“ရေလောင်း
ပေါင်းသင်ပါ” ဆိုတဲ့
ဆိုင်းဘုတ်
ကျွန်တော့် ဥယျာဉ်ရှေ့မှာ
ချိတ်ဆွဲထားတယ် ..

ကိုယ်တိုင်ရေလောင်း
ကိုယ်တိုင်ပေါင်းသင်နဲ့
ဟုတ်ကဲ့
မြက်ခင်းပေါ်လည်း
ကျွန်တော်မနင်းပါဘူး …

ပန်းတစ်ပွင့်ဖြစ်ဖို့အတွက်
မျိုးစေ့တွေကို
မြေမြှုပ် ဂူသွင်းပစ်ရတာတော့
ကျွန်တော်  စိတ်မကောင်းပါဘူး ..
လိပ်ပြာဖြစ်ဖို့အတွက်တောင်မှ
ပိုးတုံးလုံး ဘဝတုန်းကစ
အနှိမ်ခံခဲ့ရတာပဲလေ
မျိုးစေ့တို့ .. ကျွန်တော့်ကိုနားလည်မှာပါ

ဥယ်ာဥ္ထဲ
လျှောက်သွားပြီး
ငှက်တို့နဲ့ .. သီချင်းတွေ
သီဆိုညည်းနေတတ်တယ်
သူတို့ဆိုတာ .. ကျွန်တော်မသိသလို
ကျွန်တော်ဆိုတာလဲ
သူတို့သိကြမယ် .. မထင်ပါဘူး
ဒါပေမယ့် .. တူညီတာတစ်ခုကတော့
လွတ်လပ်မှု လေဟုန်ထဲမှာ
စီးမျောနေကြတယ်ဆိုတာပါပဲ ..

နွေ ..
မိုး ..
ဆောင်း ..
ဥတုသုံးခုစလုံး
ကျွန်တော့်ဥယျာဉ်ထဲမှာ
ပျော်ရွှင်ကြတယ် ..
မိုးကတော့
တခါတလေ ..
မဖိတ်ဘဲ .. ရောက်လာတတ်တယ်လေ ..
ဒါပေမယ့်
ပွဲဖျက်မိုး ..မဟုတ်ပါဘူး
စိုရုံလေး .. ဖြန်းတဲ့
မိုးပြေးလေး ပေါ့။

ကျွန်တော်လည်း
ဒီဥယ်ာဥ္ထဲမွာစား
ဒီဥယျာဉ်ထဲမှာသွားနဲ့ ..
နောက်ဆုံး …
အိပ်ပြန်ချိန်တို့တောင်မှ
အိပ်ရာဝင် … ပုံပြင်တစ်ပုဒ် ဖြစ်ခဲ့ရတယ်။

တစ်နေ့ ….
……………..
…………….
…………….
လူကြီးစုံရာနဲ့
သူမ
ကျွန်တော့်ဆီရောက်လာခဲ့တယ် ..

ကျွန်တော့်ဥယျာဉ်က
သူ့ဘက်ခြမ်း .. ကျူးကျော်လို့တဲ့…..
တဖြည်းဖြည်း .. သူ့အငွေ့အသက်တွေ
လျော့ပါးလာကြောင်း ..
သူနေထိုင်ရာကမ္ဘာက .. တစ်စစ
ကျဉ်းမြောင်းလာရကြောင်း …..
ပျော်ရွှင်မှုတွေ
တစ်နေ့တခြား
ရေမျောကမ်းတင် ဖြစ်လာရကြောင်းကို
စာစီစာကုံး တစ်ပုဒ်အနေနဲ့
ချရေးပြပါတော့တယ်။

ကျွန်တော်ကလည်း
ကျွန်တော့် ဥယျာဉ်က
ကျူးကျော်မြေတစ်ခု မဟုတ်ကြောင်း
စီကာပတ်ကုံး မဟုတ်တောင်မှ
ရင်ထဲရှိတာတွေပဲ ထုတ်ပြောနေခဲ့မိတယ် ..

ဒါပေမဲ့ သူမကတော့
ကျွန်တော်ဥယျာဉ်ကို .. ကျူးကျော်မြေအဖြစ်
တရားစွဲဖို့ .. လူကြီးတွေနဲ့သာ
တိုင်ပင်နေပါတော့တယ် ..

နောက်ဆုံး ….

ကျွန်တော်ရယ် …
ကျွန်တော့်ဥယျာဉ်ရယ် ..
လက်တစ်ကမ်းမှာ
အမှောင်အတိ ဖုံးခဲ့တဲ့
နေ့ကဒီနေ့ပါပဲ ..

ဘာလို့
ဒီဥယ်ာဥ္က
သူမအတွက်… ဆိုတာ
မရှင်းပြခဲ့မိလိုက်လေလဲ
ကျွန်တော်မသိဘူး …….။

သက်ထွေး
ဇွန် ၆ ၂ဝဝ၇