သွေးရူးသွေးတမ်းတွေ
ငါ့ဆီက မမျှော်လင့်ပါနဲ့တော့
မင်းနှလုံးသားဆီအရောက်လာဖို့အတွက်
အခက်ခဲဆုံးလမ်းကို ရွေးချယ်ခဲ့သမို့
ငါဟာ
စစ်သူကြီးဟန်နီဘောလည်းဟုတ်ရဲ့။

မစိုက်ပျိုးရသေးတဲ့
မျိုးစေ့တွေကို စောင့်ရှောက်သလိုမျိုး
ဘ၀ရဲ့တန်ဖိုးတွေကို သယ်ဆောင်ပြီး
ငါရောက်လာခဲ့ရ။

အမှန်တရားရဲ့နောက်
ဒုတိယမြောက်ကျဆုံးသူဟာ ငါပါ။

ဒိုင်နိုဆောတွေ
ဘာကြောင့်မျိုးတုံးခဲ့ရတယ်ဆိုတာကို
လူတွေ အငြင်းပွားနေသလိုမျိုးပေါ့လေ
ကမ္ဘာမြေပေါ်က
မသိမှုအားလုံးကို တင်စားဖို့
ငါ့ကို မွေးဖွားခဲ့သတဲ့။

တကယ့်ကို
ပါးပါးလွှာလွှာလေးလွဲချော်ခဲ့တာပါ
ဒါနဲ့ပဲ တို့တစ်ဘ၀လုံးဝေးခဲ့ကြရ။

အနာဂတ်ဟာ
ဘယ်တော့မှ ငါ့ဆီကိုရောက်မလာနိုင်တော့ဘူး
ငါ့အချစ်ဟာ
လူ့သမိုင်းရဲ့ ဘယ်လိုခေတ်မျိုးမှာမှ
အစားထိုးမရတဲ့ ကောင်းကင်ဆန်မှုနဲ့ပါ။

စက်ဝိုင်းလိုပျံသန်းနေတဲ့
အချိန်တွေရဲ့လောင်ကျွမ်းမှုထဲ
မရေရာတဲ့ဘ၀တွေကို ပေးဆပ်ရင်း
မင်းနဲ့ငါ ဝေးကြရပြီလား။

မခိုင်မာတဲ့ထိပ်ဖျားပေါ်မှာ ပြောင်းပြန်လှန်ပြီးစိုက်ထားတဲ့
ပိရမစ်ကြီးတစ်ခုလို
တဘိုင်းဘိုင်းလဲကျ
သုညကို စက်ဝိုင်းနဲ့လွဲမှားခဲ့သူပါ။

ဇာတ်သိမ်းခန်းမှာတော့
ပင်လယ်ကမ်းခြေအတုတစ်ခုမှာ
ရမ်ပုလင်းအစစ်တစ်လုံးကို
မော့သောက်ပစ်လိုက်ရဲ့။ ။

ပိုင်စိုးဝေ