(၁)

ဒီနှစ်ထဲမှာပဲ
သရဲသဘက်ဆောင်းဟာ
မြောက်ပြန်လေလက်မောင်းကို မြောက်တဲ့ပြီး
အမေ့ရဲ.အသက်ဓာတ်ကို
ဖျတ်ကနဲ ရိုက်ခြွေလိုက်မယ် ဆိုတာကို
ဘယ်သူ သိတတ်ခဲ့မှာလဲ။

အ၀င်နောက်ကျခဲ့တဲ့ဆောင်း
အမေ့ကိုလှည့်ပတ်ချောင်းမြောင်းနေခဲ့တယ်
ယိုင်ရွဲ.နေတဲ့ အိမ်ထရံကြားကနေ
လက်သည်းစရှည်ရှည်တွေဆန်.ထုတ်
အမေ့ရဲ.အဆုတ်ကိုဖျစ်ညှစ်
ဆောင်းဘီလူးရဲ. တဖက်သတ်စစ်ပါ။

တကယ်ဆို
ဆောင်းကိုငါချစ်ပါတယ်
တစ်ခုသောနှစ်ရဲ. ဒီဇင်ဘာမှာ
အမေဟာ သူ.အသက်ကိုရင်း
ငါ့ကို လူ.လောကထဲ စာရင်းသွင်းခဲ့တာကိုး။

အို….ဆောင်းစစ်သူကြီး
သင်ဟာ ပုတီးတစ်ဖက် ဓားတစ်ဖက်နဲ.
မည်သို.သောလက်ကို အသုံးပြုမှာလဲ
ငါမဝေခွဲတတ်ခဲ့ခြင်းအား
ငါ့အမှားပဲထားပါလေ
အခုတော့
အားလုံးနောက်ကျသွားပါပြီ
အားလုံးနောက်ကျလို. သွားခဲ့ပါပြီ။

နှစ်သိမ့်သလိုလို
ငါ့ပါးပြင်ကို ပွတ်သပ်နေတဲ့နှင်းတို.
ဒင်းတို.မဟုတ်သလိုပါပဲလား
ဖြစ်များဖြစ်နိုင်မယ်ဆို
ဟောဒီသွေးခဲရက်စွဲတွေကိုဆွဲဆုတ်
နှင်းပြက္ခဒိန် အသစ်လုပ်ပေးကြပါ။

သားတစ်ယောက်ရဲ. ငိုညည်းသံရှည်
ဆောင်းပြန်လေမှာမျှင်သေးမျောလွင့်
ဟောဒီဒဏ်ရာနေ.ရက်တွေမှာ
“ရေနည်းကန်.လန်.ကာ” ဖွင့်လိုက်ပါပြီ။

(၂)
အဲဒီနေ.က
နှင်းလက်ဖ၀ါးတို.ဟာ
အရာရာကို အလျားလိုက် ရိုက်ခတ်နေခဲ့တယ်
ကိုယ်ချင်းစာတတ်မယ်ဆိုရင်
အမေတစ်မြို.ငါတစ်မြို.ရာဇ၀င်ကို
သူမြင်ဖို.ကောင်းပါရဲ.
လွန်ခဲ့ပြီကောဆောင်းရေ………..
လောကဓံရယ်
အမေ့ကိုတိတ်တဆိတ်လုပ်ကြံမှ
ငါ့ကို နာကျင်စေမယ်ဆိုတာကို
ဘယ်နည်းဘယ်ပုံသိခဲ့ပါသလဲ
စစ်သူရဲတွေ ကုဋေချီပြီး
အမေ့ခန္ဓာအိမ်ကိုဝင်စီးခဲ့တယ်။

ငါကတော့
အဝေးတစ်မြို.မှာ
အမှတ်မဲ့စွာ အလုပ်များနေခဲ့တယ်
ကံတရားရဲ.“သွေးစီရင်ချက်”ကို
ငါ့လက်ထဲကို ဖြောင်းကနဲရိုက်သွင်းဖို.
သူငယ်ချင်းတစ်ယောက် ရောက်လာခဲ့ပြီ
အဲဒီနေ.ကပေါ့အမေ။

“မင်းအိမ်က ဖုန်းဆက်တယ်
မင်းအမေ အသညးအသန်ဖြစ်နေတယ်
ချက်ချဉ်းပြန်လာပါ……….တဲ့”
အေးစက်တုန်ဟည်း
ငါ့နားထဲမှာ
ကမ္ဘာကြီး ပြိုသွားတယ်။

လှိုက်ပြာသွေးဆုတ်
သူပြောတာအရေးပေါ်တဲ့
ကျွန်တော်ဘာလုပ်ရမလဲ
စိတ်ထဲမှာ ပူလောင်ပွက်ထန်
အိမ်ကိုအမြန်ပြန်ရမယ်
အိမ် ကို အ မြန် ပြန် ရ မယ်
အိမ် ကို အ မြန် ပြန် ရ မယ်။

