/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-fareast-font-family:SimSun;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;
mso-bidi-font-family:”Times New Roman”;
mso-bidi-theme-font:minor-bidi;}

“…………………………….. မှ အစပြု၍”(ကိုပေါက်နှင့်ဆေးလိပ်အစ)

(3-2-2011)

ဆေးလိပ်တို့ ဆေးတံတို့ ဆိုတာတွေကို ကျွန်တော့်ဘ၀မှ ဘယ်အချိန်က စပြီးပါတ်သက်ခဲ့သလဲလို့ပြောရရင်

ကျွန်တော် ကျောင်းနေစအရွယ် ကဘဲဖြစ်ပါတယ်။

အမှတ်ထင်ထင်ရှိခဲ့ဘူးတာကတော့ အဖေ့ရဲ့ဆေးတံနဲ့အဖိုးရဲ့ဆေးပြင်းလိပ်လို့ပြောရမယ်ထင်ပါတယ်။

ကျွန်တော့်အဖေဘက်ကတော့ မှတ်မိသလောက်ပြောရရင် ဘယ်သူမှဆေးလိပ်မသောက်ပါဘူး။

အမေရဲ့အဖေကတော့ ဆေးပြင်းလိပ်သောက်ပါတယ်။

ဆေးပြင်းလိပ်ညိုတုတ်တုတ်က ထွက်လာတဲ့ အနံ့ကို လူတော်တော်များများကမခံနိုင်ပါဘူး။

ကျွန်တော်ကတော့ မီးမညှိသေးတဲ့ဆေးပြင်းလိပ်အသစ်က ထွက်လာတဲ့အနံ့ကိုနှစ်သက်ပါတယ်။

ကျွန်တော်လူလစ်ရင် ခိုးပြီးနမ်းပါတယ်။အဖွားသိရင်တော့ အော်ခံရတတ်ပါတယ်။

ဒီဆေးရွက်ဆေးလိပ်အနံ့ဆိုတာကလည်း ကြိုက်တတ်သူလူနည်းစုအဘို့ကတော့မွှေးပြီး 

မကြိုက်သူလူအများစုအတွက်ကတော့ အတော်ဆိုးတဲ့ အနံ့လို့ပြောမှမှန်ပါမယ်။

 

ဆေးပြင်းလိပ်သမားများကတော့ အစားအသောက်စားချိန်ရယ်၊ရေချိုးတဲ့အချိန်ရယ်၊အိပ်ချိန်ရယ်ကလွဲရင်

မီးသေနေတဲ့ဆေးပြင်းလိပ်အတိုလေးကို ပါးစပ်မှာ ခဲထားတာက သူ့အတွက် သိပ်အရသာရှိနေသလိုပါဘဲ။

အဖိုးအကျင့်က ထမင်းစားပြီးတာနဲ့ ဆေးပြင်းလိပ်အတိုလေးကို မီးညှိအားရပါးရဖွာ။

လေးငါးဖွာလောက် အားရပါးရ ရှိုက်ပြီးရင်းဆေးပြင်းလိပ်ကို မီးသေအောင်သတ်လိုက်ပါတယ်။

ပြီးမှ ပါးစောင်မှာခဲပြီးလုပ်လက်စအလုပ်တွေကို ဆက်လုပ်ပါတယ်။

အဖိုးဆေးပြင်းလိပ်ဖွာပြီဆိုရင် အဖွားက အသံတွေထွက်ပါတယ်။

“ကိုထွေးမောင် ! တော့ရဲ့ဆေးလိပ်ကြီးကို ဝေးဝေးသွားသောက်စမ်းပါ တကတဲ နံချက်ကတော် “လို့ပါ။

 

ပထမဆုံးဆေးလိပ်နဲ့ပါတ်သက်ပြီးအဆော်ခံရတာ သုံးတန်းကျောင်းသားအရွယ်တုံးကပေါ့။

အဘိုးက ဆေးပြင်းလိပ်ကြီးကို ပါးစပ်ထဲအမြဲထည့်ထားတာ ချိုလို့နေမှာလို့အမြဲ တွေးနေမိပါတယ်။

တစ်ရက်ကျောင်းကပြန်လာတဲ့တစ်ညနေခင်းမှာ၊

အိမ်ကလူကြီးတွေအားလုံးက  နက်ဖြန်မနက်မှာ ဘုန်းကြီးကျောင်းကိုဆွမ်းချိုင့်ပို့ဘို့အတွက်

လှီးကြ ချွတ်ကြနဲ့ အလုပ်တွေရှုပ်နေပါတယ်။

အဲဒီအချိန်အဖိုးကရေချုိးနေတယ်ထင်ပါတယ် သူ့လက်စွဲတော်ဆေးပြင်းလိပ်အတိုက ဆေးလိပ်ခွက်ထဲမှာမီးမသေ့တသေနဲ့

ဆိုတော့ ထွက်နေတဲ့ မီးခိုးငွေ့ငွေ့လေးက ကျနော်ကို စမ်းကြည့်ဘို့ဖိတ်ခေါ်နေသလိုပါဘဲ။

ကျွန်တော်ကလည်း လူရှိမရှိအသာလေးကြည့်ပြီး လူလစ်တာနဲ့ ဆေးပြင်းလိပ်ကိုယူ

အိမ်နောက်ဘေးက ငှက်ပျောပင်ကြားထဲကိုဆင်းပြီး ဆေးပြင်းလိပ်ကို ဖွာကြည့်ပါတော့တယ်။

ပထမတစ်ခါ မီးသေစပြုနေတော့လည်ချောင်းထဲမှာ စပ်ခါးခါးကြီးဖြစ်သွားတယ်။

နောက်တစ်ခါလဲဖွာလိုက်တဲ့အခါ  ဆေးလိပ်ငွေ့တွေက ပါးစပ်ထဲဝင်လဲသွားရော ချောင်းတွေတဟွတ်ဟွတ်ဆိုးပါတော့တယ်။

လူလဲမူးနောက်သွားတာ ခြာခြာကိုလည်ရော။

ဘယ်သူမှမမြင်ခင် အိမ်ထဲဝင်အဘိုးဆေးလိပ်ကို ဟန်မပျက်ပြန်ထား၊

ပြီးတာနဲ့ အိပ်ယာထဲဝင်ခွေနေလိုက်ရတယ်ဟန်ကိုမဆောင်နိုင်ဘူးမူးနောက်နေတာ။

မျက်စေ့သာမှိတ်ထားတာ လူကခြာခြာတွေလည်နေတာ။

 

ခဏနေတော့ ဒေါ်လေးအငယ်ရောက်လာပြီး

“မမထွေးရေ သားကြီးက ဘယ်ချိန်ကရောက်နေမှန်းမသိဘူး အိပ်ယာထဲဝင်ခွေနေတယ် “

“ကိုပေါက်နေမကောင်းဘူးလား  “ဆိုပြီးနဖူးစမ်း ပါးစမ်းလုပ်တော့။

ချော်လဲရောထိုင်လုပ်ပြီး ဒေါ်လေးရင်ခွင်ထဲဝင်ပြီး “မူးတယ်”

