Professional Authors

PoemsCorner Authors

နိဂုံး (Number1Princess)

ဘာရယ်ကြောင့်မှန်းမသိပေမယ့် ကျွန်မရှင့်ဆီကိုပဲ ပြန်ပြန်ပြီး ခြေဦးလှည့်မိနေတယ်။ 

မိုးစက်တွေ မြေပေါ်ကျသလိုမျိုး၊ မြှားကို လေးညှို့က လွှတ်လိုက်သလိုမျိုး ကျွန်မကို လွတ်လပ်ခွင့်လေး ပေးလိုက်ပါလားရှင်ရယ်။ ကမ္ဘာတစ်ဖက်စီက လူနှစ်ယောက်ဖြစ်ပါရက်နဲ့ မမြင်ရတဲ့ကြိုးတွေက လိုတာထက်ပိုပြီး ခိုင်မာလွန်းလှတယ်လို့ ရှင်မထင်ဘူးလား။ လွန်ဆွဲပွဲတစ်ခုလို ဘာလို့များ ရှင်နဲ့ကျွန်မက ကျားကုတ်ကျားခဲ တင်းခံနေရတာပါလဲ။ ကျွန်မတို့အဖြစ်က တစ်ဖက်က လွှတ်ချရင် လဲကျသွားမှာသိရက်နဲ့ ဘယ်သူအရင် လွှတ်ချလိမ့်မလဲ စောင့်ကြည့်နေကြသလိုမျိုး။ ဒါကစားပွဲတစ်ခုလဲ မဟုတ်ဘဲနဲ့ကွယ်။ နာကျင်ရမယ့်စကားတွေ ကျေးဇူးပြုပြီး မပြောပါနဲ့လား။ အဲဒီ သိမ်မွေ့တဲ့စကားလုံးတွေနောက်မှာ ရှင့်ရင်တွေကွဲနေတာ ကျွန်မမြင်နေရတာပဲ။

ကျွန်မကို ခွင့်မလွှတ်လိုက်ပါနဲ့။ သွေးအေးတယ်ဆိုတာ နောက်ပြန်လှည့်ကြည့်လို့ မရတဲ့သူတွေအတွက် တစ်ခုတည်းသော ခံတပ်ဆိုတာ ရှင်သိလား။ ရှင်ဟာ ကဗျာဆန်သူဆိုရင် ကျွန်မကတော့ လက်တွေ့ကျလွန်းသူပဲဖြစ်မယ်။ ဒါမှမဟုတ် အဆိုးမြင်ဝါဒီတစ်ယောက်ပေါ့။ ရှင်ချစ်ခဲ့ဖူးတဲ့ နူးညံ့တဲ့နှလုံးသားအစား လိုတာထက်ပိုပြီး ပိရိလွန်းတဲ့ နှုတ်ခမ်းတစ်စုံ ကျွန်မမှာရှိတယ်။ ရှင့်ကမ်းမှာ ကျောက်ချထားပြီးသားရှိရက် ကမ်းပျောက်နေတဲ့ သင်္ဘောပျက်တစ်စင်းရဲ့ဘ၀ကို ဘာဖြစ်လို့များ ယုံချင်နေသေးတာပါလဲ။  

တစ်ခါတလေ သိပ်ဝမ်းနည်းဖို့ကောင်းတယ်။ ရှင့် ဖိနပ်အတိုင်း ကျွန်မ မသိဘူး။ ရှင့် ရေမွှေးနံ့ ကျွန်မ မသိဘူး။ ရှင် ဘာတွေဝတ်တတ်လဲ ကျွန်မ မသိဘူး။ ရှင် ဘယ်နေရာတွေ သွားတတ်လဲ ကျွန်မ မသိဘူး။ ရှင် ဘယ်သူတွေနဲ့ ပေါင်းလဲ ကျွန်မ မသိဘူး။ ရှင် ၀မ်းနည်းရင် ဘယ်လိုနေလဲ ကျွန်မ မသိဘူး။ ရှင့်မှာ ဘာအဆင်မပြေတာတွေရှိလဲ ကျွန်မ မသိဘူး။ ရှင်… နေကောင်းလား… ကျွန်မ… မသိဘူး။  

စစ်တုရင်ထဲက ဘုရင်ကြီးရေ… တစ်ခါက ဘ၀မှာ အလိုချင်ဆုံးသောအရာဟာ ရှင်ဖြစ်ခဲ့ဖူးတယ်။ ရှိပါစေတော့။ ကျွန်မ နောက်ပြန်လှည့်ကြည့်ဖို့ မကြိုးစားတော့ဘူး။ ခေါင်းမော့ပါဦးဆိုပေမယ့် တကယ်တမ်း ရှင်ခွဲ ခွဲရတော့ ကျွန်မက မျက်ရည်လွယ်တယ်။  

ဒါပေမယ့် နိဂုံးဆိုမှတော့ အဆုံးသတ်ရမယ် မဟုတ်လား … … …     

 

Oct 14 2012 

03:04 AM

In: ကဗျာ Posted By: Date: Oct 14, 2012
Comment #1

:'(
:'(
:'(
Really feel sorry

commentinfo By: ei lay at Oct 14, 2012
Comment #2

ခံစားသွားပါတယ်

commentinfo By: loafer at Oct 15, 2012
Comment #3

တကယ်တမ်း ရှင်ခွဲ ခွဲရတော့ ကျွန်မက မျက်ရည်လွယ်တယ်။
အရမ်းကောင်းတာပဲ…..အားပေးသွားပါတယ်…..။

commentinfo By: kaythari at Oct 15, 2012

Leave Comments

Name*

Email*
Website
Email me whenever there is new comment