ကျောပိုးအိတ်ထဲကို
ဘာတွေထည့်မိသလဲတော့မသိဘူး
အရူးအမူးပြင်ဆင်
အလျှင်အမြန် အိတ်ကိုအဆွဲ
စားပွဲတင်ပန်းအိုးဟာ
ခွမ်းကနဲ ကျကွဲသွားတယ်။

အို……..နိမိတ်လား အတိတ်လား
ငါမစဉ်းစားနိုင်ဘူး
အဦးဆုံး အိမ်ကိုရောက်ဖို.
နတ်ကောင်းတို.ကူကြပါ။

(၃)

အရှည်လျားဆုံးကားခရီး
ပြီးပဲမပြီးနိုင်တော့ဘူး
လက်သီးဆုတ်ထဲမှာပူပန်ခြင်းတွေပူးကပ်
တင်းကြပ်နင့်ဝင်
ဆံပင်တွေကိုတိုးဝှေ.တဲ့ လေကတောင်
အေးမြမှုကို မပေးစွမ်းတတ်ဘူး။

ကားကကြပ် လူကကြပ်နဲ.
ငါ့နှလုံးသား ညပ်နေလို.များ
ဟောဒီ မျက်ရည်တွေက စိမ့်ထွက်လာသလား
လက်ဖ၀ါးမှာ ပုတီးကိုကွယ်ဝှက်စိတ်လို.
ငါ တိတ်တိတ် ငိုမိတယ်။
ငါ့ဘေးကရယ်ကြမောကြသူတို.
ပျို.တက်လာတဲ့ စိုးရိမ်သောကကို
ဖိမြိုမချတတ်သူ လူငယ်တစ်ယောက်အား
သတိမထားမိကြပါနဲ.
သူ.ရဲ.အမေဟာသူ.ကမ္ဘာ
သူ.ရဲ.အမေဟာသူ.စကြာဝဠာ
သူ.အဖို.အရာရာမို.ပါ။
ဒီနေ.ကျမှ နေ၀င်တာစောတယ်
ဝေါကနဲ ပြိုဆင်းလာတဲ့ အနက်ထုထည်
ဘယ်နတ်ဆိုးတွေဖြစ်မလဲ
တောင်ပံအမည်းနဲ.ပျံသန်း
ခိုကိုးရာမဲ့ အမေ့ဝိဥာဉ်ကို
ဇွတ်လိုက်ဖမ်းနေကြတာ။

ငါ့လက်မောင်းဟာ ငါ့အားကိုးရာဖြစ်တယ်
ပုတီးတစ်ကုံးနဲ.
တစ်လုံးချင်းတစ်လုံးချင်း
တည်ငြိမ်မှုကို ပြန်လည်ဖန်ဆင်းကြည့်တယ်
မလွယ်ပါဘူးအမေ
ငလျှင်မြေမှာ တိုင်ထူမိသူပါ။

အေးစိမ့်မှုကို အနှစ်အထိခွာချနေတဲ့လေမှာ
ငါ့ဇာတိကို ခြေချမိခဲ့ပြီ
မာရ်နတ်ရဲ. ပဉ္စလက်ကြောင့်
အနက်ရောင်ထနေတဲ့မြို.လေးရေ
အမေ့ကို ကာကွယ်ပေးထားပါ။

(၄)

တစ်လှမ်းချင်း တစ်လှမ်းချင်း
သောကနဲ.တင်းကြပ်လာတဲံဦးခေါင်း
ခြေထောက်ကမညောင်းသေးဘူး
ခြေဦးက တွန်.ဆုတ်ခဲ့ပြီ
ဒီမြေကိုလာစဉ် ကြားကာလမှာ
အမေ.ရဲ.ဘ၀ဟာ…………..
ရောက်ချင်တယ် မရောက်ရဲဘူး
ထူးထူးဆန်းဆန်းဒွိဟနဲ.
တစ်စတစ်စနီးကပ်
ခြံဝမှာ ခြေစုံရပ်မိပြီ။

တစ်ယောက်ယောက်ကို လှမ်းခေါ်လိုက်ဖို.ကြံတယ်
အသံတွေတုန်နေမယ်ထင်တယ်
အရင်ကလှမ်းခေါ်ရင်
ဘယ်သူဘယ်ဝါခေါ်တာမှန်း
အမေကတန်းသိတယ်
အခုထိမခေါ်ရဲဘူး
အမေမထူးလိုက်မှာကိုစိုးတယ်။

တစ်စက္ကန်. နှစ်စက္ကန်.
တစ်မိနစ် နှစ်မိနစ်
အထစ်ထစ်အငေ့ါငေါ့ ခေါ်မိတယ်
ရှိနေတဲ့ အိမ်နီးချင်းတစ်ယောက်က
ခြံဝကိုတံခါး လာဖွင့်တယ်
ဘယ်မှာလဲကျွန်တော့်အမေ
အမေ အမေ
အမေရော…………
…………………………
…………………………………
……………………………………………….
“ညီလေး
စိတ်အေးအေးထားပါ
မင်းအမေ ဆေးရုံမှာ…”

