ကြွေကျမှာကြောက်တာနဲ့ ပဲ
ကောင်းကင်ကိုမှောက်ထားလိုက်တယ်။
သတိ……………….
ကျေးဇူးပြုပြီးချောင်းမကြည့်ကြပါနဲ့ ။

ဆာလောင်မွတ်သိပ်နေတဲ့
ဝိဥာဉ်တစ်ကောင်ရဲ့စိတ်နဲ့ 
အတိတ်ကိုတံစို့ထိုးပြီးကင်လိုက်တဲ့အခါ
တမ်းတခြင်းနတ်ဆိုးတစ်ကောင်ရဲ့…ရနံ
ကြောက်မက်ဖွယ်ကောင်းအောင်
ဆူညံအက်ကွဲလာတယ်။

သက်ပြင်းတွေချန်ထားပါ…………..။
မနက်ဖြန်ဆိုတဲ့
နှစ်ပတ်လည်ပြဇာတ်အတွက်
သူရဲကောင်းနေရာကနေ
ပါဝင်ပတ်သတ်လိမ့်မယ်။
ကြိုတင်စီစဉ်မထားတဲ့
မျှော်လင့်ချက်အရေခွံလဲတဲ့….ည
အိပ်မက်ကို
အိပ်မက်က၀င်ပူးတယ်။

တံခါးတစ်ချပ်ရှိတယ်။
ဓါးနှစ်လက်ရှိတယ်။
အခွင့်အရေးတစ်ခုနဲ့တင်မလုံလောက်တဲ့
လူပီသကြောင်း…….ပြမယ်။
လွှတ်ချလိုက်……..
ကောက်ကိုင်လိုက်……..
ဘယ်တော့မှပြန်မလာနိုင်တော့မယ့်
အမြဲစိမ်းညနေတစ်ခု
တစ်ထောင့်တစ်ညမြစ်ထဲနစ်ဝင်သွားတယ်။

စိတ်ကူးကို………
ပိုင်နက်ကျူးလွန်မှု့နဲ့ဖမ်းတယ်။
တ၀ုန်းဝုန်းထပျံသွားတဲ့
တောင်ပံမဲ့ငှက်တွေ
ဘယ်အရပ်မှာအိပ်တန်းတက်မလဲ….
တွေးနေတုန်းပဲ……….
ဒိုင်ယာရီတစ်ရွက်က
ကြားဖြတ်ပြောတယ်…….
ရင်ဘတ်တစ်ခုထဲနဲ့
နှစ်ခါမကသေဖို့လုံလောက်တယ်တဲ့။

ဧကရာဇ်ပန်းတစ်ခက်
ကဗျာတစ်လက်နဲ့
ရင်ဘတ်တစ်ဝက်ပါတဲ့သူကို
တွေ့ရင်အကြောင်းကြားကြပါ………

အဲ့ဒီလူရဲ့လွယ်အိပ်ထဲမှာ
ပဟေဠိလိုဝှက်ထားတဲ့
အက္ခရာတွေမူးပြီး
ရှုးနေတဲ့ကဗျာတစ်ပုဒ်အိပ်နေတယ်။

                                               terry(4.8.2011)1:00am
                                                                               [email protected]