ငါသာ…..!!!!!

ငါသာ မင်းတုန်းမင်းဆိုရင်….

မင့်ကို အပိုင်သိမ်းပစ်လိုက်မယ်…

(တယ်!!!…တော်တန်တိတ်!!!!.. မုန်းတယ် ဆိုတဲ့ စကားကို အလျှင်းမကြားချင်ဘူး…ကဲကဲ..

မောင်မင်းများ..ဒီသူငယ်မအား ရွှေနန်းတော်သို့ ဝေါယာဉ်နဲ့ အမြန်သာ ပင့်ဆောင်စေဗျား…)။

ငါသာ သန္ဒောယက္ခဘီလူကြီးဆိုရင်….

မင့်ကို ငါ့လက်ဖ၀ါးထဲမှာ အမြဲထည့်ထားမယ်….

(ဟင့်အင်း…အာခံတွင်းထဲမှာတော့ မထည့်ချင်ပါဘူးဗျာ…တော်ကြာ သူ အာပုပ်စော်နံနေမှာ ကြောက်လို့…နောက်-

လက်ဖ၀ါးထဲ ထည့်ထားတော့ အမြဲတမ်း မြင်နေရတာပေါ့….ဟဲဟဲ..ဇော်ဂျီရန်ကလည်း ကြောက်ရသေးတယ်

မဟုတ်လား….)။

ငါသာ လီယိုနာဒိုနာဗင်ချီ ဆိုရင်….

‘ မိုနာလီဇာရဲ့ အပြုံး ‘ ကို ဆွဲခဲ့တဲ့ အောင်မြင်မှုအတွက် အရှက်ရမိမှာပဲ…

(သူသာ မင့်ရဲ့အပြုံးကို မြင်သွားခွင့်ရခဲ့ရင် ပန်းချီဆွဲမဲ့ စုတ်တံတောင် လွတ်ကျသွားလောက်တယ်သိလား…)။

ငါသာ ကမ္ဘာကြီးဆိုရင်…

နေကို ပတ်မနေတော့ပါဘူး…

မင့်နားမှာပဲ တစ်ဝဲလည်လည် ပတ်နေတော့မယ်…

( ‘အဝေးကို ရောက်စေတော့’ ဆိုပြီး မင့်လက်ချောင်းကလေးတွေနဲ့ ဇယ်တောက်သလို

ငါ့ကို တောက်မပစ်ပါနဲ့နော်..)။

ငါသာ အိုင်စတိုင်းဆိုရင်…

E=mc² ဆိုတဲ့ formula ကို ထုတ်မယ့်အစား

မင်း=(ငါ့ဘ၀)^{∞(infinity)}  ဆိုတဲ့ formula ကို ထုတ်ပစ်လိုက်မယ်…

( E=mc² အရ hydrogen တွေဟာ အလွန်ပြင်းထန်တဲ့ အဏုမြူစွမ်းအင်ဖြစ်လာသလိုပဲ

မင်း=(ငါ့ဘ၀)^∞ အရ ငါ့အချစ်တွေဟာလည်း မင့်အပေါ်မှာပဲ ထပ်ကာထပ်ကာကျရောက်နေလို့

မင်းကသာ ငါ့အချစ်အက်တမ်လေးတစ်လုံးကို ခါချလိုက်ရင် ငါ့ဘ၀ကြီး ဒလိမ့်ကောက်ကွေး ဖြစ်သွားလောက်ပါရဲ့…)။

ဒါပေမယ့်…ဒါပေမယ့်…

အခုတော့..

ငါသာ ငါပဲ ဖြစ်နေတဲ့အတွက်ကြောင့်..

မင့်ကို (ခပ်လှမ်းလှမ်းက) လှမ်းချစ်နေရုံကလွဲပြီး…

ဘာမှ………..ဘာမှ…။

                             July 21, 2010, 8:08:12 PM