(၅)

အမေ
ပိုက်တွေနဲ.ပါလားအမေ
ဆေးရည်တွေ တစ်စက်တစ်စက်
အမေ့အသက်ကို လုနေတာ။

အမေ့ဘေးမှာ ငါ့အစ်မ
သောကကြောင့် တောင့်တောင့်ကြီးရပ်နေတယ်
ငါကတော့
ဖျတ်ကနဲဖျတ်ကနဲ အသံမြည်ဆင်းတဲ့
ပုလင်းထဲကဆေးရည်တွေကိုငေးရင်း
ရင်တွင်းမှာ ဘာမှမရှိတော့ဘူး။

ပါးလှပ်လှပ် အမေ့ခန္ဓာကိုယ်ဟာ
အ၀တ်တစ်စကို
အလျားလိုက်ပုံချထားသလိုပဲ
ခပ်လွှဲလွှဲလေးစောင်းနေတဲ့
အမေ့ခေါင်းကနဖူးဆံစမှာ
ဆံပင်ဖြူတွေ ပြေလျ ရှုပ်ပွလို.
ကျွန်တော် ဖြီးပေးခွင့်ကော ရပါဦးမလား။

အမေ့လက်ကလေးကိုဆုတ်ယူမိတယ်
ကြည့်……..ချိနဲ.လို.
အရေတွေတွန်.ကျလို.
အကြောအဆစ်တွေ ဟီးထလို.
ကျွန်တော်တို.ကို ထူမတ်ပေးခဲ့တဲ့
အားကောင်းမောင်းသန်ဟောဒီလက်ပိန်ပိန်တွေ
အမေ ကျွန်တော်ရောက်ပြီလေအမေ။

ဟောဒီ ပိန်ပါးချိနဲ.အမေအိုက
ငါတို.ကိုအုပ်မိုးစောင့်ရောက်ခဲ့သူပါလား
ဘယ်လိုအင်အားမျိုးပါလားလို.
ငါတို. ခန်.မှန်းလို.ကိုမရတဲ့
အနန္တစွမ်းအားတွေ အကြိမ်ကြိမ်ကို
ပိန်လှီတဲ့ နှလုံးသားက ပေးခဲ့ပါ့လား။

စာမတတ်ပေမတတ်လို.
ကျွန်တော်အထပ်ထပ်“စ”ဖူးတဲ့အမေ့ကို
ကျွန်တော်ငေးနေမိတယ်
လေးမြတ်စွာ ဆို.သိမ့်စွာ
ငေးမိတယ်
ဂုဏ်ယူစွာ အားငယ်စွာ
ငေးမိတယ်
အမေရယ်…………..
အသက်ရှူပုံက နှေးနှေးနဲ.မျှင်းမျှင်း
တစ်ချက်တစ်ချက် ပြင်းပြင်းထရှိုက်တယ်
အားမရလိုက်တာအမေ
အိပ်နေတာပဲ ဖြစ်ပါစေတော့
ဖြူဖျော့ဖျော့မီးရောင်အောက်က
ကြောက်မက်ဖွယ် အိပ်မက်ဆိုးကို
ဖျတ်ကနဲ လန်.သာနိုးလိုက်ချင်တယ်။

ကျွန်တော်သိလိုက်ပါပြီအမေ
ဟောဒီလိုအခြေအနေမှာ
အမေသတိပြန်လည်လညဖို.ဆိုတာ
မျော်လင့်စရာ သိပ်မရှီတာ့ပါဘူး
ဒါပေမယ့်အမေ
ကျွန်တော်ထင်နေတယ်
အမေဘာမှမဖြစ်ဘူး
အမေနေကောင်းလာတော့မှာ……
အမေ့ကျေးဇူးကိုမဆပ်ရသေးဘူး
စူးကနဲ ၀င်လာတဲ့အတွေးဓာတ်ကြောင့်
ဆတ်ကနဲကျွန်တော် တုန်သွားတယ်
ဘုရား… ဘုရား…
နှလုံးသားအထိ စိမ့်သွားတဲ့တုန်လှုပ်မှုဟာ
ခန္ဓာကိုယ်တစ်ခုလုံး ကျင်တက်အေးစက်စေတယ်။

လည်မြိုအထိ တက်လာတဲ့ဆို.နင့်ခြင်း
အတင်းဖိသွင်းလို.မရတော့ပါလား
စကားမဲ့နေတဲ့ အစ်မကိုကြည့်တော့
သူလည်းအမေ့ကို မချိတရိငေးလို.
သူရော ဘာတွေတွေးနေမလဲ။
(၆)

သူနာပြုတွေ ၀င်တယ်ထွက်တယ်
လက်မောင်းပိုက်ကနေ နှာခေါင်းပိုက်ကနေ
ဆေးရည်တွေဆေးပြားတွေ ထိုးသွင်းတယ်ဖျော်သွင်းတယ်
သေမင်းရဲ. မိုးနေတဲ့အရိပ်ကို
တိတ်ဆိတ်စွာ တွန်းလှန်ကြတယ်။