ဆိုပြီးပြောလဲပြောရော ဒေါ်လေးငယ်တစ်ယောက် ပျာယာတွေခပ်ကုန်ပါတယ်။

“ညနေစောင်းကြီး အိပ်တာကို ဖြစ်မှာပေါ့  “တို့၊“ကလေးကို ပစ်ထားတယ် “တို့၊

တတွတ်တွတ်ပြောရင်း ဆူညံပူညံတွေလုပ်ပါတော့တယ်။

ကျွန်တော်ကလဲ ဆေးလိပ်မူးတော့ ချွေးစေးတွေပြန်နေပါတယ်။

ဒေါ်လေးက ချွေးတွေသုတ်ပေး ယပ်ခပ်ပေးတော့ခဏလေးအတွင်းမှာ အိပ်ပျော်သွားပါတယ်။

ဒါပေမယ့် မနက်မိုးလင်းလို့အိပ်ယာလဲထရော တုတ်နဲ့ဆော်ဘို့ အမေကစောင့်နေပါတော့တယ်။

ဇာတ်လမ်းကတော့ ဟိုဘက်ခြံက အရီးညိုဖော်ကောင်လုပ်လိုက်လို့ပါ။

ညက ကျွန်တော့်ကိုမမြင်တော့ အရီးညိုကမေးတဲ့အခါ

ဒေါ်လေးငယ်က “နေမကောင်းလို့အိပ်နေတာ ချွေးစေးတွေပြန်ပြီး မူးတယ်မူးတယ်လုပ်နေတယ်”လို့လဲဖြေရော

အရီးညိုက “မူးမှာပေါ့  ညနေက သူ့အဖိုးဆေးပြင်းလိပ်ကိုကိုင်ပြီးငှက်ပျောပင်ကြားကနေအိမ်ထဲကို ယိုင်တီးယိုင်ထိုးနဲ့ဝင်သွားတယ်

ဆေးလိပ်စမ်းသောက်တာနေမှာ  “လို့ဇာတ်ကြောင်းလှန်လဲလှန်လိုက်ရော အရိုက်ခံဘို့လုံချည်လှန်ပြီး

ခြေသလုံးလေးထိုးပေးလိုက်ရပါတော့တယ်။

နောက်ဆက်တွဲဇာတ်လမ်းကတော့ အဖွားက အဖိုးကို “ဟေမာနေ၀င်း”စတိုင်နဲ့

ကိုပေါက်အရိုက်ခံရတာ “မင်းကြောင့်မင်းကြောင့် ပါနော် “လို့ စွတ်တွေစွဲတော့

အဖုိုးနဲ့အဖွား တစ်ယောက်တစ်ခွန်း နဲ့ စကားလုံးတိုက်ပွဲတွေဆင်နွဲကြတာ ဆွမ်းဂျိုင့်သွားပို့ချိန်ရောက်မှ ရပ်ပါတော့တယ်။

 

ကျွန်တော်အဖေက တော့ ဆေးလိပ်မသောက်ပါဘူး။

ဘာစတိုင်လဲတော့ မသိဘူး အဖေတို့ သူငယ်ချင်းတွေအားလုံး ဆေးတံကိုယ်စီနဲ့ပါ။

အဖေ့ဆီကိုလာတဲ့သူတွေကလဲ လက်မှာစာအုပ်ကြီးတကိုင်ကိုင် ကော်ကိုင်းမျက်မှန်တပင့်ပင့်နဲ့ပါ။

အဖေ့မိတ်ဆွေတွေထဲမှာ ဆေးပေါ့လိပ်သောက်တတ်သူလဲပါပေမယ့် နည်းပါတယ်။

အဖေတို့နားသွားလိုက်ရင်တော့ မော်စီတုန်းရော စတာလင်ရောလီနင်ရော ဓနရှင်ရော ပစ္စည်းမဲ့လူတန်းစားရော စုံနေအောင်ကြားရတတ်ပါတယ်။

ဒါပေမယ့်ခေါင်းလေးစောင်းပြီး ဆေးတံကိုမီးညှိတာတို့၊အရမ်းကိုစဉ်းစားနေတဲ့ပုံစံမျုိးနဲ့ဆေးတံကမီးခိုးလေးတွေကို

တငွေ့ငွေ့ထွက်နေအောင်ဖွာတဲ့ပုံစံက မြင်ရတာ လှတယ်လို့ထင်ပါတယ်။

အဖေတို့သောက်တဲ့ “ဘလူးစတား”ဆိုတဲ့ဆေးတံသောက်ဆေးနံ့လေးကလဲ မွှေးပါတယ်။

ငါကြီးလာရင်လဲအဖေတို့လိုဆေးတံခဲမယ် လို့စိတ်ကူးတွေယဉ်ထားပါတယ်။

လောလောဆယ်တော့ အဖေဆေးတံက ဆေးချိုးတွေခွာမယ်ဆိုရင်တော့

ညီအစ်ကိုတတွေသူလုပ်မယ်ငါလုပ်မယ်နဲ့အလုအယက်ပါဘဲ။

ဆေးတံဆေးချိုးခွာရင်း လူကြီးစတိုင်နဲ့ဆေးတံခဲပြီး ဂိုက်ပေးတာကို အဖွားမြင်ရင်တော့ အော်ခွဲပါတယ်။

အဖွားက ဆေးလိပ်ဆေးတံသောက်တာ လုံးဝမကြိုက်ပါဘူး။

မနိုင်လို့သာကြည့်နေရတဲ့ပုံပါဘဲ။

ကျွန်တော်ကိုလည်းဆေးလိပ်မသောက်ဘို့၊ငွေကုန်၊ပါးစပ်နံ၊လူနံ၊ ကျန်းမာရေးထိခိုက်တာတွေကို

သာဓကတွေ ဥပမာတွေနဲ့အမြဲပြောပြလေ့ရှိပါတယ်။

နောက် ကျွန်တော်သိပ်မကြီးခင်မှာ အဖိုးလဲဆုံးသွားသလို အဖေလဲဆေးတံပြတ်၊

ဆေးတံသောက်တတ်တဲ့ ဧည့်သည်တွေလဲ အိမ်ကိုလာတာမတွေ့ရတော့ပါဘူး။

နောက်တော့ ကျွန်တော်တို့မိသားစုလေးက အဖေ့ဘက်က အဖွားအိမ်ကိုပြောင်းနေပြန်ပါတယ်။

အဲဒီအချိန်မှာတော့ ကျွန်တော်ဘ၀က ယာယီဆေးလိပ်ကင်းမဲ့သောဇုံလေးဖြစ်သွားဘူးပါတယ်။

 

