ခပ်စိပ်စိပ် ရွာကျလာတဲ့ မေးခွန်းတွေ

ရောက်တတ်ရာရာ စိုရွှဲရင်း

ကိုယ့်ကိုကိုယ် ခြောက်လှန့်နေလို့

ဘာမှဆုပ်ကိုင်ဖို့မကြိုးစားမိဘူး

လက်ထဲမှာက သံသယတစ်ချို့

အဖြေမတွေ့မဲ့ အတူတူ (ဆင်ခြေရှာမတွေ့တာလဲပါတယ်)

ခပ်ထွေထွေပဲ စိတ်ကိုလွှတ်ပေးလိုက်တယ်

ရယ်သံစွက်စွက် အသံတိတ်ငိုမိရင်း ။

နားလည်ဖို့မကြိုးစားလည်း

မျက်စပြစ်ပြနေတဲ့ ဖြေရှင်းချက်အတုတွေ

ဒီအတိုင်း ဖြေလျော့ထားတဲ့စိတ်တွေနဲ့

ကဗျာတစ်ပုဒ်ထိုင်ရေးဖို့ ကြိုးစားကြည့်လိုက်တယ် ။

အစိုင်အခဲလိုလိုခံစားချက်တွေက

စာသားတွေအဖြစ် လက်ချောင်းတွေထဲ ပူးဝင်တုန်ရီလို့

ပေါက်ထွက်လွင့်စင်လာတဲ့ တစ်ပိုင်းတစ်စ ကဗျာစာသား

စာရွက်ဖြူဖြူပေါ် ခုန်ပေါက်ပြေးလွှားနေပြီ ။

ဒီလိုနဲ့ ရေးဖြစ်သွားတဲ့ ကဗျာတစ်ပုဒ်ပြီးတစ်ပုဒ်

ရည်ရွယ်သူမသိ ပိုင်ရှင်မရှိ ဖြစ်သွားခဲ့တာ ခဏခဏပဲ ။    ။