အမေကတော့အရာရာကို
ဥပေက္ခာပြုထားသလိုပဲ
ခဲမာအေးစက်နေတဲ့ဆောင်းကိုတောင်
အရင်လိုချောင်းဆိုးမနေတော့ဘူး
ရင်ထဲမှာစူးစူးရှရှနာမိတယ်။

ခါတိုင်းညမျိုးတွေမှာ
အမေ့ဘေးမှာကျွန်တော်အိပ်တယ်
တိတ်တိတ်နဲ.ကြိတ်ဆိုးနေတဲ့ချောင်းသံ
ခံနိုင်ရည်မဲ့ညတိုင်းကြားတယ်
အခုလည်းအမေရယ်
တအားကုန်ချောင်းဆိုးရင်း
နိုးလာလိုက်ပါတော့လား။

ဆောင်းရော အမေရော ညနက်ခဲ့ပါပြီ
အဝေးဆီက ပိုးအော်သံအမျှင်ရှည်ရှည်
တွေဝေမှုနဲ. ထုံအနေတဲ့ ငါ့ခေါင်းမှာ
အချိန်တွေနှောင်းနှောင်းသွားတာသိနေတယ်။

(၇)

ကြန်.ကြာနေတဲ့ အမေ့အသက်ရှူခြင်းဟာ
ပိုမျှင်းလာ ပိုညင်သာလာတယ်
တစ်ခါတစ်ခါ
လိုအပ်တာထက် ညင်သာလွန်းနေတယ်
အမေရယ်
ဇီဝတောင်စွယ်မှာ
နေကွယ်လို. ယွန်းတော့မယ်အမေ။

အစ်မကမျက်ရိပ်ပြတော့
ခပ်ဖွဖွလေး
သွေးခုန်နှုန်းကိုစမ်းကြည့်တယ်
လက်ဖျားတို.ရဲ.အထိအတွေ.မှာ
သွေးတိုးနှုန်းမတွေ.တော့ပါလား။

တုန်ရင်တဲ့လက်နဲ.
ညာဘက်ကို ပြောင်းပြီးသွေးစမ်းမိတယ်
မရှိတော့ပါဘူး
မထူးခြားတော့ပါဘူး။

ကျွန်တော့်ရဲ.လက်ဟာ
အမေ့ရဲ.ဘယ်ဘက်ရင်ခွင်ကိုဖိအုပ်တယ်
တဒုတ်ဒုတ်သွေးတိုးခြင်း
အလျှင်းမရှိတော့ပါလား။

ထူးဆန်းစွာပဲ
ငါ့ရင်ထဲက သောကတွေ
ဆို.နင့်နာကျင်ခြင်းတွေ
တမျှင်းမျှင်းပျောက်သွားတယ်
ဘာမှမဖြစ်တော့သလိုပဲ
စိတ်ထဲမှာလျော့သွားတယ်။

နှလုံးသားရဲ. အလည်ဗဟိုမှာ
ဗလာဖြစ်သွားတယ်
အဲဒီဗလာ
ကျယ်ပြန်.လာလိုက်တာ
နှလုံးသားလည်းဗလာ
ရင်ခွင်လည်းဗလာ
ငါ့တစ်ကိုယ်လုံးဗလာ
အို…….တစ်လောကလုံးဗလာ
ဘာဆို ဘာမှ မရှိတော့ပါ့လား
……………
……………………………….
…………………………………………
နာရီကိုမြှောက်ကြည့်တော့
သန်းခေါင်ယံတိတိ
သြော်…..လကွယ်သန်းခေါင်တိတိ
အမေလည်းမရှိတော့ဘူးလေ။

ပိယေဟိ
ဝိပ္ပယောကော ဒုက္ခော
လူသားတိုင်းမောဘူးကြတယ်
အတိအကျ အသက်ကြိုးကိုဖြတ်
တစ်စက္ကန်.မလွဲ
တကယ်ပဲ သပ်ရပ်လိုက်ပုံများ။

အမိမဲ့သားဟာ
ရေနည်းငါးဆိုရင်
ဟောဒီ ပစ္စင်မှာပဲ
ကျွန်တော်တို. ရေနည်းခဲ့ရပါပြီအမေ
ရေနည်းခဲ့ရပါပြီ။
(၈)
ဆရာမတွေ
ပိုက်တွေပိုက်တွေ ကိုဖြုတ်ကြပြီ
ဖြုတ်ကြပါစေလေ
စီးထွက်စရာ မေတ္တာရည်မရှိမှတော့
စီးဝင်စရာ ဆေးရည်လည်း မလိုတော့ဘူးပေါ့။

အမေ့လက်ကို ဆုတ်ယူကြည့်တော့
လက်ဖ၀ါးလေးထိနွေးနေသေးတယ်
လက်ဖျားလေးတွေတော့ အေးလာပြီအမေ။