ကျွန်တော်နဲ့ဆေးလိပ်ပြန်ပါတ်သက်တာကတော့ ဆယ်တန်းကျောင်းသားဘ၀မှာဖြစ်ပါတယ်။

ကျွန်တော့်အဲဒီအချိန်မှာ အပြင်စာဖတ်တာကိုဝါသနာ ပါလာတဲ့အချိန်ပေါ့။

ကျွန်တော်နဲ့ခင်တဲ့ ညဈေးတန်းမှာစာအုပ်အဟောင်းတွေရောင်းတဲ့အကိုကြီး “အကိုနောင်”က ဆေးလိပ်ချစ်သူဖြစ်နေပါတယ်။

သူကတော့ ဆေးပေါ့လိပ်သမားပါ။

သူ့လက်ထဲမှာ ဖွာလက်စ ဆေးလိပ်တိုဖြစ်ဖြစ် မီးသေနေတဲ့ဆေးလိပ်တိုဖြစ်ဖြစ် တစ်တိုကတော့ ရှိနေတတ်ပါတယ်။

သူနဲ့တွေ့တော့မှ မြန်မာ့ကဗျာလေးတွေထဲကနေဆေးလိပ်နဲ့ပါတ်သက်တဲ့ကဗျာလေးကို သိလာပြန်ပါတယ်။

 

“ဆေးလိပ်လဲတို၊

နေလဲညိုပြီ၊

ငါ့ကိုအိမ်ပြန်ပို့ပါလေ။”တို့

 

“မ၀ယ်ဘူးမယ်ခူးတဲ့ဖက်စို၊

မီးမကူနေပူမှာမကင်အားသောကြောင့်၊

ထားရတယ်အိပ်ယာအောက်မှာ၊

မင်းသောက်ဖို့ကို၊

ညှာအနား ရှေ့သွားနှင့်ကိုက်လို့တို

မချိုတောင့်လိပ်ဆေး။

ပိုးမကူ၊

ဝါချည်ဖြူ တပင်ရစ်ကယ်နှင့်၊

ငယ်ချစ်မောင် ရွှေဝသွားကို ပါးလိုက်ကဲ့လေး။”

 

 

” ဆေးတံတို တစ်ညိုလောက်၊

ရော့သောက်တော့ပေး၊

မယူလိုကက်မိုက်လို့ထင်၊

ယူလိုက်တော့ ပြန်ကကြိုက်လို့ထင်၊

သောက်စေချင်၊ကုတင်တွင်

ထောင်ခဲ့ကွဲ့

ညိုနွဲ့ရဲ့လေး”

ဆိုတဲ့ကဗျာလေးတွေကို သူကရွတ်ပြ  အဓိပ္ပါယ်ဖွင့်ဆိုချက်တွေနဲ့ရှင်းပြပြန်တော့

နားထောင်ရတာပိုအရသာရှိလာသလိုပါဘဲ။

ဒါပေမယ့်”အကိုနောင်”သောက်တဲ့ဆေးပေါ့လိပ်ကိုတော့ သဘောမကျပါဘူး။

နံလဲနံတယ်နောက်ပြီး”အကိုနောင်”အင်္ကျီ လုံချည်မှန်သမျှမှာဆေးလိပ်မီးပေါက်အရာတွေနဲ့ဆိုတော့ အကြည့်ရဆိုးတယ်။

မမိုက်ဘူးလို့ထင်ပါတယ်။

“အကိုနောင်”ကတော့ဆေးပေါ့လိပ်သောက်မှ အားရပါသတဲ့။

ရေမိူးချုိးပြီးရင်ဆေးပေါ့လိပ်ကလေး ကိုဖွလိုက်ရတယ်ဆိုရင် သိပ် အရသာရှိပါသတဲ့။

စီးကရက် ကဂိုက်ပေးချင်တဲ့သူမှသောက်တာ မီးညှိပြီးရင်တလိပ်လုံးကုန်အောင်သောက်ရတော့ သူ့အတွက် အဆင်မပြေပါဘူးတဲ့။

ဆေးပေါ့လိပ်ကတော့ ဈေးလဲသက်သာ အလုပ်ရှိရင်သောက်လက်စကိုချထား ပြီးရင်ပြန်သောက်လို့ရပါသတဲ့။

နောက်”အကိုနောင်”ချစ်သူကလဲ ဆေးလိပ်သမလေးဖြစ်နေပြန်ပါတယ်။

သူက “အကိုနောင်”အတွက်ဆေးပေါ့လိပ်ကို ကိုယ်တိုင်လိပ်ပေးပါသတဲ့။

ဟုတ်တော့လဲဟုတ်သလို အကိုနောင် ဆေးပေါ့လိပ်ထိပ်ဖူးလေးတွေက ကြာဖူးလေးနဲ့သလိုပါဘဲ။

သီးသန့်လက်ရာလို့ ဆို နိုင်ပါတယ်။

ဒီတော့ ဆေးပေါ့လိပ်က အကိုနောင်အတွက် မရှိမဖြစ် ပစ္စည်းဆိုရင်လဲမမှားဘူးပေါ့။

ဒါပေမယ့် အကိုနောင်နဲ့ခင်မင်ခဲ့သမျှကာလတလျှောက်လုံးကျွန်တော်ဆေးလိပ်မသောက်ခဲ့ပါဘူး။

 

ကျွန်တော်ကျောင်းနေစဉ်ကာလမှာရော တက္ကသိုလ်တက်နေတဲ့တစ်လျှောက်လုံးမှာဆေးလိပ်မသောက်ဘဲနေနိုင်ခဲ့ပါတယ်။

သူငယ်ချင်းတွေနဲ့လက်ဖက်ရည်ဆိုင်ထိုင်ကြလို့ သူတို့သောက်လဲကျွန်တော်ကတော့ကင်းအောင်နေနိုင်ခဲ့ပါတယ်။

ကြိုက်တဲ့သူငယ်ချင်းများကလဲ သောက်ကြပါတယ်။

ဆေးလိပ်သောက်တဲ့သူငယ်ချင်းများပြောကြတဲ့ ဆေးလိပ်သောက်တဲ့ပုံ လှတယ်ဆိုသူတွေထဲမှာ

ကျွန်တော်တို့ မကြည့်မမြင်ဘူးလိုက်ရတဲ့အနုပညာသည်တွေထဲက အမျိုးသမီးများထဲမှာဆိုရင်  ” တင်တင်မူ”လို့ပြောပါတယ်။

မြန်မာရုပ်ရှင်ဇာတ်ကားတွေထဲမှာ မင်းသားကဆေးလိပ်ကို ဟန်ပါပါသောက်ပြတာ များပါတယ်။

နိုင်ငံခြားကားတွေဆိုတာကတော့ပြောမနေပါနဲ့တော့။

စီးကရက်ကလေးကို ပါးစောင်မှာခဲထားတာ ခေါင်းလေးစောင်းပြီး စီးကရက်ကိုမီးညှိတာတွေကတော့လူငယ်ကြိုက်ပေါ့။

