တိမ်ပြာပြာကို စောင့်လင်းကစား
တိမ်ညိညို အောက်မှာ အနေများတယ်

မိုးတွေ ရွာတိုင်း ထိတ်လန့်စရာမရှိဘူး
မိုးရည်စိုစို တစ်ကိုယ်လုံးရွှဲရင်ဖြင့် အပျော်ဆုံးပါပဲ…

အနွေးထည် မလိုဘူး
ကော်ဖီပူပူ မရှိဘူး
လက်ချင်းပွတ် ပါးသပ်လိုက်ရင် အနွေးဆုံးပါ
လမ်းဘေး မီးပုံးတွေကတော့ အဖော်ရင်းပါပဲ…

ခေါင်မိုးအပေါက်အရောက်တွေက
ကြယ်ကလေးတွေ မြူးဖို့
လမင်းလေးကို ရူးစေဖို့ပါ
မိုးမျှော်စင် မရှိပေမဲ့….
ထိုင်ခုံပေါ်ကနေ လသာမဲ့ရက် စောင့်နေကြပါ

အရောင်တွေကို မကြင်နာနိုင်ပေမဲ့
ပန်းချီကားတွေကို ခုံမင်တယ်
အသစ်တွေကို မမြတ်နိုးနိုင်ပေမဲ့
အ၀တ်တစ်ထည်ကိုယ်တစ်ခုဘ၀မှာ ပျော်နေနိုင်တယ်
မျှော်လင့်ချက်အိမ်မက်တွေကတော့ ရှင်သန်နေဆဲပါပဲ…

ဒါပေမဲ့လေ…
မင်းရဲ့ ဒေါသစိတ်ကို သိရင်…
မင်းရဲ့ လောဘစိတ်ကို မြင်ရင်…
မင်းရဲ့ မောဟစိတ်ကို တွေ့ခဲ့ရင်…
ဂျစ်ပစီဝိညာဉ်တွေက အရူးလုပ်တတ်ကြတယ်။      ။

နရီထက်
( ၂၅ ၊ ဇွန်လ ၊ ၂၀၁၁ )