Someday We’ll Be Together

နေ့တွေညတွေ ကုန်လွန်သွားခဲ့လဲ

ဘာကြောင့် မင်း ထားရစ်နိုင်ခဲ့လဲ

ဘာကြောင့် ငါတို့အချစ် မတည်မြဲနိုင်ခဲ့လဲ

အခုလိ်ု မင်းထွက်သွားပြီးတဲ့နောက်

အမှတ်တရများစွာနဲ့ ကျန်ရစ်ခဲ့သူ

ငါ့မှာ မေးခွန်းများစွာနဲ့ အံ့သြမိဆဲ…။       ။

မဟုတ်သေးဘူး…

ဒါဟာ တို့နှစ်ယောက်ရဲ့

အဆုံးသတ် မဟုတ်သေးဘူး

တို့တတွေ အရာရာကို တည်ငြိမ်စွာ

ကျော်ဖြတ်နိုင်တဲ့ တစ်နေ့နေ့မှာ

မင်း ကိုယ့်ဆီ ပြန်လာမယ်လို့

ကိုယ် ယုံကြည်စွာ မျှော်လင့်မိနေဆဲ…။    ။

တို့နှစ်ဦးသား ဘ၀သစ်တစ်ခု

ပြန်လည်တည်ဆောက်ကြမယ်

နောက်ထပ် နှုတ်ဆက်စကားတွေ

မဆိုတော့ပဲ သက်ထက်ဆုံး

ရှင်သန်နေထိုင်ကြလိမ့်မယ်လို့

ကိုယ် ယုံကြည်စွာ မျှော်လင့်ဆဲပါ ချစ်သူ။ ။

တစ်နေ့နေ့တော့…

အင်း… တစ်နေ့နေ့တော့

တို့နှစ်ဦး ပြန်ဆုံကြမယ်လေ…။    ။

ကံကြမ္မာရဲ့ ဆန်းကြယ်မှုတွေကြောင့်

တစ်နေ့နေ့ဆိုတာက…

ဒီနေ့လည်း ဖြစ်နိုင်ကောင်းရဲ့

ဘယ်လိုပဲ ဖြစ်လာပါစေ

မင်းရဲ့ အပြန်လမ်းကို

နွေးထွေးသော လက်များနဲ့

ကမ်းလို့ကြိုနေမယ် ပြေးလို့သာ

ပြန်ခဲ့ပါ ချစ်သူ   ။         ။

မင်းဟာ ကိုယ့်အတွက်တော့

ဘ၀တစ်ခုဆိုတာထက်

 ပိုတယ် ပိုချစ်တယ်ဆိုတဲ့ …

ယုံကြည်ချက် ခိုင်မာစွာ

တို့နှစ်ဦး ရင်ထဲက တိမ်မြုပ် မေတ္တာကို

ပြန်လည် ဆန်းသစ်

မင်းစိတ်သဘောထားကို

ပြောင်းလဲပစ်နိုင်မယ်လို့

ကိုယ် ယုံကြည်ဆဲပါ အချစ်ရယ်   ။         ။

တစ်နေ့နေ့တော့…

အင်း… တစ်နေ့နေ့တော့

တို့နှစ်ဦး ပြန်ဆုံကြမယ်လေ…     ။         ။

                                        Demon

August Rush ရုပ်ရှင်ကားမှ ဇာတ်ဝင်တေးတစ်ပုဒ်ဖြစ်သော Someday သီချင်းအား ပြန်လည်ခံစားတင်ပြသည်။