အထူးသဖြင့်ကောင်းဘွိုင်ကားတွေထဲမှာ ပိုသောက်တယ်လို့ထင်ပါတယ်။

 

လူငယ်တွေဆေးလိပ်သောက်တယ်ဆိုတာကတော့ ဆေးလိပ်အရသာကိုကြိုက်တယ်ဆိုတာထက် ယောက်ျားပီသတယ်

လို့အထင်ခံရအောင်ရယ် ယောက်ျားဆိုတာ စုံမှလို့ အတွေးမှားတာရယ်၊နောက် သူတို့အထင်ကြီးတဲ့လေးစားတဲ့သူတွေ

ကဆေးလိပ်သောက်ပြတော့ အတုယူပြီး သောက်ကြတာများပါတယ်။

နောက်အရွယ်မရောက်သေးတဲ့ကျောင်းသားပေမယ့်လဲ သူကိုယ်သူအရွယ်ရောက်ပြီလို့အထင်ခံရအောင်ဆေးလိပ်

ကိုလက်ကြားညှပ်ပြရင်းက ဆေးလိပ်သောက်တဲ့အကျင့်ဆိုးကိုရသွားပါလေရော။

တစ်ချို့အိမ်တွေမှာလူကြီးတွေက ကလေးကိုဆေးလိပ်မီးညှိခိုင်းတတ်ပါတယ်။

ဒီလို ဥာဏ်မရှိသောလူကြီးများက မီးညှိခိုင်းတဲ့အခါမှာ ကလေးက စမ်းပြီး ဖွာလိုက်လို့ မီးခိုးသီးပြီး တဟွတ်ဟွတ်

ချောင်းဆိုးတယ်ဆိုရင် ၀ိုင်းပြီးရီကြမောကြနဲ့ လုပ်ပြတဲ့အခါ ကလေးကလည်း ဆေးလိပ်သောက်တာကို လုပ်သင့်

တဲ့အလုပ်တစ်ခုလို မြင်သွားတော့ ဆေးလိပ်သောက်တတ်သွားပါတော့တယ်။

 

ကျွန်တော်ဆေးလိပ်စသောက်ဖြစ်တာကတော့ ကျောင်းပြီးလို့ လုပ်ငန်းခွင်ထဲရောက်မှသောက်ဖြစ်တာပါ။

ကျွန်တော့်ရဲ့မကောင်းသောအကျင့်ဆိုးကတော့ သူများကပြောရင် အလွယ်တကူလက်မခံတတ်တာပါ။

နောက်အရွဲ့တိုက်တတ် ဇွတ်လုပ်တတ်တဲ့ဥာဉ်ဆိုးလေးကလဲ ရှိပါသေးတယ်။

 

(ဆက်လက်ဖော်ပြပါမည်)

 

“…………………………….. မှ အစပြု၍”(ကိုပေါက်နဲ့ဆေးလိပ်အဆုံး)

 

ကျွန်တော်ကျောင်းပြီးတော့ လျှပ်စစ်ပစ္စည်းတွေရောင်းတဲ့အိမ်တစ်အိမ်မှာအလုပ်စလုပ်ပါတယ်။

ပုဂ္ဂလိက ပိုင်တဲ့လုပ်ငန်းပါ။

သူတို့အိမ်တစ်အိမ်လုံးက အသန့်ကြိုက်  ကျန်းမာရေးကိုအထူးလိုက်စား ဇီဇာကြောင်

လူတွေကို ပညာတွေပေး ခဏခဏအမိန့်တွေထုတ်တတ်တဲ့မိသားစုပါ။

(ဒါပေမယ့် ၀န်ထမ်းတွေကို ပေးတာကမ်းတာကတော့ အတော်လေးကို ရက်ရောလို့သဘောကောင်းပါတယ်။)

သူတို့အိမ်မှာအဆိုးဆုံးကတော့အလုပ်ပိုင်ရှင်ရဲ့အမအပျိုကြီး “မမမွန် “ပါဘဲ။

မတွေ့လိုက်နဲ့တွေ့တာနဲ့ဆေးလ်ိပ်မသောက်ရေးတရားဟောပါတော့တယ်။

“ဆေးလိပ်သောက်တယ်ဆိုတာ လူမိုက်တွေရဲ့ ဥာဏ်မရှိတဲ့လူတွေရဲ့အလုပ်၊ ပိုက်ဆံကုန်တယ်၊အလုပ်ရှပ်တယ်၊ကျန်းမာရေးနဲ့မညီညွှတ်ဘူး၊အဆုပ်ရောဂါရပြီးသေမယ်၊

ညစ်ပတ်တယ်၊စွဲရင်ဖြတ်မရဘူး” ဆိုတာတွေကို ဥပမာ တွေဇာတ်ကြောင်းတွေနဲ့ပေါ့။

အဆုံးမှာတော့ “နောက်မသောက်နဲ့နော်”မှာ “မှာချွေစကား” က ပြီးဆုံးပါတယ်။

 

အရက်သမား မူးပြီးအပ်ကြောင်းထပ်အောင်ပြောတယ်ဆိုတာ “မမမွန် “မပြောသလောက်ဘဲရှိပါတယ်။

ကျွန်တော်တို့ မနက်အလုပ်ဝင်ရင်ဖြစ်ဖြစ် နေ့လည်ထမင်းစားကပြန်လာလို့ အလုပ်ဝင်လာတဲ့

အချိန်မှာဘဲဖြစ်ဖြစ် “မမမွန် “က အ၀င်ပေါက်ဝကစောင့်ပြီး ၀င်လာသူတိုင်းကို ပါးစပ် “ဟ”

ပြီး “ဟား”လို့အော်ခိုင်းပြီး ဆေးလိပ်သောက်မသောက်ကို ပါးစပ်နားကပ်ပြီးအနံ့ခံပါတယ်။

ဆေးလိပ်နံ့ရလို့ကတော့ “ဆေးလိပ်သောက်တယ်ဆိုတာ……………….”ကနေ့အစချီလို့

“နောက်မသောက်နဲ့နော်”မှာအဆုံးသတ်တာကို တစ်ယောက်ဝင်လာရင်တစ်ခါပြောပါတယ်။

ကျွန်တော်တို့လိုဆေးလိပ်မသောက်တဲ့လူလဲ မလွတ်ပါဘူး နားထောင်ရတာပါဘဲ။

ကြာတော့လည်း “မမမွန်“မအားလို့ အပြင်သွားနေလို့များ “မှာချွေစကား”မကြားရတဲ့နေမျုိးမှာ

ဆိုရင် “ရင်မှာ ဟာတာတာနဲ့တစ်ခုလိုအပ်နေလို့”ဆိုတဲ့သီချင်းစာသားလေးအတိုင်းပါဘဲ။

 

