ဖြစ်နိုင်မယ်ဆို နေနဲ့လကိုပါ
မင်းအခန်းမျက်နှာကျက်မှာ ချိတ်ဆွဲပေးချင်တာပါ။

ငါဟာငါ့သမိုင်းမှာကို
သုညဖြစ်နေသူမို့
မင်းဆီလှမ်းဖို့ဆိုတာ
ဆူးဒါးအပြည့်နဲ့ လှေကားထစ် ရာပေါင်းများစွာ။

ဒါပေမယ့် ကောင်မလေးရယ်…
ငါ နင့်ကိုချစ်တယ်။

ဒဏ်ရာကို ဒဏ်ရာလို့
မကြေငြာရဲခဲ့တဲ့ငါပါ…
မပြောနဲ့ကွယ် ငါသိတယ်…
ငါဟာကြောက်တတ်လွန်းခဲ့တယ်။

ကော်ဖီတစ်ခွက်နဲ့ ဖိနပ်ကြိုးတစ်စုံ
ဂစ်တာတစ်လက်နဲ့ စီးကရက်
တိုက်ဆိုင်မှုဆိုတဲ့ သက်ပြင်းအချက်ချက်
ခိုးဝှက်သွားတဲ့ဆု..
တစ်ချပ်ပဲလှန်တဲ့ဖဲလို…
ထပ်ခါတစ်လဲလဲ…
ငါရင်ဘတ်လဲ ကွဲပြီးရင်းကွဲ။

မေ့တော့လဲ မမေ့ချင်ပါဘူး
ဘာမှမဟုတ်တဲ့ အတိတ်ဆိုပေမယ်.
အဲဒီအတိတ်က အဆိပ်ပဲဖြစ်စေဦးတော့
ငုံထားမိရင်တောင် ထွေးမထုတ်ဘူး…
ချိုမြိန်လွန်းလို့ကွယ်။

အချိန်တိုင်းမှာ မင်းအသံ
နေရာတိုင်းမှာ မင်းမျက်နှာ
ငါ့ရဲ့အာရုံငါးပါးကို သိမ်းပိုက်ထားသူရေ…
မင်းနာမည်လေးက
ငါ့အရိုးပေါ်က ဆေးမှင်ကြောင်တစ်ခုပါ..
ထိုးထားမှန်းမသိ ထိုးမိခဲ့တာလေ။

လမ်းသစ်တွေကိုလျှောက်ဖို့ ကြိုးစားလဲ
ရင်ဘတ်အဟောင်းကိုသယ်ထားတဲ့
ခြေထောက်အဟောင်းတစ်စုံက
ဒီနေရာဟောင်းလေးဆီကိုပဲ ရောက်စေတယ်။

ငါနင့်ကိုအနိုင်မယူနိုင်သလို
အရှုံးလဲမပေးချင်ဘူးကွယ်…
လေးလံလွန်းတဲ့ အိပ်မက်တွေနဲ့
ခြေလှမ်းတိုင်းကို ဒဏ်ရာဖြစ်စေတဲ့ညတွေထဲက
ရုန်းမထွက်နိုင်ခဲ့တာ… နင့်ကြောင့်ဆိုတာ
နင် အမြဲမသိသလိုနေတယ်။

ရင်ဘတ်ကသွေးတွေ ခေါင်းထဲမရောက်ရင်ကောင်းမှာပဲလို့
ဆုတွေတောင်းလိုက်…
မျက်လုံးချင်းဆုံတိုင်း အသက်ရှုတွေရပ်လိုက်နဲ့…

မင်းမသိဘူးဆိုတဲ့ အချစ်ဆိုတာကို..
ငါ အခုထိ.. စာလုံးပေါင်းတွေမှားနေတုန်းပဲလေ… ။ ။

3. 8. 2002

In: ကဗျာ Posted By: NMT Date: May 12, 2010  All Time