သူမဟာ…
ကျွန်တော်ပြန်ရှာတွေ့ခဲ့တဲ့
ဆတ္ထမမြောက်နံရိုးတစ်ချောင်း
ထပ်ပြီးတော့ ကျပျောက်ဖို့မကောင်းတဲ့အရာ…။

ဒီအချိန်ဟာ…
သနပ်ခါးနံ့တွေဝေပြီး
ဆောင်းမနက်တွေပဲကြွေကျနေတဲ့အချိန်
သူမလေးရဲ့အိပ်တန်းဝင်ချိန်လည်းဖြစ်တယ်။

ခေါင်းညိမ့်ခေါင်းခါတွေမေ့ထားပြီး
ကိုယ့်နောက်ကျောကိုယ်ပြန်ကြည့်ဖြစ်တဲ့အခါ
တစ်ယောက်နဲ့တစ်ယောက်ဟာ
အဝေးကြီးမရောက်ဖြစ်ခဲ့ကြဘူး။
အစဆိုတာအဆုံးအထိရောက်မှပြောရမယ့်နေရာ
အခုကိုယ်တို့မှာ…
ကံကြမ္မာဆိုတဲ့ ခရစ်စမတ်လက်ဆောင်ပါတယ်။

လမ်းမှာတွေ့ရင်တောင်ကိုယ့်ကိုယ်ကိုယ်ပြုံးမပြဖြစ်တာကြာ
ရင်ဘတ်ထဲမှာနာမှန်းတော့သိတယ်။
ဒါဟာ ကိုယ့်နတ်သမီးရဲ့ ခြေရာဆိုမှတော့
ကျဉ်း…ကျပ်…ထုပ်…ပိုး
အမြတ်တနိုးသိမ်းထားတယ်။

အတိတ်တွေနဲ့ချွန်မြထားတဲ့မြှား
သူမနဲ့ ကျွန်တော့်အကြား ပြုတ်ကျတယ်။
တစ်ယောက်ကိုတစ်ယောက်ပြန်အကြည့်
ကိုယ်တို့တွေအခုတော့သိရပြီ။
ဒါဟာ အစစ်အမှန်တရားတွေရဲ့နိဒါန်း…
ကိုယ်တို့နှစ်ယောက်ရဲ့ ဇာတ်ပေါင်းခန်းလည်းဖြစ်တယ်။      ။

                                                                    နေညို