“မသောက်လဲနားပူ သောက်လဲနားပူ မထူးဘူး”ဆိုပြီးကျွန်တော်လည်းဆေးလိပ်သောက်တဲ့စာရင်းထဲ

မှာပါသွားပါတယ်။နောက်ကျွန်တော့်စရိုက်ဆိုးအတိုင်း “ဆေးလိပ်ဆိုတာသောက်မိရင်ဖြတ်မရဘူး  “

ဆိုတာကိုလဲ မယုံကြည်တာ စမ်းကြည့်ချင်တာဆိုတဲ့စိတ်ကလေးလဲပါသပေါ့နော်။

ဒါနဲ့ဘဲနေ့လည်ထမင်းစားပြီးတဲ့အခါ လက်ဖက်ရည်ဆိုင်ထိုင်ရင်း စီးကရက်တစ်လ်ိပ်နေ့စဉ်သောက်ဖြစ်ပါတယ်။

“မမမွန်“ရှေ့ရောက်လို့ ပါးစပ်ဟပြီးအစစ်ခံရင် “ကိုပေါက် နင်လဲပျက်စီးနေပြီ “လို့များအပြောခံရရင် စိတ်ထဲကျေနပ်

နေသလိုပါဘဲ။

ဒီလိုနဲ့ကြာလာတော့ နေ့တစ်လိပ်ကနေ ညပိုင်းအလုပ်ပြီးလို့သူငယ်ချင်းတွေနဲ့လက်ဖက်ရည်ဆိုင်ထိုင်ရင်လဲ

တစ်လိပ်သောက်ဖြစ်လာပါတယ်။

အဲဒီတုံးကတော့ ဆေးလိပ်သောက်တာကိုက အပေါ်ကလူကိုဆန့်ကျင်ရဲတယ်ဆိုတဲ့အတွေးမှားကြီးနဲ့

ကျေနပ်နေတာပါ။

 

ဆေးလိပ်နဲ့ပါတ်သက်ပြီးဖွဲ့ဆိုထားခဲ့ကြတဲ့သီချင်းတွေကလဲအများကြီးပါ။

နာမယ်ကျော် စိုင်းထီးဆိုင်ရဲ့ “ဆေးတံတို” ဆိုတဲ့သီချင်း

“ ဆေးတံလေးကို ပါးစပ်မှာအသာလျှို ဘုရင့်သမီးနဲ့စုံတွဲခုတ်ရသလို

…………ဇ်ိမ် ဇိမ် ဇိမ်ဘဲဗျို ဇိမ်တကာဇိမ်မှာ ဗိုလ် …ကျနော်အသဲလေးဆေးတံတို”ဆိုတဲ့စာသားလေးများ

ကို ကြားရင်အဖေငယ်ငယ် ဆေးတံခဲနေပုံကိုပြန်မြင်ယောင်မိပါတယ်။

ကိုသန်းနိုင်ရဲ့ “ပေတရာလမ်းမ အနက်ရောင်လေး အပေါ်……………ငါလျှောက်သွားရင်းနဲ့လမ်းမှာတွေ့တယ်အဖော်……………စီးကရက်တစ်လိပ်ကို ရှိုက်ခါဖွာ…………………..”ဆိုတဲ့ “လမ်းဆက်လျှောက်မယ်”ဆိုတဲ့သီချင်း၊

ကိုစိန်လွင်ရဲ့ “ဒူးယားတစ်လိပ်ကိုယ် ဖွာရင် အမြဲလိုဘယ်ရင်တွေခုန်……………..တည်ငြိမ်အောင်စီးကရက်ဝယ်သောက်”ဆိုတဲ့ စီးကရက်အမှတ်……………..သီချင်းတို့၊

ကိုဘိုဘိုဟန်ရဲ့” သုံးကျပ်ကို တစ်လိပ်နဲ့ သုံးကျပ်ကိုတစ်လိပ်နဲ့ခေါင်းမူးသွားပြီဒူးယားသည်ရေ…………………”တုိ့စီးကရက်သီချင်းများက

လည်း ဆေးလိပ်သောက်သူများအတွက်ရှယ်ပါ။

တစ်ခါကတော့အိမ်က တိပ်ခွေအဟောင်းတစ်ခွေကိုကက်ဆက်ထဲ ထည့်ဖွင့်လိုက်တဲ့အခါ

“ဆေးလိပ်တွေလည်းဖြတ်မယ်ဆို ပိုသောက်နေ ………..အဟွတ်…….အဟွတ် “ဆိုလို့မကြားဘူးတဲ့အသံဖြစ်နေလို့

မေးကြည့်တော့

မန်းလေးရှဲလ်တီးဝိုင်းက “ဘိုတောက်”ပါတဲ့၊

သူဆိုထားတဲ့ မုဒ်ကတော့ အရမ်းလန်းပါတယ်။

 

 

 

နောက်စီးကရက်ကို ပိုသောက်ဖြစ်သွားတဲ့အကြောင်းတစ်ခုကတော့

ကျွန်တော်နဲ့တက္ကသိုလ်တုန်းက သူငယ်ချင်းကောင်မလေးက တိုးရစ်စ်ဂိုက်(ဧည့်လမ်းညွှန်)

ဖြစ်သွားပါတယ်။သူပို့ရတဲ့ဧည့်သည်တွေက ပြန်ခါနီးဆိုရင် မြန်မာငွေတွေ မသုံးတော့တဲ့ပစ္စည်းတွေ၊စီးကရက်တွေကျန်နေခဲ့ရင်သူ့ကိုလက်ဆောင်

ပေးသွားခဲ့ပါတယ်။

သူကဆေးလိပ်မသောက်တော့ ကျွန်တော့်ကိုပြန်လက်ဆောင်ပေးသပေါ့။

အဲဒီကစပြီးနိုင်ငံခြားဆေးလိပ်တွေကို ကျွန်တော်သောက်ဘူးလာပါတယ်။

တံဆိပ်မျုိးစုံအရသာမျုိးစုံပေါ့။တကယ်လို့များကျွန်တော်မကြိုက်တဲ့တံဆိပ်ပါလာရင်

မြန်မာပြည်ဖြစ်စီးကရက်နဲ့လဲသောက်ပါတယ်။

ဒါပေမယ့်လဲအဲဒီတုန်းကစီးကရက်သောက်တယ်ဆိုတာ တစ်နေ့နှစ်လိပ်သုံးလိပ်ထက်မပိုပါဘူး။

 

