ငါ့ကြောင့် .

                   ကမ္ဘာလောကမြေမဟီမှာ ကဗျာတွေစီလို့   တစ်ပုဒ်တေးဖြစ်ခဲ့တာလား

                   မသမာမောဟပွေလီစွာ    မာယာတွေချီလို့  အရှုပ်ပေးညစ်ခဲ့တာလား ။

ငါကြောင့်   လူသားတွေကို ဒေါသအပူများဖွဲ့မီးပြင်း အသွင် လောင်ခဲ့တာလား

                   အဟောဝတ အဖြူများနဲ့ ထီးတစ်စင်း အမြင် ဆောင်ခဲ့တာလား ။

ငါ့ကြောင့်    သမုဒယ ချစ်စရာ        အပြုအမူတွေ ခခဲ့တာလား

                    အကုသလ ညစ်အဖြာ  အတုအပူတွေ ကျခဲ့တာလား ။      

ငါကြောင့်     မင်္ဂလာတရား  သကာပျားလို ချိုစရာ စကားတွေရခဲ့တာလား

                     မကြင်နာအမှား တမာခါးလို   ငိုစရာ အမှားတွေ ချခဲ့တာလား ။

င့ါကြောင့်      ဒါန ပရဟိတ လှူသူတွေ ပွားခဲ့တာလား

                      ပကာသန အရအမိယူသူတွေ များခဲ့တာလား ။

ငါ့ကြောင့်       လောကမှာ လိမ္မာယဉ်ကျေးသူတွေ များခဲ့တာလား

                       မောဟဖြာ ကလိန်စွာ အမြင်တွေးသူတွေ ပွားခဲ့တာလား ။

င့ါကြောင့်       မေတ္တာတရား သစ္စာထား အမှန်ရှုသူတွေများခဲ့တာလား

                       ညစ်စရာအမှား အပြစ်အနားများ အကြံပြုသူတွေထားခဲ့တာလား ။

                       ငါ့ကြောင့်  …..

                       ငါ့ကြောင့် ……………..

                       ငါကြောင့်  ……………………. ဆိုတဲ့

                        လားပေါင်းများစွာ

                        မေးခွန်းထုတ်ကာ

                        ယောင်ခြာခြာနဲ့

                        မသေချာမရေရာ

                        ငါဆိုတာကို ဘာဆိုတာ

                        ငါမသိခြင်းများစွာနဲ့

                        အတွေးနယ်ချဲ့နေရဲ့ ။