စီစဉ်စရာတွေ ခေါင်းထဲမှာဆွဲနေတော့
ရင်ထဲက မပူပန်နိုင်ဘူး
အဦးဆုံးဘာလုပ်မလဲ
ပြီးရင်ဘာလုပ်မလဲ
နည်းနည်းတော့ သက်သာတယ်အမေ။
(၉)

အိမ်အပြန်လမ်းပါအမေ
အမေ့ကိုထမ်းစင်နဲ.ခေါ်ကြတယ်
နောက်ကနေ အစ်မရယ် ကျွန်တော်ရယ်
သယ်စရာတွေကို ခြင်းနဲ.ထည်.လို. ။

ဘာမှမပြောဖြစ်ဘူး
နစ်နေအောင် စူးတဲံအမှောင်ကိုပဲ
အသည်းအမည်းငေးမော
ပြောစရာလည်း မလိုတော့ပါဘူး
အမေ…..
ကျွန်တော်တို. ဘာပြောဖို.လိုပါသေးသလဲ။

အိမ်ကိုရောက်ပြီအမေ
အမေချစ်တဲ့ အိမ်ကိုရောက်ပြီ အမေ
အဖေ….ကဗျာကရာထလာတယ်
ကျန်းမာရေးကြောင့် လိုက်မလာပေမယ့်
သူ……အိပ်ပျော်ခဲ့ဟန်မတူပါဘူး။

အိမ်ရှေ.မှာ အမေ့ကိုပြင်တယ်
ကျွန်တော်က အိမ်ထဲဝင် အိမ်ပြင်ထွက်နဲ.
အနေခက်တယ်အမေ
ကျွန်တော် ဘယ်လိုနေရမလဲ
တကယ်ပဲလိုလို အိပ်မက်လိုလို
ကိုယ့်ကိုကိုယ်ပျောက်ဆုံး
ယူကျုံးမရဖြစ်လိုက်တာအမေ။

ပြင်လို.ဆင်လို.အပြီးမှာ
ပြန်သူပြန် အိပ်သူအိပ်
ကျွန်တော်တို.ပဲ
တိတ်ဆိတ်စွာ ထီးတည်းကျန်ခဲ့
အမေ့ရဲ.ဘေးမှာ အစ်မက
ဖွဖွကျုံ.ကျုံ.လေးထိုင်လို.
ခြေရင်းမှာ အဖေနဲ.ကျွန်တော်က ငိုင်လို……
……………………………………………………..
အမေ့ကိုတွေတွေကြီးငေးနေလိုက်ကြတာ
အကြာကြီးကြာတယ်
ကွယ်ကွယ်ဝှက်ဝှက်သက်ပြင်းတွေ
အတင်းအကြပ်မြိုသိပ်
ကြံဖန်ပြီးဇွတ်တိတ်ဆိတ်နေရတာမျိုး
နောက်ဆုံးမှာ အစ်မက တိုးတိုးညည်းတယ်
“ ဖြစ်မှ ဖြစ်ရလေ အမေရယ် ”……..တဲ့။

တစ်ခွန်းထဲ
လုံလောက်တယ်
ဟုတ်တယ်
ဖြစ်မှ……………… ဖြစ်ရလေ အမေရယ်
ဖြစ်မှ ဖြစ်ရလေခြင်း
တင်းထားသမျှ
ကျွန်တော် ပြေကျသွားတယ်။

အမေ
အမေ့သားအလတ်က အမေ့ကိုသိပ်ချစ်တာ
သူလာရင်ဘယ်လိုပြောရမလဲ
အမေ
သူ.ကို ဘယ်လိုပြောရပါ့မလဲ
အမေ
အဲသလိုကြီး မျက်နှာလွှဲမသွားပါနဲ.။

အမေ
ထပါဦးအမေ
ကျွန်တော်ရောက်နေတယ်အမေ
သားတွေမစုံသေးဘူးအမေ
အမေ
နေမယ်ဆို နေနိုင်ပါသေးတယ်အမေ။

အမေ
ကျွန်တော်ဖျားရင် ဘယ်သူချွေးသုတ်ပေးမှာလဲ
ကျွန်တော့်ကို ညကျ ဘယ်သူစောင်ထခြုံပေးမှာလဲ
မနက်ကျ ကျွန်တော့်အိပ်ယာ ဘယ်သူသိမ်းပေးမှာလဲ
အမေ တကယ်ပဲကျွန်တော့်ကို စိတ်ချလို.လား။

အမေ
ကျွန်တော် တာဝန်မကျေသေးဘူး
အမေ့ကိုဘုရားလိုက်မပို.ရသေးဘူး
အမေ့ကို အားဆေးဝယ်မပေးရသေးဘူး
အမေစိတ်ချမ်းသာအောင် မထားရသေးဘူး။

အမေရယ်
ရက်ရက်စက်စက်
ခွဲခွာရက်ပါပေ့
ခေါက်ခေါက်ရက်ရက်
လုပ်နိုင်ရက်ပါပေ့
စိတ်စိတ်ချချ
ထားမှထားခဲ့ရက်ပါပေ့အမေရယ်။