နောက်သုံးနှစ်လောက်အကြာမှာ ကျွန်တော်နောက်အလုပ်တစ်ခုပြောင်းပါတယ်။

လူကလဲအသက်သုံးဆယ် လူလတ်ပိုင်းကိုရောက်လာပါတယ်။

နောက်ပြောင်းတဲ့အလုပ်ကတော့ အရင်အလုပ်လိုလဲ စည်းကမ်းမတင်းကျပ်၊

နောက်ဘွဲ့ရပြီးသားလူလတ်ပိုင်းအရွယ်ဆိုတော့ ကိုယ့်ဘာသာကိုယ်ထိန်းကျောင်းလို့နေရတဲ့

အရွယ်ရောက်လာပါတယ်။

လူ့ထုံးစံအတိုင်းလွတ်လပ်တယ်ဆိုရင် အဲဒီအခွင့်အရေးကို အပြည့်အ၀အသုံးချပါတယ်။

ဒီအလုပ်က အလုပ်ထဲမှာဆေးလိပ်သောက်ရင်လဲခွင့်ပြုထားတော့

အရင် လက်ဖက်ရည်ဆိုင်ထိုင်မှ သောက်လို့ရတဲ့စီးကရက်ကို အလုပ်ထဲမှာလဲသောက်လာပါတော့တယ်။

ဒီတော့ တစ်နေ့နှစ်လိပ်သုံးလိပ်ကနေလေးငါးလိပ်အဆင့်ကိုရောက်လာပါတယ်။

နောက်ပိုင်း ရုံးထိုင်အလုပ်ကနေ အပြင်ကိုထွက်လို့ ဆောင်ရွက်ရတဲ့အရောင်းသမားဘ၀ကိုရောက်လာပြန်ပါတယ်။

အပြင်လောကဈေးလောကထဲလဲရောက်ရော လက်ဖက်ရည်ဆိုင်ကိုထိုင်တဲ့အခါဖြစ်ဖြစ်ကိုယ့်ဖောက်သည်ဆိုင်တွေ

ကိုရောက်ရင်ဘဲဖြစ်ဖြစ် ကိုယ်ကဧည့်ခံ သူကဧည့်ခံနဲ့ အပြန်အလှန်ဧည့်ခံလိုက်ကြတာတစ်ရက်ဆေးလိပ်သောက်နှုန်းက

ဆယ်ဂဏန်းကို အလိုလိုရောက်မှန်းမသိရောက်လာပါတယ်။

 

အဲဒီအချိန်တုံးကအပြင်မှာသာဆေးလိပ်သောက်တာ အိမ်ရောက်ရင်ဆေးလိပ်မသောက်ပါဘူး။

အ်ိမ်မှာလဲ ဆေးလိပ်မထားတော့ သောက်ချင်တယ်ဆိုလဲ အဆင်သင့်မရှိပါဘူး။

နောက်ပြီးတော့ ဆေးလိပ်ကိုလဲ သောက်ချင်မှ ကွမ်းယာဆိုင်ကနေ တစ်လိပ်ခြင်းနှစ်လိပ်ခြင်း

ဝယ်သောက်တဲ့အဆင့်ပါ။

နောက်တစ်ဆင့်တက်လာတာကတော့ တစ်လိပ်ခြင်းဝယ်သောက်ရင် တစ်လိပ် 50ကျပ်။

တစ်နေ့ဆယ်လိပ်ဆိုရင် နှစ်ရက်တစ်ဘူးကုန်တယ်။စုစုပေါင်းတစ်ထောင်ကျပ်ကုန်ပါတယ်။

ဘူးလိုက်ဝယ်သောက်ရင်တစ်ဘူးမှ 600ကျပ် ဆိုတော့ နှစ်ရက်ဆိုရင် 400ကျပ်သက်သာတယ်

ဆိုပြီးဈေးတွက် တွက်လာပါတယ်။

နောက်ခရီးတွေဘာတွေထွက်တဲ့အခါမျိုးတို့၊အပြင်ရောက်လို့ ဆေးလိပ်သောက်ချင်လို့ကွမ်းယာဆိုင်

မှာကိုယ်သောက်နေကျ စီးကရက်တံဆိပ်မရှိတာတို့၊နောက်ဧည့်သည်တွေနဲ့သွားကြလာကြတဲ့အခါ

သူများတွေက စီးကရက်ဘူးထဲက ထုတ်ပြီးဧည့်ခံပေမယ့် ကိုယ်က တစ်လိပ်ခြင်းဝယ်သောက်တဲ့လူ

ဖြစ်နေတာက သူများထက်နိမ့်နေသလိုခံစားရတာရယ်ကြောင့် တစ်ဆင့်တက်ပြီး ဘူးလိုက်ဝယ်သောက်

ပါတော့တယ်။

ဘူးလိုက်ဝယ်သောက်တာ သိပ်ကိုအဆင်ပြေပါတယ်။

ဆေးလိပ်သောက်ချင်တယ်ဆိုရင်လက်တစ်ကမ်းမှာပေါ့ ။

အရင်လိုဆေးလိပ်သောက်ချင်စိတ်ပေါ်တာနဲ့ကွမ်းယာဆိုင်သွားဝယ်စရာမလို၊

ဘယ်နေရာရောက်ရောက် ကိုယ့်ဘူးကိုယ်ဖွင့်သောက်လိုက်ရုံပါဘဲ။

 

တစ်စထက်တစ်တိုးတက်လာတာကတော့ ဒီနေ့ညနေက၀ယ်လိုက်တဲ့စီးကရက်တစ်ဘူးက

နောက်နေ့ညနေဆိုရင် အသစ်ထပ်ဝယ်ရတော့ တစ်ရက်တစ်ဘူးနှုန်းဖြစ်လာတာပါဘဲ။

ဖြစ်ချင်တော့လက်ဖက်ရည်ဆိုင်တွေမှာ မိတ်ဆွေတွေနဲ့အတူထိုင်ကြတဲ့အခါ သူများကယူယူသောက်

တော့ ကိုယ်သောက်ချင်ပြီဆိုရင်ဆေးလိပ်က ကုန်နေတတ်ပြန်ရော။

အဲတော့ လက်ဖက်ရည်ဆိုင်ထိုင်တယ်ဆိုရင် ဆိုင်ကချပေးတဲ့စီးကရက် “ငါးလိပ်ပါတစ်ပွဲ” ချခိုင်းပြီးသောက်ပါတယ်။

ထိုင်တာကြာရင်ကြာသလောက်စကားပြောရင်းသောက်တော့ လက်ဖက်ရည်ဆိုင်မှာအပေါင်းအသင်းတွေနဲ့တစ်ခါထိုင်ရင် ဆေးလိပ်ဘယ်နှစ်ပွဲမှာသောက်မိတယ် ကိုယ့်ပါးစပ်ထဲ ဘယ်နှစ်လိပ်သောက်မိမှန်းတောင်မသိတော့ပါဘူး။

ကျွန်တော်တို့အုပ်စု ထသွားပြီဆိုရင် ဆေးလိပ်တိုတွေက ပြန့်ကျဲ လို့ပါဘဲ။

 

