ဝေးသွားရတော့မယ့်နေ့ရက်တွေအတွက်

ကြိုတင်ပြင်ဆင်မှုတွေလားလို့ ငါမေးတဲ့အခါ

တိုးတိုးဖွဖွလေး နင့်ရယ်သံကို ကြားရလိမ့်မယ် ..။

ခေါ်ဆိုမှုတွေ ဆိတ်သုန်းသွားတဲ့အခါ

အထီးကျန်ဆန်နေတဲ့ ဖုန်းလေးတစ်လုံးကို

ချော့မြူနှစ်သိမ့် သူမမေ့ပါဘူးလေ … ။

(ဒီစကားနဲ့တင် ငါ့ကိုယ်ငါဖြေသိမ့်နေရ)

ဒီလိုနဲ့ပဲ …..

ညဟာ ခြောက်သွေ့လာခဲ့တယ် …။

သတိရတယ် …. သတိရတယ် … သတိရတယ် ဆိုတဲ့စိတ်က

ရွာခါနီး မည်းတက်လာတဲ့ မိုးသားတွေလို

ကိုယ့်ကိုကိုယ်ပြန် သတ် တယ် … ။

( မျက်ရည်လွယ်တာ သူမကြိုက်ဘူးလေ )

အထီးကျန်နေတဲ့ စိတ်တွေက

သောက်လက်စ စီးကရက်နားမှာ

လူးလွန့်ရင်း

တစ်ဘဝစာဆုံးရှံးပြီးတဲ့နောက်

နောက်တစ်ဘဝစာ ပြန်လည်ဆုံးရှံးနိုင်ပါ့မလား … ။

ဓာတ်ပုံလေးကတော့ ပြောရှာတယ်

“သိပ်နာကျင်နေသလားကွယ်” တဲ့

နင်မရှိတဲ့နောက် နင်သိတယ်

နင်မြင်နေရတဲ့ ငါ့တနေ့သာတွေအတွက်

အစွဲလမ်းကြီးတဲ့ကောင်လို့

ဟားတိုက်နေမှာလား ….. ။

ငါ့အခန်းကျဉ်းလေးမှာ

အပြင်းစား သတိရခြင်းတွေ

အဆိပ်တက်အိမ်မက်တွေနဲ့

လွမ်းဆွတ်တမ်းတရင်း

ထိခိုက် ရှနာ ကွဲအက် ကြေမွမှုတွေနဲ့

ငါ့ကိုယ်ငါပိတ်လှောင်ထားတယ် … ။

မင်းကိုယ်တိုင်ပြင်ဆင်ရေးဆွဲမယ့်

မင်းဘ၀ ပန်းချီကားအသစ်မှာ

ငါ့အသွေးအသားကို ခံဆေးအဖြစ် အသုံးပြုပါ

မင်းအလှအပတွေနဲ့ ဖြည့်စွက်ခြယ်သပါ

ငါ့နာကျင်ခြင်းကို ဘောင်ခတ်ပါ ။

                                                               မင်းခေါ်ဆိုမှုတွေနဲ့ဝေးရာ

                                                                 ငါ့တစ်နေ့သာကို

                                            “မင်းပျော်ရွှင်မှုတွေနဲ့လဲယူလိုက်ပါရစေ” တော့

                                          ………………………………………………

                                                …………………………………
 
                                     …………………….. ………………………

                                                       ” မိုး” ရယ်

                                      နာကျင်မှုတွေနဲ့ အန်ကျလာတဲ့

                                       ဒီစာသားတွေအတွက်တော့

                                 ဒီနေရာမှာတင် ပုဒ်မချလိုက်တယ် …. ။

                                              မာန်ခက်ဝင့် ( ၁၈ . ၅ . ၂၀၁၃ )

* စာလုံးအမဲနဲ့တစ်ပိုဒ်သည် ဆရာသုမင်းညို၏ စာသားအား သုံးစွဲထားပါသည်*