(၁၀)

အိမ်ထဲကိုဝင်
အမေ့ကုတင်ဘေးမှာရပ်မိ
အမေ့အိပ်ယာလေးကို ကြည့်တယ်
ကြမ်းပြင်ကိုလက်ဖ၀ါးနဲ.အဖိ
အေးစက်တဲ့ အတွေ.အထိမှာ
ကျွန်တော် မျက်ရည်ကျမိတယ်။

အခုတော့
ငြိမ်းချမ်းရပြီပေါ့အမေ
မျက်ခွံလေးတွေ လက်သည်းလေးတွေ
ယောင်စရာ မလိုတော့ပါဘူးအမေ
အိပ်ရေးပျက်ချောင်းမျောကြီးကို
မောအောင်ဆိုးစရာ မလိုတော့ပါဘူးအမေ။

ပန်းဖျားလိုက် အအေးပတ်လိုက်
ခေါင်းကိုက်စရာမလိုတော့ပါဘူးအမေ
တစ်ခါတစ်ခါ သလိပ်ထွေးအချမှာ
သွေးစ ပါစရာမလိုတော့ပါဘူးအမေ။

အမေ
ငြိမ်းချမ်းစွာနေပါတော့
အမေ့ရဲ.
ရောဂါမှည့်မှည့် ဘ၀ကြီးကို
စိတ်ချလက်ချ စွန်.ခွာပါတော့။

သားသမီးအတွက် ပူပန်ရခြင်းတွေနဲ.
အမေ့ဘ၀ ပွန်းပဲ့ ပိန်ပါးခဲ့ရပါပြီ
ထားခဲ့ပါတော့အမေ
ဘ၀ဘ၀တွေမှာ
ပေးဆပ်သူတို.ရဲ.ပါရမီကြောင့်
အမေကြည်ကြည်သာသာ နေရပါစေတော့။

အမေ ဟောဒီဘ၀မှာ အမေကချည်းပေးခဲ့တာပါ
ရောဂါတွေ ပူပန်မှုတွေ အဖိအစီးကို
မီးကျွမ်းအောင် ခံခဲ့ရတာပါ
အမေ…….သွားပါတော့။

ဘယ်သား ဘယ်သမီးအတွက်မှ
သောကတွေနဲ. မပူလောင်ပါစေနဲ.တော့
အိမ်ထောင်ရဲ. ငွေကြေးကိစ္စတွေလည်း
ခေါင်းမခဲပါနဲ.တော့။

ကျန်ရစ်သူတို.ရဲ. အပူမီး
တစ်ချိန်ချိန်တော့ပြီးသွားမှာပါ
အမေဘာမှ နောက်ဆံမငင်ပါနဲ.တော့။
မျက်ရည်တွေယိုစီး
“ အမေ ……….”လို. တိုးတိုးညည်းမိတယ်
ဖိစီးတဲ့ သောကကြောင့်
အသံက ထွက်မလာတော့ပါဘူး။

(၁၁)
အစ်မလား
သူလည်းငိုနေပြီပေါ့
သူ.ရဲ.သောကမီးက
ကျွန်တော်တို.ထက် ပိုကြီးတယ်
အိမ်ရဲ. တာဝန်ကြီးက
သူ.ပခုံးပေါ်မှာ ဖိစီးပြီအမေ။

အစ်မက တဖွဲ.တနွဲ.ငိုတယ်
ကျွန်တော့်လို
အငိုကိုထိန်းချုပ်
တစ်ကိုယ်လုံး တုန်လှုပ်မနေဘူး
အမေ
ကျွန်တော် ရူးသွားချင်လိုက်တာ။

အမေရယ်
ခွဲသူက ခွဲရက်တဲ့အခါ
ကျန်ခဲ့သူက ပိုနာတယ်
နှလုံးသားကို ဆွဲချေတာ
အသည်းတွေနာလှပါပြီအမေ။

(၁၂)
မနက်ကတော့ လင်းခဲ့ပါပြီ
ကျွန်တော်တို.မလင်းတော့ဘူး
အမေကျွန်တော့်ကို ထမင်းခူးမပေးတော့ဘူး
အိမ်ထဲဝင် အပြင်ထွက်နဲ.
အမေ့ရဲ. ဖိနပ်သံ မကြားရတော့ဘူး
မီးဖိုချောင်ကအချက်အပြုတ်
အမေမလုပ်တော့ဘူး
“အမေ……မိုးလင်းပြီ အမေရဲ. ”
အမေ
တံစက်မြိတ်ရဲ. အပြင်ဘက်မှာ
မဏ္ဌပ်တွေဆင်ကြပြီ
ဟိုလူဒီလူတွေ လာကြပြီအမေ
သူတို.က ၀မ်းနည်းရုံပါ
ကျွန်တော့်ရင်ထဲမှာ ကမ္ဘာပျက်တာပါအမေ။