စီးကရက် က အမြဲတမ်းဘူးလိုက်ဝယ်သောက်ဖြစ်တယ်ဆိုတော့ အိမ်မှာဖြစ်ဖြစ် အလုပ်ထဲမှာဖြစ်ဖြစ်လမ်းမှာဖြစ်ဖြစ်

သောက်ချင်စိတ်ပေါက်တယ်ဆိုရင် အဆင့်သင့်ဖြစ်နေပါတယ်။

ဒီတော့လဲ တစ်စထက်တစ် သောက်တဲ့နှုန်းက မြင့်မှန်းမသိ မြင့်သထက်မြင့်လာပြီး သောက်ရင်းသောက်ရင်းနဲ့ တစ်ရက်တစ်ဘူးနှုန်းကနေ နှစ်ဘူးနားနီးတဲ့အဆင့်မြင့်ဆေးလိပ်သမားဘ၀ကိုရောက်လာပါတယ်။

 

လူကြီးတွေရော ခင်မင်တဲ့မိတ်ဆွေတွေက ဆေးလိပ်သောက်တာများပြီ လျှော့သောက်တို့၊

အိမ်ကလေဒီပေါက်လဲ ဆေးလိပ်ဖြတ်မဖြတ်ရင် ရှင့်ကိုတော့ ဖြတ်ရမှာဘဲတို့၊

အကြံပေးတာ တားမြစ်တာတွေ ကို လဲဂရုမစိုက် “ကိုယ်ကြိုက်လို့ကိုယ်သောက်တာ”ဆိုပြီး

သောက်မြဲသောက်ဆဲ ထင်ရာစိုင်းမြဲပါဘဲ။

အားနေတဲ့အချိန် ပျင်းရိ ညည်းငွေ့နေတဲ့အချိန် တစ်ယောက်ထည်းနေတဲ့အချိန်များမှာ

ဆေးလိပ်လေးဖွာလိုက်လို့ ထွက်လာတဲ့မီးခိုးငွေ့လေးတွေကိုကြည့်ရတာအတော်လေးလှ

တယ်လို့လဲ ထင်မိခဲ့ပါတယ်။

စိတ်တွေသိပ်ရှုပ်ထွေးနေရင် စီးကရက်ဖွာသက်ပြင်းတွေချပြီး မီးခိုးတွေမူတ်ထုတ်လိုက်ရင်

စိတ်ညစ်စရာတွေပါသွားသလို လဲ တွေးဘူးပါတယ်။

ဆေးလိပ်လေးသောက်ပြီးစဉ်းစားရင် အကြံကောင်းဥာဏ်ကောင်းတွေထွက်တယ်လို့လဲ

စိတ်ထဲမှာ မှတ်ယူဘူးပါတယ်။

အမှန်ကတော့ မှားတာကို မှန်တယ်ထင်ခဲ့ဘူးတာပါ။

 

သင်္ကြန်ပိတ်ရက်တစ်ရက် အိမ်သန့်ရှင်းရေးလုပ်ကြတဲ့အခါ ပီနံအိတ်ကြီးတစ်လုံးထွက်လာပါတယ်၊

ကျွန်တော်က “ဘာတွေလဲ” လို့မေးလိုက်တဲ့အခါ လေဒီပေါက်က ရီကျဲကျဲနဲ့ “သိချင်ရင်ဖွင့်ကြည့်”

လို့ပြောပါတယ်။

အဲဒီအိတ်ကို လွတ်ရာကျွတ်ရာရွှေ့ထားပြီး အားလုံးသန့်ရှင်းရေးလုပ်ပြီးတာ့အခါဖွင့်ကြည့်လိုက်တော့

ကျွန်တော်သောက်ထားတဲ့စီးကရက်ဘူးခွံတွေဖြစ်နေပါတယ်။

အကြမ်းဖျဉ်းရေကြည့်လိုက်တာကို နှစ်ရာ- သုံးရာကျော်ကျော်လောက်ရှိပါတယ်။

ဘေးကရပ်နေတဲ့ မဒမ်ပေါက် တစ်ဘူးကိုခြောက်ရာနဲ့တွက်ကြည့်လိုက်လို့ပြောပြီးရီနေပါတယ်။

ကျွန်တော်ကတော့ ခြောက်ရာနဲ့မမြှောက်ဘဲ 20နဲ့မြှောက်ကြည့်လိုက်တော့ ဘယ်နေ့ဘယ်ရက်ကသိမ်းထားတယ်ဆိုတာ

ဘယ်လောက်ကြာပြီဆိုတာမသိပေမယ့်လဲ ဘူးခွံတွေကြည့်ရတာ သိပ်မကြာသေးဘူးလို့ ထင်ရပါတယ်။

အမှန်အတိုင်းပြောရင်တော်တော်လေး လန့်သွားပါတယ်။

ငါသောက်တာများပြီပေါ့။

နောက်နေ့ကစပြီး ဆေးလိပ်ကိုလျှော့သောက်မယ်ဆိုဆုံးဖြတ်တဲ့အတိုင်း မနက်လက်ဘက်ရည်ဆိုင်ထိုင်ရင်တစ်လိပ်၊

နေ့လည်ထမင်းစားပြီးရင်းတစ်လိပ်၊ညဆိုရင်တစ်လိပ် တစ်ရက်ကိုသုံးလိပ်ဘဲသောက်မယ်ဆိုပြီးဆုံးဖြတ်လို့ အဲဒီအတိုင်း

ဘဲလျှော့သောက်ပါတယ်။စီးကရက်ကိုလည်းဘူးလိုက်မ၀ယ်ဘဲ တစ်လိပ်ခြင်းဝယ်သောက်ပါတယ်။

ခက်တာက သူငယ်ချင်းများနဲ့လက်ဖက်ရည်ဆိုင်ထိုင်ရင်၊ဆေးလိပ်ယူသောက်နေကျမိတ်ဆွေများကထူးထူးဆန်းဆန်း

ဆေးလိပ်လျှော့သောက်တယ်ဆိုတဲ့ကျွန်တော့် ကိုမယုံသလိုကြည့်ကြပါတယ်။

တစ်ချို့ကလဲ တစ်သက်မှာ တစ်ခါသေပါကွာ ဆိုပြီးသောက်ခိုင်းတော့ ကျွန်တော်ကလဲ နဂိုရ်ကထဲကမှ

ဆေးလိပ်ကို သံယောဇဉ်မပြတ်သူဆိုတော့ လေးငါးရက်လောက်သာလျှော့သောက်ဖြစ်ပြီး ဒုံရင်း ဒုံရင်းဘဲ

ပြန်ရောက်လို့ အရင်သောက်နှုန်းအတိုင်းပြန်သောက်ဖြစ်ပါတော့တယ်။

 

တစ်ရက်မိုးနည်းနည်းမိလာတာကို အ၀တ်စိုတွေ မလဲဘဲ ဒီအတိုင်းနေလိုက်တာကနေ အအေးမိပြီးဖျားပါတော့တယ်။

