ဒီလိုသံယောဇဉ်နဲ့တင်

ငါတို့အိပ်မက်တွေလည်း အေးစက်ကုန်ပြီ

ပြန်မလာတော့တဲ့ အမှတ်တရများ

ပြန်မကြားနိုင်တော့သော စကားသံလေး

တရံတခါတော့ . . . ငါ

တစ်ယောက်တည်း အေးအေးလေး လွမ်းနေမိ

ဆွေးနေတာတော့မဟုတ်ပါဘူး

သတိရနေတာပါ

ချစ်နေတယ်လို့ မပြောပါဘူး

တစ်စုံတစ်ခုသော အတိုင်းအတာထိ ရင်းနှီးခဲ့သူ . . .

ထားခဲ့လိုက်ပါတော့

ငါတစ်ယောက်တည်း မကျန်ခဲ့ပါဘူး

နင်ရယ်၊ နင်လွယ်ထားတဲ့ အိတ်အဖြူလေး

နင်ပေးထားတဲ့ ဒိုင်ယာရီနဲ့ နင့်လက်ရေး

အစကတည်းက ဘာမှမဟုတ်ခဲ့တာ

အခုလည်း ဒီအတိုင်းအရိုင်းဆန်ဆန်လွမ်းချင်သူ

ထားခဲ့လိုက်ပါတော့

နင်ရယ်၊ နင့်မျက်ဝန်းတစ်စုံ၊ ပုံပြင်ဆန်သော ရင်ခုန်မှု

ဘာဆိုဘာမှ မရှိခဲ့လည်း

ငါ. . .တစ်ယောက်တည်း မကျန်ခဲ့ပါဘူး . . .။

                                              နရီမင်းထက်(ဆေးတက္ကသိုလ်)