“40 လေးဆယ် ၄၀”

သူငယ်ချင်း

အသက်လေးဆယ်ဆိုတာ

ဟိုနိုင်ငံတွေမှာသာ ဘ၀အစဆိုပေမယ့်

မြန်မာပြည်မှာတော့

ကြာဆံတွေခေါင်းပေါ်တင်လို့

အိုမင်းခြင်းကိုစလက်ခံရတဲ့အရွယ်ပါဘဲ။

သူငယ်ချင်း   အသက်လေးဆယ်ဆိုတာ

ခလေးဘ၀က ဆရာမကို အဖြေလွှာပြသလို

အမှန်ခြစ်ကလေး ရတာနဲ့ပျော်ပြရမှာမဟုတ်သလို

ကြက်ခြေခတ်လေးတွေ့တာတာနဲ့ဝမ်းနည်းပြရမယ့်အရွယ်လဲမဟုတ်ပေါင်ကွယ်။

သူငယ်ချင်း     အသက်လေးဆယ်ဆိုတာ

ဟိုမျက်မှန်နဲ့ကောင်လေးမေးသလို

“အသက်လေးဆယ် လူတွေမေးတယ် ဘယ်တော့များမှစားရမှာလဲ”

ဆိုတာလဲသဘာဝမကျ။

ဒီအရွယ်ရောက်မှတော့ အမြီးတော့ပေါက်သင့်သပေါ့။

သူငယ်ချင်း   အသက်လေးဆယ်ဆိုတာ

လာမြှောက်ပေးရင်လဲ ဖောပေးလိုက်

လာခြောက်ရင်လဲ ကောပေးလိုက်

မြှောက်တက်သွားအောင်လဲမြှောက်မပေးနဲ့။

အောက်စိုက်သွားအောင်လဲဆောင့်မကန်လိုက်နဲ့

စလိုးအင်စတယ်ဒီဆိုတဲ့ ဘိုစကား

မေ့ထားလို့မရတဲ့အရွယ်လေကွယ်။

သူငယ်ချင်း   အသက်လေးဆယ်ဆိုတာ

လက်နဲ့ရွယ်တာနဲ့ မျက်ရည်ကျချင်လို့တော့မရဘူး။

လက်နဲ့တို့တာနဲ့ မျက်ရည်စို့ရမယ့်အရွယ်လဲလွန်ခဲ့တာကြာပေါ့။

သစ်ပင်တွေအပွေးတက်သလို

ရင့်သထက်ရင့် ကျက်သထက်ကျက်အောင်

ချက်ရမယ့်အရွယ်လေကွယ်။

သူငယ်ချင်း   အသက်လေးဆယ်ဆိုတာ

တကယ်တော့

မသိခြင်းတရားနဲ့ဆယ်နှစ်

နည်းနည်းသိသလိုလိုနဲ့ဆယ်နှစ်

တော်တော်လေးသိသလိုလိုနဲ့ဆယ်နှစ်

သေချာပြန်စစ်မှ ဘာမှမသိသေးတာဆယ်နှစ်

ဒီလိုနဲ့ဘဲအနှစ်လေးဆယ်

မွန်းအောင်သီချင်းလေးငှားသုံးရင်

“ကုန်လွယ်လွန်းလိုက်တာ”ပါဘဲ။

ကဲသူငယ်ချင်း        အသက်လေးဆယ်ဆိုတာ

တကယ်တော့ ကုန်လွန်ခဲ့တဲ့

အနှစ်လေးဆယ် ဒီထက်ဘာမှ မပိုတာ

အသေချာကြီးပါကွယ်။

ကိုပေါက်လက်ဆောင်အတွေးစဉ်

(18-3-2012)