Home
Post Masterpiece
Register
Login
အချစ်ကရှေးဟောင်းပစ္စည်းမဟုတ်
အနားမှာ မန္တလေး FM ဖွင့်ထားတယ်
လက်ထဲမှာ ဘောပင် ကိုင်ထားတယ်
ပါးကိုလာကိုက်တဲ့ခြင်ကို လက်ဝါးနဲ့ယမ်းခါ
ငါ………အခု နင့်ကို သတိရနေပေါ့။
မော့ကြည့်လိုက်ရင် အိမ်ခေါင်မိုးကိုပဲ မြင်ရတယ်၊
မျက်စိမှိတ်မှ နင်ဟာ အာရုံထဲမှာပေါ်လာ
အလွမ်းဟာ နင့်ပုံရိပ်တွေကို ဖမ်းယူတဲ့ အင်တင်နာ၊
အမြဲတမ်းတော့ မဟုတ်၊
တစ်ခါတစ်ခါမှာတော့
အချစ်က ဓာတ်လိုက်တတ်တယ်. . .
ယုံစမ်းပါ…
ကျွန်တော်ဟာ ဆံပင်တွေထောင်သွားရတဲ့အထိ
ခဏခဏ ရှော့ခ်ရိုက်ခံရဖူးတယ်….။
တကယ်ကို သဘောကျမိတော့တယ်၊
ဘာဆိုဘာမှန်း မပြောပြတတ်အောင်
နှလုံးသားက ဆွံ့အနေတာမျိုး၊
နင်ဟာ အမြဲစိမ်းသစ်တောလား၊
နင်ဟာ ဖြူလွလွတိမ်တိုက်လား၊
တမြတ်တနိုး သတိရမိတော့တယ် . . .
ငါဟာ နှလုံးသားမရှိ ၊ အကြင်နာတရား မရှိတဲ့
လူရမ်းကားကြီး မဟုတ်ပါဘူး၊
ပါးကို လာကိုက်တဲ့ခြင်ကိုတော့
စိတ်မရှည်တာနဲ့ ရိုက်သတ်လိုက်မိတယ်. . . . . ။ ။
နရီမင်းထက်(ဆေးတက္ကသိုလ်)
Comment #1
ha ha- 😛
(ခုလိ်ုစိတ်ရှည်တာသိရတော့ဝမ်းသာပါတယ်)
အားပေးသွားပါတယ်……