အဖျားကပျောက်သွားပေမယ့် ချောင်းဆိုတာက ကျန်နေပါတယ်။

ချောင်းဆိုးတာက တစ်ပါတ်နေလဲမပျောက် နှစ်ပါတ်နေလဲမပျောက်နဲ့ဖြစ်နေပါတယ်။

အဲတော့လည်း အားလုံးကစိတ်ပူပြီး ဆေးစစ်ခိုင်းပါတော့တယ်။

လူကလဲ မစားနိုင်မသောက်နိုင် တပိန်ပိန် တလိန်လိန်ချောင်းကလဲ တဟွတ်ဟွတ်ဆိုတော့

အားလုံးက အားပေးကြပါတယ် “မီးခိုးခေါင်းတိုင်လို အခိုးထွက်အောင် သောက်တဲ့ကောင်

အဆုပ်တော့ ဇကာပေါက်ဖြစ်နေမှသေချာပေါက်ဘဲ”လို့ပါ။

အဲဒါနဲ့ဆေးခန်းတွေသွားဆေးတွေစစ်နဲ့လုပ်လိုက်ရတာ စိတ်တွေတောင်လေပါတယ်။

ကုန်လိုက်တဲ့ ပိုက်ပိုက်တွေကလဲ အထပ်လိုက်ပေါ့။

ဆေးစစ်ချက် အဖြေမထွက်ခင်မှာတော့ ငါတော့သွားပြီဆိုပြီး စိတ်တွေဆင်းရဲလို့ပါ။

နောက်တော့လဲ ထွက်လာတဲ့ဆေးစစ်ချက်က ၀မ်းသာစရာ”အဆုပ်မှာပိုးတော့ရှိတယ်

ရောဂါကြီးကြီးမားမားတော့ မရှိဘူး ဒါပေမယ့်ဆေးလိပ်ရှောင်နိုင်ရင်ကောင်းမယ်”လို့

အကြံတွေပေးပါတယ်။

 

အဲဒါနဲ့ဘဲဆေးလိပ်ဖြတ်မယ်လို့ဆုံးဖြတ်ချက်ချလိုက်တဲ့အချိန်ကစလို့ အိမ်မှာ

ရုံးမှာ သောက်လက်စ တစ်ဝက်တစ်ပိုင်းကျန်နေတဲ့စီးကရက်ဘူးတွေကို

အမိူက်ပုံးထဲ ထည့်လိုက်ပြီး မီးခြစ်တွေကိုပါ သူများကိုပေးလိုက်ပါတယ်။

ဆရာဝန်ညွှန်ကြားချက်အတိုင်း ပိုးသတ်ဆေးပါတဲ့ဆေးတွေသောက်၊

ဆေးလိပ်ကိုလဲလုံးဝဖြတ်။

မနက်စောစောထ လမ်းလျှောက်အသက်ရူလေ့ကျင့်ခန်းတွေလုပ်၊သေမှာကြောက်တော့ ကျန်းမာရေးကိုအထူးလိုက်စားလိုက်တာလေးငါးလအကြာမှာ ပုံမှန်အတိုင်းပြန်ဖြစ်လာပါတယ်။

 

ဆေးလိပ်ကို  မကောင်းဘူးလို့တော့မပြောချင်ပါဘူး။

ကျွန်တော်လဲ ကောင်းတယ်ထင်လို့သောက်လာခဲ့တာပါ။

ကောင်းလို့လဲ ရှေးကတည်းက ခေတ်အဆက်ဆက်ရှိလာခဲ့တာပါ။

မကောင်းတာက တော့ နောက်ဆက်တွဲအကျိုးဆက်တွေပါဘဲ။

ဘာတွေမကောင်းဘူးလဲဆိုတာတော့ မပြောတော့ပါဘူး။

အားလုံးလဲသိပြီးသားဖြစ်နေကြလို့ပါဘဲ။

ကျန်းမာရေးရူ့ဒေါင့်၊လူမူ့ရေးရူ့ဒေါင့် အစရှိတဲ့ဒေါင့်တွေကနေ ကြည့်လို့ ဆေးလိပ်နဲ့ပါတ်သက်လို့

ရေးထားကြတဲ့ စာတွေ အများမှ အများကြီးဆိုတော့  ကျွန်တော်ဝင်မပြောတော့ပါဘူး။

ဆေးလိပ်ဖြတ်မယ်ဆိုရင်အကောင်းဆုံးကတော့ နည်းနည်းခြင်းလျှော့သောက်မယ်ဆိုတာထက်

 ယတိပြတ်ဖြတ်လို်က်တာ အကောင်းဆုံးပါ။

သူများတွေတော့ မသိဘူး ကျွန်တော်ကတော့ အတွင်းစ်ိတ်ထဲကကို ဆေးလိပ်သောက်ချင်စိတ်က တကယ်ကိုပျောက်သွားလို့လား

စိတ်နိုင်လို့လားတော့ မသိဘူး ဆေးလိပ်ပြတ်သွားတာကတော့အမှန်ပါဘဲ။

အခုဆေးလိပ်မသောက်တာ (2)နှစ်နီးပါးတော့ရောက်သွားပါပြီ။

ကျွန်တော်နဲ့တစ်ဝိုင်းထဲထိုင်နေသူကဘဲသောက်သောက်၊

ဘေးနားကလူကဘဲသောက်သောက် ကျွန်တော်ကတော့

သောက်ချင်စိတ်ဖြစ်မလာတာတော့ အမှန်ပါဘဲ။

 

ကျွန်တော်ဆေးလိပ်မသောက်တော့တဲ့အခါ အပျော်ဆုံးလူတစ်ယောက်ရှိပါတယ်။

သူ့မှတ်ချက်လေးကို နားထောင်ကြည့်လိုက်ပါလား။

“ကိုပေါက်ဆေးလိပ်မသောက်တော့တာ ကျမတော့ အရမ်းဝမ်းသာတာဘဲ၊

ခါတိုင်းဆိုရင် သောက်ပြီး လျှောက်ပစ်ထားတဲ့ဆေးလိပ်တိုတွေကို ခုံကြိုခုံကြားတွေ

စားပွဲခုံအောက်တွေလိုက်လိုက်ပြီး ရှာရ တာ တံမျက်စည်းလှည်းရတာ အရမ်းကိုအလုပ်ရှုပ်တာ

အခုတော့ အရမ်းကိုသက်သာသွားပြီ ပြန်မသောက်နဲ့တော့နော် “တဲ့။

ကျွန်တော်တို့ရုံးက သန့်ရှင်းရေးလုပ်တဲ့အဒေါ်ကြီးရဲ့မှတ်ချက်လေးပါ။

ကောင်းမှကောင်း………………………………………….။

 

 

ကိုပေါက်လက်ဆောင် အတွေးပါးပါးလေး