အိမ်ထဲပဲဝင်ဝင် အိမ်ပြင်ပဲထွက်ထွက်
အမေ့ရဲ.ခြေရာလက်ရာတွေ
အမေရယ်
ကျွန်တော်တို. ငိုနေတာတွေ.ရင်
အမေ နှစ်ခါပြန်သေချင်မှာပဲ။

အမေ့စိတ်တိုင်းကျ
ကျွန်တော်နေပြချင်တယ်
အစစ နောက်ကျခဲ့ပါပြီ
ဒီကမ္ဘာ ဒီဘ၀မှာ
အမေ့ကျေးဇူး ဆပ်ခွင့်မရတော့ပါဘူး။

အမေ
ကျွန်တော်ငိုနေပါတယ်အမေ
သိပ်အသည်းမာတယ် ဆိုတဲ့ အငယ်ကောင်လေး
သည်းသည်းနင့်နင့် ငိုကျွေးနေပါတယ်အမေ။

အဝေးက သားတွေသတင်းကြားရင်
အမေ၀မ်းသာမှန်းသိရဲ.သားနဲ.
ဖုန်းမဆက် စာမပါးခဲ့တဲ့အမေ့သား
သူ……ခံစားနေရပါတယ်အမေ။
သူက ဒီရောက်တုန်းသာ ငါ့ကိုချစ်တာဆိုတဲ့အမေ့သား
အခု…..အမေ့အနားမှာပါအမေ
ကျွန်တော် အနားမှာပါအမေ။
အမေ့သား အကြီးကောင်လာပြီအမေ
သူလည်းငိုရပြီ
ယောက်ျားကြီးတစ်ယောက် အံကိုကြိတ်ပြီး
အတင်းမြိုသိပ် ငိုနေတဲ့မြင်ကွင်း
ရင်ထဲမှာ တင်းကြပ်ဆိုးနင့်လိုက်တာ။

(၁၃)

နေ.လည်သုံးနာရီခွဲပြီအမေ
လူတွေလည်းလာကြပြီ
အမေ.ဘ၀ရဲ.နောက်ဆုံးခရီး
လိုက်ပြီး ပို.ကြတော့မယ်။

အမေ
နိဗ္ဗာန်ယဉ်ရောက်လာပြီအမေ
အမေ့ကိုခေါ်ဖို.တဲ့
အစ်ကိုနဲ.ကျွန်တော်
အမေ့မျက်နှာကိုဖေါ်ရင်း
နောက်ဆုံးသောကြည့်ခြင်းနဲ.ကြည့်ကြတယ်။

မကြည့်ရက်စရာပါအမေ
ပါးလေးတွေခွက်လို.
မျက်ခွံတွေနက်ဝင်လို.
နဖူးပြင်ကတွန်. ….လို.
ဆံစတွေ ဖွာလို. ……..

နှလုံးသားမှာ ဆို.တက်လာတယ်
မျက်ရည်ကျလို.မရတော့လောက်အောင်ကို
ငိုပြီးသားမျက်လုံးတွေမှာ
မျက်ရည်တွေဖုံးလာပြန်တယ်
အမေရယ်
တကယ်ပဲခွဲသွားခဲ့ပြီကော။

မြေပြင်မှာဝပ်စင်း
အမေ့ခြေရင်းမှာ ဒူးညွှတ်ရိုကျိုး
ကျွန်တော် ရှိခိုးလိုက်ပါတယ်
အပြစ်ရှိရင်ကျေပါ
အပြစ်ရှိရင်ကျေပါ
အပြစ်ရှိရင်ကျေပါတော့ အမေ။

(၁၄)
သချိုင်္င်းမြေ
အေးချမ်းသွားသူတွေနေထိုင်ရာ
တခြားသော ကမ္ဘာပေါ့အမေ
အဲဒီမှာအမေနေရမယ်။

အမေ
အစ်မတော့ ကမ္ဘာပျက်အောင်ငိုနေပြီ
ကျွန်တော်လား
ထူးမခြားနားပေါ့အမေ
ခြေလှမ်းတို. ညွှတ်ကျ
မနည်းတင်းထားရတယ်။

အမေ့ကိုကျင်းမှာချပြီအမေ
အမေ့ကိုထားခဲ့ရတော့မယ်အမေ
အိမ်ပြန်ရောက်ကတည်းက
နှုတ်ဖျားက ထွက်မရတဲ့အခေါ်
ကျွန်တော်အော်မိတယ်
“ အမေ
အမေ
အမေ ”

ကွဲအက်ပြတ်ရှ
ကိုယ့်နှလုံးသားကိုခြေမွရသလိုပဲ
တွင်းထဲကိုမြေခဲတစ်စ
ကျွန်တော် ငိုရင်းတွန်းချလိုက်ပါတယ်။

