`အိမ်ခေါင်မိုး ၌ ခြစားခြင်း´
မင်းထက်ညိမ်း
*သူတို့ဟာ
မျက်နှာကျက်ပေါ် သဲအိမ်ဆောက်တမ်း ကစားနေကြတယ်
*သူတို့ဟာ
ငါ့ ခေါင်မိုး ကို စားကျက်ထင်နေတယ်
*ဟောဒီမှာ
မျော်လင့်ခြင်းဟာ
တဖွဲဖွဲ ကြွေကျ သေဆုံးနေရပေါ့
ငါဟာ
တစ်စုံတစ်ရာကို
မျက်နှာကျက် အပေါက်အပြဲ က တစ်ဆင့်
စိတ်ကူးကြည့်နေမိတယ်
ဒီလိုပဲ
ဘ၀ဟာ
အဝေးက လှမ်းမျှော်ငေးနေယုံ နဲ့ ပြီးမလား
ငါ့မှာ…
မော့ကြည့်စရာ ဘာမျှ မရှိတော့ဘူး
သူတို့က
ကောင်းကင်တစ်ခုလုံးကို စားသောက်သွားကြပြီ ။ ။
မင်းထက်ညိမ်း