အမေ . . .
ကျွန်တော် ချစ်တတ်ချင်ပြီ . . .
စိတ်ခံစားမှု ဆိုတဲ့ ချစ်ခြင်း ဆိုတာကို
ကျွန်တော် ခံစားဖူးချင်ပြီ အမေ . . .

ကျွန်တော့်မှာလဲ နှလုံးသားနဲ့ ပါ . . .
ကျွန်တော် တွေးတိုင်း မျက်ရည်စို့ မိပါတယ်
မွေးရာပါ ပညတ်ချက်တစ်ခု အနေနဲ့ 
ကျွန်တော် ကံမကောင်းခဲ့ပါဘူး အမေ . . .
လာခြင်းမကောင်းခဲ့သော ကျွန်တော်
ကံ လဲ မကောင်းခဲ့ပါဘူး . . .

ကံဆိုးကောင် သွားလေရာ
မိုး လိုက်လို့ ရွာ လို့ ဆိုရမလား အမေ . . .
ကျွန်တော်  လူတိုင်းရဲ့ တံတွေးခွက်မှာ မျောလို့ 
ဒီ လောကဓံ ကျွန်တော် ဘယ်လိုရင်ဆိုင်ရမလဲ
တွန်းလှန်ဖို့  အား ကျွန်တော့်လက်နှစ်ဖက်မှာ မရှိနိုင်ဘူးအမေ
ရင်တွေမောပြီး အန်ကြိတ်ပြုံးနေပါသလား အမေ
ဟောဒီ ကံဆိုးကောင်အတွက် မျက်ရည်မကျပါနဲ့ အမေ . . .

အချစ်ဆိုတာ ပေးဆပ်ခြင်းဆိုလဲ
ကျွန်တော် ပေးဆပ်ကြည့်ချင်တယ် အမေ
တကယ်လို့ 
အချစ်ဆိုတာ စွန့် လွတ်ခြင်းဆိုလဲ
ကျွန်တော် စွန့် လွတ်ကြည့်ချင်တယ် အမေ
ဘယ်လို အကြောင်းပြချက်နဲ့ မှ
ကျွန်တော် ပေးဆပ်ခွင့်လဲ မရှိ
စွန့် လွတ်ခွင့်လဲ မရှိပါဘူး အမေ . . .

လူတွေက ပြောတယ် အမေ
“မင်းအတွက် မချစ်မရှိဘူး” တဲ့ 
ဘာပဲဖြစ်ဖြစ်ပါ . . .
ကျွန်တော် ချစ်တတ်ခဲ့ချင်တယ် . . .

ကျွန်တော့် အတ္တ ကျွန်တော့်မာန
ကျွန်တော် အတတ်နိုင်ဆုံးထိန်းပြီး 
အရာရာ အတွက် ကျွန်တော်သည်းခံခဲ့ပါတယ် အမေ . . .
ကျွန်တော် အကောင်းဆုံးကို မျှော်လင့်ထားပေမဲ့လဲ
ကျွန်တော် အဆိုးဆုံးတွေကို ရင်ဆိုင်ဖို့ အသင့်ပါ အမေ . . .

ကျွန်တော် သိခဲ့ရသလောက်ပေါ့ . . .
အချစ် ရာဇ၀င်မှာ
ရှင်မွေ့ နွန်း နဲ့ မင်းနန္ဒာ
ရိုမီရို နဲ့ ဂျူးလိယက် တို့ ဆိုတာ
အချစ် သူရဲကောင်းတွေပေါ့
ကျွန်တော် အချစ်အတွက်
တစ်ခါလောက်ပဲ ဖြစ်ဖြစ်
သူရဲကောင်း ဖြစ်ကြည့်ချင်တယ် အမေ . . .
“လုံးဝ မဖြစ်နိုင်ဘူး သား” လို့ တော့
မပြောပါနဲ့ အမေ . . .
မဖြစ်နိုင်မှန်း သိနှင့်နေပေမဲ့ 
မကြားဝံ့ လို့ ပါ အမေ . . .

