နှင်းဆီ (ဇေယျာလင်း)
ခြုံလိုပေါက်တဲ့ နှင်းဆီအမျိုးအစားရဲ့ တန်ဖိုးကို မသုံးသပ်ခင်
နှင်းဆီဟာ အချစ်ပဲလို့ ဘယ်သူပြောခဲ့သလဲ
အရေပြားပေါ် အမည်းစက်ပေါ်တာတို့ သံချေးစားတာတို့ကို
လွန်ဆန်နိုင်တဲ့ အမျိုးစပ်နှင်းဆီရှိသေးတယ်
ဒါမှမဟုတ် နှင်းဆီဟာ အချစ်တစ်ခုတည်းကို ရည်ညွှန်းသလား
နှင်းဆီဆိပ်တက်ပြီး နှင်းဆီချစ်ဖျားဖျားနေတာ
နာမကျန်းခြင်းကို ကျန်းမာခြင်းအဖြစ် တမင်ရွေးချယ်တာ
ရေမွှေးနှင်းဆီ၊ ဗမာနှင်းဆီ၊ ကျောက်နှင်းဆီ
ဘာအရာင်၊ ဘာရနံ့၊ ဘာအသွေးလဲ- န/နှင်းဇီ/
နှင်းဆီရောင်ဆိုတာ အနီရောင်နု၊ ပန်းရောင်
“နာမကျန်းသည် အိုနှင်းဆီ” (၀ီလျံဘလေ့က်)
“နှင်းဆီဟာ နှင်းဆီဟာ နှင်းဆီဟာ နှင်းဆီ” (ဂါးထရုဒ်စတိုင်းန်)
“ချစ်ပြုံးနှင်းဆီ” (ဂီတနက်သန် ကိုစောညိန်း)
“နှင်းဆီဖြူရဲ့ အဝေးကလူတစ်ယောက်” (ခင်ဝမ်း)
“My love is like a red rose”
“ငါ့ရဲ့အချစ်ဟာ နှင်းဆီနီရဲ တစ်ပွင့်လို” လား
“ငါ့ချစ်သူဟာ နှင်းဆီနီရဲ တစ်ပွင့်လို” လား
တစ်ခင်းလုံးမဲနက်ပြောင်နေတဲ့ နှင်းဆီပွင့်တွေရဲ့
အနက်ဂယက်ဟာ ဘယ်လိုရှိသလဲ
“အချစ်ဟာ ငရဲကလတဲ့ ခွေးတစ်ကောင်” (ခရစ္စကြောဖလီနို)
သူ့အစွယ်တွေကြားမှာ သွားရည်တွေနဲ့ စိုဝင်းတောက်နေတာ
အဲဒါ ရိုးတံစင်းစင်းလေးပေါ်က နှင်းဆီဖူးငုံလေးလား
အမြင်သွေလွဲမှုလား / ယစ်မူးခြင်းအာရုံတစ်မျိုးလား
နှင်းဆီတစ်ပွင့်ဟာ ပင်လယ်အနံ့နဲ့ တုန်ခါနေတဲ့
မြစ်တစ်စင်းလည်းဖြစ်တယ်
ဘယ်နှခါဆင်းရေချိုးဖူးသလဲ ဒီနှင်းဆီမြစ်ထဲ
သင့်အာရုံတွေမှတ်မိလား အဲဒီတုန်းက …
တစ်သက်မှာ အရည်ရွှမ်းတဲ့ပန်းနုတွေ တစ်ခါပွင့်ပြီးရင်
သေသွားတဲ့ နှင်းဆီတစ်မျိုးရှိတယ်
နောက်တစ်မျိုးကတော့ စက်တင်ဘာကနေ အောက်တိုဘာအထိ
အသီးနီရဲရဲတွေသီးတယ်
နှင်းဆီတကာ့ နှင်းဆီတွေရဲ့ တော်ဝင်နှင်းဆီ
Alba X semiplena နှင်းဆီရေမွှေးထုတ်လုပ်ရာ
“ကျွန်မဘ၀မှာ နှုတ်မရတဲ့ နွေညနှင်းဆီဆူးနဲ့မျက်နေတာ”
ဈာပနနှင်းဆီ၊ ပွဲနေပွဲထိုင်နှင်းဆီ၊ အခမ်းအနားနှင်းဆီ
ရော့၊ဒီမှာ၊ ခင်ဗျားအတွက် “နှင်းဆီ” တစ်ပွင့်
ရော့၊ဒီမှာ၊ မင်းလေးအတွက် “နှင်းဆီ” တစ်ပွင့်
ရော့၊ဒီမှာ၊ ငါတစ်ယောက်ယောက်အတွက် “နှင်းဆီ” တစ်ပွင့်
ကဗျာအတွက် “နှင်းဆီ” တစ်ပွင့်
“နှင်းဆီ” အတွက် နှင်းဆီတစ်ပွင့်
နှင်းဆီဟာ အချစ်ပဲ
အဲဒါ ခင်ဗျားပြောသလား။ ။
ဇေယျာလင်း
၁၂၊ဇန်န၀ါရီလ ၂၀၀၇
ကဗျာဆရာ ဇေယျာလင်း ရဲ့ “၂၀၀၇ ဇေယျာလင်း” ဆိုတဲ့ ကဗျာစာအုပ်ကပါ။ pdf ကို ဒီနေရာမှာ download ချပါတယ်။
Comment #1
ကောင်းလိုက်တဲ့ ကဗျုာလေး ဆရာရယ်…
တစ်ခင်းလုံးမဲနက်ပြောင်နေတဲ့ နှင်းဆီပွင့်တွေရဲ့
အနက်ဂယက်ဟာ ဘယ်လိုရှိသလဲ…
ကျေးဖူးပါ ဆရာ