အမေ
နေခဲ့ပါတော့အမေ
ပူလောင်ခါးသီး
အမေ့ဘ၀ကြီးကိုပစ်ခွာ
အေးချမ်းစွာနေပါတော့။

(၁၅)
အပြန်လမ်းကျ
အစ်မပခုံးကိုနှစ်သိမ့်ဖျစ်ညှစ်
ကျွန်တော် မငိုဖြစ်တော့ပါဘူး
စိတ်ကူးထဲမှာ လင်းသွားတယ်။

အမေဟာ
မေတ္တာရဲ. တရားဓမ္မကို
အကောင်းဆုံးပြသသွားသူဖြစ်တယ်။

စာအုပ်များရဲ. အပြင်ဘက်မှာ
“ပညာနဲ.လောက” ကိုသင်ကြား
ကျွန်တော့်ရဲ. ဆရာသမားတစ်ဦးပါပဲ။

အခု
သူ.ရဲ. နောက်ဆုံးသောသင်ခန်းစာဟာ
နာကျင်ခြင်းကို မြိုသိပ်
တိတ်ဆိတ်စွာ ရှင်သန်ခြင်းပဲဖြစ်မယ်။

သူသိပ်ချစ်သော သားများနဲ.ဝေးကွာခြင်းကို
အမေ ဘယ်လိုအံတင်းခဲ့ပါသလဲ
ကွဲကွာစွာ အထီးကျန်မှုကို
အမေဘယ်လို အံတုခဲ့ပါသလဲ
ရင်ထဲမှာတရားတစ်ခု
သူ.အလိုလိုဖြစ်ထွန်းလာတယ်။

အမေရေ
မေတ္တာတရားဟာ
ဖွင့်ထားတဲ့ကောင်းကင်ဖြစ်တယ်
ဦးသစ်သောတောင်ပံနဲ.
ပျံသန်းခွင့်ပေးခြင်းဖြစ်တယ်
ဖွင့်လှစ်ထားတဲ့အမေ့ကောင်းကင်မှာ
ကျွန်တော်တို.ပျော်ရွှင်ခဲ့ရခြင်းဟာ
ဟောဒီတရားကြောင့်ပါလား။

လှောင်ချိုင့်နဲ.ကောင်းကင်
ကျွန်တော်ခွဲခြားမြင်ခဲ့ပြီ
နောင်လာမယ့်မျိုးဆက်
ကျွန်တော့်ရဲ.အသက်ဝိဥာဉ်
အရာရာကို အထိန်းအချုပ်မထားချင်တော့ဘူး။

အမေဟာ
သူကိုယ်တိုင်မသိတဲ့ တရားထူး
ငါ့တစ်ဦးတည်းကို ဟောသွားတယ်
ဘယ်အရာနဲ.မှ မတူတဲ့
အမေ့ရဲ.ပေးဆပ်ခြင်းပါပဲ။

(၁၆)
အဲဒီလိုနဲ.ပဲ
မိခင်တိုင်းကိုငါ ဦးညွှတ်ရတော့မယ်
အမေကွယ်ပျောက်သွားတဲ့မနက်ဖြန်မှာ
အမေများစွာ ရှိလာတော့မယ်။

သစ်ပင်ကိုလည်းငါမြင်ပြီ
သစ်တောကိုလည်း ငါမြင်ပြီ
မိခင်တွေ
မိခင်လောင်းများတွေ
ငါတို. ထားလို.မရတဲ့မေတ္တာတရား
သူတို.ဘယ်လိုသင်ကြားတတ်မြောက်ခဲ့ပါသလဲ။

ပန်းကိုချစ်သူဟာ သစ်စေ့ကိုချစ်သလိုမျိုး
ပျိုးပင်ကိုချစ်သူဟာ လယ်သမားကိုချစ်သလိုမျိုး
မိန်းမတွေကို ငါရိုကျိုးလိုက်ပါပြီ
ယောက်ျားတစီဦးရဲ. ထီမထင်မာန
သူတို.ရှေ.မှာ ငါလျော့ချလိုက်ပါတယ်။

(၁၇)
ဒါပေမယ့်
ဒါပေမယ့်ပေါ့လေ
တစ်စုံတစ်ခုသောဆန္ဒက
ငါ့ရင်မှာ တဖွတရ တုန်ခါနေတယ်။

ထက်အောက်လည် သံသရာအကွေ.တိုင်းမှာ
အမေနဲ. ပြန်တွေ.ချင်တယ်။

တွေ.တဲ့ အခါတိုင်းမှာလည်း
မလွဲမသွေ
အမေ့ရဲ.အနားမှာ
အမေနဲ.သားအဖြစ်
အမေ့ရဲ.သား ဖြစ်နေချင်တယ်
အမေ့ရဲ.သား ဖြစ်နေချင်တယ်
ငါ့အမေ့ရဲ.သား အဖြစ်
အားရပါးရ နေပစ်ချင်ပါသေးတယ်အမေ။ ။
(၄.၁၂.၂၀၀၂ တွင်ကွယ်လွန်သွားသော အမေသို.)
မော်နီ
၎.၁.၂၀၀၃

In: ကဗျာ Posted By: မော်နီ Date: May 24, 2010  All Time