မနေ့ညက အိပ်မက်ထဲမှာ …

ဒီနေ့ နေ့စွဲကို ကြည့်လိုက်တော့

ပြက္ခဒိန်ပေါ်ကနေ မျက်ရည်တွေ ယိုစိမ့်ထွက်ကျနေခဲ့တယ် …

ဒီလိုနဲ့ အဲဒီညကို တူးခါးစွာ ဆက်လက်ငုံခဲထားလိုက်ပြီး …

ခေါင်းတလားဆန်ဆန် အထီးကျန်ဆိတ်သုန်းတဲ့

နှုတ်ဆက်ခွဲခွာမှုမှာ စကားလုံးတွေ လစ်ဟာလျက် ပြီးဆုံးသွားခဲ့ …

ကောင်းကင်ကို တိုင်တည်ပြီး ငိုချင်း ချလိုက်ပါတယ် …

မြေကြီးကို တိုင်တည်ပြီး ငိုချင်း ချလိုက်ပါတယ် …

ဆံဖျားပန် စံပယ်နံ့လေး မထွက်ခွာခင်မှာ

မျက်ဝန်းထဲက ပြည့်စုံတဲ့ အကြည့်တွေနဲ့

စကားလုံးပေါင်းထောင်သောင်းများစွာ

ရေးဖွဲ့သွားပါတယ် …လို့ …

ဂွဒ်ဘိုင်း ဆိုပြီး ဥဩသံတိုလေးဆွဲအော်ထားဆဲ

ဘရိတ်မပါတဲ့ ခြေသံတွေဟာ

နွေခေါင်ခေါင်မိုးကြိုးပစ်သလို စူးခါးတယ် …

ဒီလိုနဲ့ပဲ ခြေရာသံလေးတွေကို

မီးတောက်မီးလျှံတွေကြားက ကမ္ဘာကျော်အမှတ်တရကြီးဖြစ်တဲ့

နီရိုးဘုရင်ကြီးရဲ့ တယောလက်သံတွေလို ပြက္ခဒိန်အဆက်ဆက်

အုပ်အုပ်လွင်လွင် ကြားနေရတုန်းပဲ …

ဒါပါပဲ ကောင်မလေး …

အောက်တိုဘာနေ့ရက်တွေ ခါးတူးလည်း နိုဝင်ဘာထိ ဆက်သောက်မယ် …

ဒီဇင်ဘာထိ ဆက်သောက်မယ် …

ဇန်န၀ါရီထိ ဆက်သောက်မယ် …

ဖေဖော်ဝါရီထိ ဆက်သောက်မယ် …

………. ဆို ……………

…….. ဆို ………

……. ဆို ….

. သေတဲ့အထိ တရှိုက်မက်မက်သောက်သုံးသွားမယ် …

လျံနိုး

နိုဝင်ဘာ ၂၃၊ ၂၀၁၀