(သစ်ပင်….)
အသွေးအသားနဲ့ထုဆစ်ပြီးနောက်…
ရင်ခွင်မှာ..နုပျိုခြင်းလေးနိုးထလာတယ်….
ကင်ပွန်းတပ်မိလိုက်တယ်…
ကျွန်တော့်သစ်ရွက်လေး….
လူးလူးလွန့်လွန့်လေးနိုးလာတဲ့သူ့ပုံ..
ကြည်ကြည်နူးနူးလေးပြုံးပြလိုက်တယ်…
နိုးထခြင်းကောင်းနဲ့..သစ်ရွက်လေး..
ငါ့ဆီမှာ…မင်း..ပျော်သလောက်နေပါ….
နှုတ်ဆက်ခြင်းကို..ငါကမစဘူး….
ငါမင်းကိုအမြဲပြုံးပြနေတယ်….
စကားလေးတွေနဲ့အဖော်ပြုပေးပါ့မယ်…..
တစ်နေ့မှာ..လေပြေနောက်မင်းလိုက်သွားမှာဆိုတာတော့..
အိမ်မက်မဟုတ်တဲ့….လောကရဲ့ဖြစ်စဉ်အဖြစ်…
ငါ….နားလည်မှုပြုထားတယ်….
ကြိုသိခဲ့တဲ့ခွဲခွာမှုဆိုတာ…ရင်နာမှုကိုဗဟိုပြုပါတယ်…
ငါဆီမှာခိုနားတုန်း….အေးမြမှုပေးပါ့မယ်…
အချစ်မှန်လျင်..မျှော်လင့်ချက်မရှိသော်လည်း…
ရင့်နင့်အောင်ချစ်တယ်….

(သစ်ရွက်…..)
ဖွင့်လိုက်တဲ့အမြင်အာရုံအောက်…
နူးနူးညံ့ညံ့လေးတစ်ယောက်ပြုံးပြနေတယ်…
အပြင်းထန်ဆုံး..ရင်လှုပ်ခတ်မှုပါပဲ…
နွေးထွေးလိုက်တာဗျာ…
ကြင်နာမှုကို..မျက်လုံးကတဆင့်တွေ့နေရတယ်..
တိတ်တိတ်လေးသတ်မှတ်မိတယ်…
သူက…ကျွန်တော့်သခင်…
အကြွေမစောအောင်တော့..ဆုတောင်းမိတယ်….
သူ့ရင်ခွင်ဟာ….ကျွန်တော့်ရဲ့..
ထာဝရနားခိုရာ….အိမ်မက်ထဲတောင်မက်မိတယ်…
ညိုးရော်လာခဲ့ရင်တော့..သူ့ပုံစံအမြဲသစ်လွင်နေဖို့….
အလိုက်တသိ..စွန့်ခွာခြင်းနောက်လိုက်မယ်…
တကယ်တော့…အချစ်ဆိုတာ…
သူ..သိသိ..မသိသိ..ပေးဆပ်ခြင်းမည်တယ်….

(လေပြေ…..)
ရက်စက်တဲ့ဇာတ်ဆရာ….
ဗီလိန်ခန်းမှ..ပါဝင်ရတယ်…
ကျွန်တော်ချစ်တဲ့..သစ်ရွက်လေး…
ညိုးငယ်စွာသစ်ပင်နား…ခစားတာကိုမကြည့်ရက်…
ရှိသမျှအင်အားနဲ့…သူပျော်အောင်..ဆွဲခေါ်ခဲ့တယ်…
လေအဝှေ့မှာ…အတောင်မပါတဲ့..သစ်ရွက်လေး..
ပျော်ရွှင်စွာလေဟုန်စီးပါ….
သစ်ပင်မပေးခဲ့တဲ့..လွတ်လပ်ခြင်း…
ကျွန်တော့်ရင်နဲ့နှင်း…ပေးအပ်တယ်…
ညိုးငယ်မှုနဲ့ဝေးအောင်…လေစီးကြောင်းနောက်လိုက်ခဲ့ပါ..
နင့်ကို..ညင်ညင်သာသာလေးခေါ်သွားပါ့မယ်…
ပိုင်ဆိုင်လိုစိတ်ကင်ကင်းနဲ့….သူညိုးငယ်မှုကကင်းလွတ်ဖို့..
ဗီလိန်ခန်းက….ကပြရလည်း…
ကျွန်တော်..ကျေနပ်တယ်…
အချစ်သည်…
ချစ်သူပျော်တာကိုသာ..အမြဲမြင်ချင်ခဲ့ခြင်းဖြစ်လေသည်…(သက်တန့်ရောင်)