ငါတို့ အိမ်ကလေးမှာ
သစ်ပင်တွေရှိမယ်
ဆောင်းဆိုရင် သစ်ရွက်တွေကြွေမယ်
နွေဆိုရင် ရွက်သစ်တွေထွက်မယ်
မိုးဆိုရင် အရွက်ဖားဖားနဲ့ စိမ်းစိုနေမယ်

ငါတို့ အိမ်မှာ သီးပင်၊စားပင်တွေရှိမယ်
သီးချင်သီးမယ် ၊ မသီးချင်မသီးဘူး

ငါတို့အိမ်မှာ ဘာမှမရှိဘူး
တစ်ခါတစ်ရံ ဆူညံမယ်
တစ်ခါတစ်ရံ ဆိတ်ငြိမ်မယ်
တစ်ခါတစ်ရံ ပျောက်ဆုံးနေမယ်

ငါတို့အိမ်မှာ
မိသားစု သုံးယောက်ရှိမယ်
ဒါမှမဟုတ် လေး၊ငါး၊ ခြောက်ယောက်ရှိချင်ရှိမယ်
ဒါမှမဟုတ် နှစ်ယောက်ပဲ ရှိချင်ရှိမယ်
ဘာပဲဖြစ်ဖြစ် ငါတို့အိမ်ပဲ

ငါတို့အိမ်မှာ အိမ်မက်တွေရှိချင်ရှိမယ်
ဒါမှမဟုတ် ရှိချင်မှရှိမယ်

ဟိုးနှစ်ကာလများကနေ မျှော်မှန်းခဲ့တဲ့အိမ်ဟာ
ခေတ်မီချင်မီမယ်
ခေတ်မီချင်မှ မီမယ်
ဒါပေမယ့်
ငါတို့အိမ်မှာနေတဲ့သူတွေအားလုံးဟာ
ခေတ်တစ်ခုလုံးကို သယ်ဆောင်နေမှာပဲ

ငါတို့ အိမ်လေးမှာ လောကနိယာမကို သင်ကြားမယ်
လောကဓံတရားကို ကြည့်ရှု့မယ်
ငါတို့ဟာ ပျော်တဲ့အခါ ပျော်မယ်
ငိုတဲ့အခါ ငိုမယ်
အိမ်ဝေးငှက်တွေ အိမ်အပြန်နောက်ကျတဲ့အခါ
ငါတို့ အိမ်လေးဟာတိတ်ဆိတ်နေမယ်

လေပြင်းမုန်တိုင်းကျတဲ့အခါ
နေရဲ့ အရောင် လောင်ကျွမ်းနေတဲ့အခါ
မိုးရေ ရွှဲရွဲစိုတဲ့အခါ
အေးခဲ နှင်းတွေကျတဲ့အခါ
အမှောင်တွေ ဖုံးလွှမ်းတဲ့အခါ
ငါတို့ဟာ
ငါတို့အိမ်လေးထဲမှာ
တစ်ယောက်ရဲ့လက်
တစ်ယောက် ဆုပ်ကိုင်ထားကြမယ်
                                          ဈင်မင်းဧ