ကဗျာဟာ/ ကမ္ဘာဟာ အပယ်လေးဘုံမှာ မရှင်သန်ဘူး/ ပျော်မြူးတယ်
ကဗျာဟာ/ ကမ္ဘာဟာ ရပ်ပြစ်ရှစ်ပါးမှာ မနေထိုင်ဘူး/ ကျက်စားတယ်
ကဗျာဟာ/ ကမ္ဘာဟာ ကပ်သုံးပါးစလုံး ကင်းလွတ်တယ်/ ကျရောက်တယ်
ဟောဟိုကတောအုပ်တောင်တန်းလေးကို
စိမ်းလန်းစေတာ/ ပြုန်းတီးစေတာ ကဗျာ/ ကမ္ဘာ
စမ်းချောင်းလေးထဲ ပန်းတွေ မျှောချနေတာ/ အဆိပ်ခတ်နေတာ ကဗျာ/ ကမ္ဘာ
မီးခိုးတလူလူတောင်ယာတဲလေးထဲကဖိုးစော်ကဲရဲ့သီချင်းသံမှာ/ ကို
သာယာညွတ်နူးနေတာ/ သေနတ်နဲ့ပစ်လိုက်တာ ကဗျာ/ ကမ္ဘာ
ကဗျာနိုင်ငံတော်မှာ/ကမ္ဘာနိုင်ငံတော်မှာ သတ္တ၀ါတွေ ဘေးကင်းရန်ကွာ/ သွေးကွဲရန်ရှာ
ကဗျာမှာ/ ကမ္ဘာမှာ မိုးခေါင်ရေကြီး မရှိဘူး/ ရှိတယ် လာဘ်ပေးလာဘ်ယူ မရှိဘူး/ ရှိတယ်
ကဗျာမှာ/ ကမ္ဘာမှာ သစ်တောပြုန်းတီးခြင်း မရှိဘူး/ ရှိတယ် အာဏာရူးခြင်း မရှိဘူး/ ရှိတယ်
ကဗျာမှာ/ ကမ္ဘာမှာ အပူအအေးမမျှတာ မရှိဘူး/ ရှိတယ် စစ်သွေးကြွတာ မရှိဘူး/ ရှိတယ်
ကဗျာမှာ/ ကမ္ဘာမှာ ဆင်းရဲချမ်းသာ မရှိဘူး/ ရှိတယ် အရူးဘုံမြှောက် မရှိဘူး/ ရှိတယ်
အခု လူတွေ ရွတ်ဖတ်သရဇ္ဈာယ်ရမှာ/ တောထုတ်ရမှာ
အန္တရာယ်ကင်းကဗျာ/ ဓမ္မန္တရာယ်ကမ္ဘာ?
ဓမ္မန္တရာယ်ကဗျာ/ အန္တရာယ်ကင်းကမ္ဘာ?

အဲဒီတော့ . . . . .
(ကဗျာ = ကမ္ဘာ)?
ကဗျာ > ကမ္ဘာ = ?
ကဗျာ < ကမ္ဘာ = ?
ကဗျာကြီးကို ကမ္ဘာတစ်ပုဒ်နဲ့ ၀ယ်မယ်ဆိုပါစို့
ဟာ!!!
စိတ်မကောင်းပါဘူးခင်ဗျာ
ဒီကဗျာကို ခင်ဗျားဖတ်နေချိန်မှာပဲ
ဒီကမ္ဘာမှာ မီးပျက်သွားခဲ့ပြီ

                                                      ကိုသျှား