၈၈ ကျောင်းသား အရေးအခင်းအပြီး

ဒုတိယမြောက်နှစ်

နေ့တနေ့ရဲ့ ဒုတိယမြောက် အချိန်

ရေမပါ မီးမပါနဲ့

ဗြဟ္မာကြီးလေးဦးရဲ့ အနွယ်တော် တယောက်ဟာ

ကမ္ဘာမြေကို စတင် နှုတ်ဆက်ခဲ့တယ်

      အဓိပတိဖွားဟေ့လို့

အမေရေရွတ်လိုက်တိုင်း ကြက်သီးထအောင်ကြည်နူး

လောကကြီးကို အကောင်းပဲ ပေးမယ်ဆိုတဲ့ စိတ်နဲ့

အတ္တတွေကို ရောင်းစားခဲ့ဖူးတယ်

      အသက်21ရောက်တော့

ဂုဏ်တော် ကိုးပါးရဲ့ အကျယ်ကိုသိ

သရဏဂုဏ် သုံးပါးကိုသိ

လေးဖြူအကြောင်းပြောလိုက်

ကာလာတီဗွီလေးတလုံးရဖို့ ဘုရားမှာ ဆုတောင်းလိုက်နဲ့

အချစ်အကြောင်း ဆွေးနွေးရင်း

ညနေစာ ဆန်မရှိတာကို တွေးဖူးတယ်

      အသက်ကလေး ရလာတော့

လူရိုသေ ရှင်ရိုသေ အလုပ်ကလေး တခုနဲ့

ဘွဲ့တွေ တသီတတန်းနဲ့

18နှစ် ဦးနှောက်ကလေးနဲ့

ဒီလို ဒီလိုနဲ့ပဲ….

ပထမအရွယ် မကုန်ခင်လေး

မေတ္တာတရားအကြောင်း မပြောဖူးခဲ့တဲ့

ချစ်သူ သုံး လေး ယောက်ကြောင့်

ကဗျာတွေရေး

သီချင်းတွေစပ်

ကွန်ပျူတာကို အရူးအမူးစွဲလမ်း

 နီကိုလပ်ကေ့စ်အကြောင်း အိပ်မက် မက်

Language Poetry အကြောင်း ပြော

စိတ်ညစ်တဲ့အချိန်

လရောင်အောက်က သူငယ်ချင်းဆီ ရင်ဖွင့်

ဝင်လေနဲ့ထွက်လေ

ဘယ်လေက အာရုံကို ပိုထိသလဲ စဉ်းစား

နေမကောင်းရင် psycho thraphy နဲ့ကုရင်း

အမေ့ကို လွမ်းတဲ့စိတ်နဲ့

ရေချိုးခန်းထဲမှာ လက်ကိုင်ပ၀ါလေးတွေ လျှော်ခဲ့ဖူးသေးတယ်

      အခု….ဒုတိယအရွယ်ရဲ့ ဒုတိယနှစ်

မရဏနုဿတိ ကမ္မဌာန်းကို ပွားများ

မေတ္တာဘာဝနာပွားများ

အချစ်နဲ့ဘ၀ကို မဆိုင်အောင်နေ

အမေ့ဆီ လစာ မတောက်တခေါက်လေး ပြန်ပို့

ကိုယ့်ပညာ ကိုယ်မယုံတော့လို့

လူကြားထဲ မတိုးဝံ့

နောက်ထပ်လောကမှာ နေရပါတော့မလား စဉ်းစားရင်း

ဘ၀ဒဏ်ရာတွေ

ဘယ်သူမှ မသိအောင်

ကြိတ်ကုရလိမ့်ဦးမယ်….။