သက်ပြင်းလေးတွေ ခိုးချ
မျက်ရည်တွေ လဲ ခဏခဏ ကျရပါတယ် . . .
လူမမြင်တဲ့ ချောင်တစ်နေရာ
ကျွန်တော် အမြဲလိုလို နေသားကျခဲ့ပါတယ် အမေ . . .
ရုပ်သေးတစ်ရုပ်လို
ကလိုက ငိုလိုငို ရယ်လိုရယ် နဲ့ 
နေလာရတဲ့ ကျွန်တော်တို့ က
ကံဇာတ်ဆရာရဲ့ ကြိုတင် စီမံခန့် ခွဲ မှုကို
ငြင်းချက် မထုတ်နိုင်ဘူးလေ အမေ . . .
ကျွန်တော် နားလည်ပါတယ် . . .

ခက်တယ် အမေ . . .
ကျွန်တော် ဘယ်လိုနေနေ မပျော်နိုင်ဘူး  . . .
အမေ တို့ လိုလေသေး မရှိအောင် ထားနိုင်ပေမဲ့လဲ
ကျွန်တော် မပျော်နိုင်ဘူး  . . .
အမေ တို့ ရဲ့ ၅၂၈ မေတ္တာအောက်မှာ ကျင်လည်လာရတဲ့ ကျွန်တော်
ချစ်သူ ရဲ့ ၁၅၀၀ မေတ္တာကို လိုချင်မိတာ ဆန်းသလား အမေ . . .
ကျွန်တော့်ကို အပြစ်မတင်ပါနဲ့ အမေ . . .
ကျွန်တော်ကိုက လာခြင်းမကောင်းခဲ့သူ ပါ . . .

ဟိုနေ့ က ကျွန်တော့်သူငယ်ချင်းက
သူ့ ချစ်သူ နဲ့ လက်ချင်းတွဲပြီး 
ကျွန်တော့်ကို လာနှုတ်ဆက်တယ် အမေ . . .
ကျွန်တော်လဲ ကျွန်တော့်ချစ်သူ ကို
လက်ချင်းတွဲ ပြီး လျှောက်လည်ချင်တာပေါ့ အမေရယ် . . .
သတ်မှတ်ပြီးသား စည်းတစ်ခုကို မကျော်နိုင်တာတော့
ကျွန်တော့်ရဲ့ ကံ ပေါ့ အမေရယ် . . .

အရာရာ ကို ပညတ်ချက်ချထားခဲ့တဲ့  ကံတရား ကို
ကျွန်တော် မမုန်းတီးပါဘူး အမေ . . .
မိဘ ကျေးဇူးကို မဆပ်နိုင်
ချစ်သူ ဆိုတာကို မချစ်နိုင်ခဲ့တဲ့ 
ကျွန်တော့်ဘ၀ပေး ကံကိုတော့
ကျွန်တော် မုန်းတီးမိပါတယ် အမေ . . .
ကျွန်တော် နားလည်ပါတယ် အမေ
ကျွန်တော် နားလည်ပြီးသား
ပု စ္ဆာ တစ်ပုဒ်ကို ကျွန်တော် ရှင်းချက် မထုတ်ချင်ဘူး အမေ . . .
ကိုယ်ပြုခဲ့ဖူးတဲ့ အတိတ်ကံ ကိုယ့်ဆီပြန်တယ် လို့ ပဲ
သဘောထားနိုင်ခဲ့တယ် အမေ . . .

အမေ . . .
ကျွန်တော်လေ
အရင်ကလို ငိုမနေတော့ဘူး . . .
သက်ပြင်းတွေလဲ ချမနေတော့ဘူး . . .
ဒါပေမဲ့  . . .
ကျွန်တော်သာ
အမေမွေးကတည်းက
ပိုလီယို ဆိုတာ ဖြစ်မလာခဲ့ဘူး ဆိုရင်  . . . . . . . . . . . . . . . . . . .၊၊     ၊၊

လမင်းဇော်

———————————————————————————————————————————–
ပိုလီယို ဖြစ်နေတဲ့ လူတစ်ယောက်ရဲ့ ရင်ထဲကို ၀င်ဖတ်ရင်း ရေးဖြစ်ခဲ့တဲ့ ကဗျာလေးပါ ၊၊   ၊၊