပြန်သာလာရတယ် ကျနော်စိတ်က ဖုန်းဆိုင်ထဲမှာကျန်နေခဲ့ပါတယ်.။

ဖုန်းမှားချိုးလိုက်တဲ့ကလေးလဲ ငွေမစိုက်ရပါစေနဲ့၊

ရွှေဧည့်သည်ကို မျှော်နေတဲ့ ကိုအာကျယ်လဲ ကျနော်တို့လို့အနင်းမခံရပါစေနဲ့လို့ ဆုတောင်းပေးနေမိပါတယ်။

ကဲမိတ်ဆွေရော ဒါမျုိုးကြုံဘူးပါသလား…………………………

 

 

 

ကိုပေါက်လက်ဆောင်အတွေးပါးပါးလေး

(18-6-2012)