Professional Authors

PoemsCorner Authors

အနာဂတ်ကို နံရံမှာ ရေးခြစ်ထားလိုက်ပါ

အနာဂတ်ကို နံရံမှာ ရေးခြစ်ထားလိုက်ပါ

ကိုယ့် အနာဂတ်ကို နံရံမှာ ရေးခြစ်ထားလိုက်ပါ။
ညီမလေး……….။
ရေသေ မှာ ဆက်လက်မျောဖို့များ စိတ်ကူးနေသလား။
ခဏ တာဆိုတာ ခဏ တာပဲ
တစ်ည တာ ဆိုတာ တစ်ညတာလည်း ဆိုပေမဲ့
တစ် ဘ၀ စာ တော့ မင်းဘယ်လို့ ပျော်ရွင်နိုင်မလဲ..။
မိသားစု ဘ၀ အတွက် တဲ့ လား…
မင်း နံရိုးတစ်ချောင်းနဲ့ ဘယ်လောက်ကြာထောက်ထားနိုင်မလဲ..။
ပန်းသီး တစ်လုံးလို ကိုက်စားခံရတဲ့ မင်း ရဲ့ ခန္ဓာကို အသွေးသား။
ဘယ်အချိန်အထိ ….များ..အမှောင်တွေ ကြားထဲ တောက်ပ နိုင်မလဲ။
အမူးသမားတစ်ယောက်ရဲ့ လက်က ထွက်ကျလာတဲ့ ငွေကြေးတွေသောက်
မင်း ယစ်မူးနေတာ…မင်း ကိုယ်မင်း လိပ်ပြာသန့်သန့်နဲ့ ပျံသန်းနိုင်ပါ့မလား။
ခေတ်နဲ့ အဖြစ်က မင်းလို လူမမယ် မိန်းခလေးတွေကို
ပျက်စီးစေသလား။
ငိုနေတဲ့ မျက်ရည်သုတ်ပါ..။
စိတ်ဓာတ်ကို ဆေးကျောသန့်စင်ပါ။
အလင်းရောင် အောက် သို့အရောက်သွားပါ။
အကျင့် သိက္ခာကို တောင်ပံလုပ်လို့…
မင်း အနာဂတ် မင်း ဘ၀ အတွက် လွတ်လပ်စွာ ပျံသန်းပါ…။
မင်းအနာဂတ်ကို နံရံ မှာ ခပ်ပါးပါးလေးအဖြစ်လောက်တော့ ရေးခြစ်ထားလိုက်ပါ။
ညီမလေး….
နေရာကောင်းဆိုတာ ၊ စိတ်ဓာတ်ကောင်း လို မတည်မြဲဘူး
ပြုံးပြနေတဲ့ ငွေကြေးတွေ အောက်မှာ
မင်းကို ပါးပါးလှီးမယ့် ဓားတွေရှိတယ် ဆိုတာ..သတိရပါ…။
နောက် …မင်းဘ၀ကို မင်းလက်နဲ့ခပ်လို့ ကယ်တင်လိုက်ပါ…။

(ဒုက္ခပြာ ပုံကြား မတိုးချင်တိုးချင်နဲ့တိုးဝင်နေရသော..မိန်းမသားများ..သို့)

(အငွေ့)

In: ကဗျာ Posted By: Date: Jul 15, 2010
Comment #1

Mite tel

commentinfo By: Dorcus at Aug 6, 2010
Comment #2

အကိုကကဗျာရေးတာကကောင်းလွန်းတယ်ကဗျာဆရာလားခင်ချင်လို့ရမလား
လေးစားပါတယ်နဲကိုမလုံလောက်တော့ဖူးဗျာ

commentinfo By: swan at Jan 7, 2011
Comment #3

နေရာကောင်းဆိုတာ ၊ စိတ်ဓာတ်ကောင်း လို မတည်မြဲဘူး
ပြုံးပြနေတဲ့ ငွေကြေးတွေ အောက်မှာ
မင်းကို ပါးပါးလှီးမယ့် ဓားတွေရှိတယ် ဆိုတာ..သတိရပါ…။

ကောင်းလိုက်တာဗျာ

commentinfo By: MyoZin at Jul 3, 2011

Leave Comments

Name*

Email*
Website
Email me whenever there is new comment