Professional Authors

PoemsCorner Authors

အချစ်ကဗျာ

ဒီကဗျာက ကိုယ်ရေးကိုယ်တာ
ဘာသာပြန်ပေါ်မူတည်ပြီး
ရောင်ပြန်ဟပ်နေရတဲ့ တလောကလုံးက
နှမြောရက်နဲ့သုံးမရတဲ့ ရက်လွန်ကြက်ဥ

ပုရွက်ဆိတ်တက်နေတဲ့ မုန့်ကြွေအစအနများလို
အရေးအသားအတိုအစတွေကို ရှင်းလင်းလိုက်
လေပွေသယ်လာတဲ့ ဖုန်လုံးကြီးလို
ဆွေးနွေးငြင်းခုန်မှုတွေကို တံခါးပိတ်ထားလိုက်

ချစ်ခြင်းတရားရဲ့ကကြိုးတွေက
တို့နှစ်ယောက်ဥယျာဉ်ထဲက အော်ဂဲနစ်ဆလတ်ရွက်စိမ်းစိမ်းလေး
မနက်အလင်းတွေဟာ မြက်ခင်းပြင်ထဲက စကားဝှက်
တယောက်မျက်နှာမှာ တယောက်ပွင့်တဲ့ နေကြာပန်းများ
မိုးဦးဖားသူငယ်နှစ်ကောင်လို ဂီတကိုစားမြုံ့ပြန်ရင်း
ငြိမ်းချမ်းမှုဟာအဆုံးမရှိတဲ့သီချင်း

စိတ်အာရုံကင်းဗတ်စမှာ
လာထိတွေ့နေတဲ့ အလင်းအမှောင်များဟာ ချိုမြိန်မဆုံးတော့
ပြောဦး
ပြောဦး……..
ငါဟာ ပန်းသီးစိမ်းပေါ်မှာ
ပြုံးရင်းအိပ်မက်နေတဲ့
လိပ်ပြာနက်တကောင်လား…….

In: ကဗျာ Posted By: Date: Jun 23, 2012
Comment #1

အချစ်ရနံ့တွေတကယ်သင်းနေတာပဲ

commentinfo By: rocker at Jun 24, 2012
Comment #2

ကြိုက်နေကျ ကဗျာပုံစ့မျိုး မဟုတ်ပေမဲ့ ကဗျာက တကယ် ကောင်းပါတယ်…

commentinfo By: nwenyeinaye at Jun 24, 2012

Leave Comments

Name*

Email*
Website
Email me whenever there is new comment