ရက်စက်ခြင်းကို ပိုသားနားအောင်
နှုတ်ခမ်းပါးမှာ ဆင်တဲ့အပြုံး
အမုန်းအပြည့်နဲ့ စူးရှ
ဝင့်ထည်ခမ်းနားလွန်းပါတယ်……..။

မမေ့နိုင်ခြင်းကမ္ဘာမှာ
နေတာခြင်းတူပေမဲ့
နှလုံးခုန်တဲ့ မူဝါဒ ကွဲပြားသူရယ်ပါ……။

ငါက ချစ်ခြင်းရဲ့ခေါင်းစဉ်အောက်
ချစ်တာအစ လွမ်းတာအဆုံး

အဆုံးသံသရာထိ စစ်မကြေငြာဘဲ

အမုန်းကမ္ဘာဆိုတာ မရှိရအောင်
ရင်မှမေတ္တာ ကြေငြာစာတမ်းနဲ့ 
သ၀ဏ်လွှာကတစ်ဖက်
အလံဖြူကတစ်ဖက်ရယ်ပါ……….။

မင်းက အမုန်းဆိုတဲ့ခေါင်းစဉ်အောက်မှာ

မုန်းတာအစ ရက်စက်တာအဆုံ့း

တိမ်ဖုံးနေတဲ့ နှလုံးသားတဲ့

မျှော်လင့်ချက်တွေကို လောင်ကျွမ်းစေ

နှလုံးသားကို အစိတ်စိတ်မွှန်းဖို့ 
မီးတုတ်ကတစ်ဖက်
အသွားထက်ထက် ဓားတစ်လက်က တစ်ဖက်ပေါ့……။

ရက်စက်ချင်ရင်လဲရက်စက်
အသေသတ်ချင်ရင်လဲအသေသတ်ပါ
ဆင်ခြေမဲ့နှလုံးသားတစ်ခု
ပေးထားပြီးကတည်းက
အနာဂါတ်ကိုလဲ ငါမပိုင်
မနာရက်နိုင်တဲ့ ဒီကောင်က
ရာသက်တိုင် ရိုးမြေကျ
ချစ်လျက်၊လွမ်းလျက်၊တမ်းတလျက်ပါပဲ……..။

မင်းနဲ့ ငါ့ ကြားမှာ
တစ်ယောက်က သားကောင်
တစ်ယောက်က ထောင်ချောက်ဆိုရင်
သားကောင်က ငါ
ထောင်ချောက်ကမင်းပေါ့
သိလျက်နဲ့ထောင်ချောက်လှလှမှာ
စေတနာတွေ ဗရပွနဲ့ 
ကိုယ့်ကို ကို အနှောင်ကျခံခဲ့သူ
ရက်စက်တယ်ဆိုပြီး ရုန်းထွက်ဖို့ လဲမကြိုးစား
အလွမ်းသတ်သတ်နဲ့  အချစ်သမားပေါ့…။

ဒီတစ်ညလည်း
အိပ်လို့ မရသူ နှစ်ယောက်ရှိရင်
တယောက်က ငါ
ကျန်တယောက်က မင်း
ငါက ချစ်ခြင်းရဲ့အိပ်မက်ကနိုးထ
အချစ်ငတ်စွာနဲ့ မျက်ဝန်းတစ်စုံ
လွမ်းဆွေးတမ်းတမှုပုံနေသူ
မင်းက မုန်းခြင်းရဲ့အိပ်မက်ကနိုးထ
ရက်စက်ခြင်းမျက်ဝန်းတစုံနဲ့ 
နာကျည်းမုန်းတီးမှုတွေ ပြည့်နေသူ
အဲ့ဒီမျက်ဝန်းအစမှာကတည်းက
ငါက လှလှပပ ရှုံးနိမ့်ခြင်းနဲ့ ကျေနပ်နေသူပါ………။

ဒီလိုနဲ့ မင်းက
အချစ်ဆိုတဲ့ဆေးမှာ အဆိပ်ခက်သူ
ငါက အဆိပ်တတ်အချစ်ခွက်ကိုမှ
မက်မောစွဲလမ်းစွာသောက်သုံးသူပေါ့
ခါးမှန်းသိရက်နဲ့ မင်းအလိုကျ
အခါတရာမက သောက်ခဲ့သူပါ……။

မေးပါရစေ ချစ်ရသူ
သုဘဒ္ဒါကို အားကျနေရင်
သောနုတ္တရ မလိုပါဘူး
ဘ၀၊နှလုံးသား၊အသွေးသားကို
အချစ်ဆိုတဲ့ ပါဆယ်ထုပ်မှာ
အဆင်သင့်ထုပ်ပြီးသားပါ
သွန်လိုသွန် မှောက်လိုမှောက်ပေါ့
ဦးပုည လိုညွှန်းရရင်တော့
မျက်နှာငွေလ ရွှင်ပြပြနဲ့ 
ခင်မ ၀မ်းမြောက်ပါစေသတည်း…………။

ဝေဟင်