နင့်ဘက်က စိမ်းလမ်းနေတဲ့အခါ
ငါ့ဘက်က ခြောက်သွေ့လွမ်းဆွတ်နေတော့
နင့်ရော ငါ့ရော အဟောင်းကြီးအတိုင်းပဲ မဟုတ်လား

ခွင့်လွတ်ပါတယ်ဆိုတဲ့ စကားတစ်ခွန်း
ခေါင်းတစ်ချက်ညိတ်ရုံနှင့်
ရင်တွင်းက မကျေအေးနိုင်တာ ငါ သိတယ်

မှန်တစ်ချက်လို အရိပ်အကဲနားလည်တတ်ဖို့
ခေါင်းအကြိမ်ပေါင်း ညိတ်ခဲ့ဖူးတယ်
ကြည့်ပြီး ပြောတတ်ဖို့လည်း
လိုက်ကာဆွဲ ပြတင်းပေါက်ဖွင့်
နေရောင်ကို ခံစားတတ်ခဲ့တယ်

အဝေးပြေးလွင့်သွားတဲ့ လှိုင်းချက်တွေ
ကမ်းစပ်ကို လာခဲ့ရတယ် မဟုတ်လား
စကားပြောနည်းတဲ့ ကျောက်ဆောင်တွေက
အ တ တ ငူ တူ တူ တော့ မဟုတ်လောက်ရဲ့

အ၀တ်လှတွေ ဆင်မြန်းလာတဲ့ နင်က
နွေးထွေးမှုတဲ့ …
ငါဘက်ကတော့ အမိန့်နာခံတတ်မှု..
အိမ်မဟုတ်တဲ့ နင့်စကားလုံးတွေက
ဖော်ရွေးမှုတဲ့…
ငါဘက်ကတော့ ဖိအားပေးမှုတွေ…
လောကကြီးကို မြင်တတ်အောင် ကြည့်တတ်ဖို့ နင်က
လေ့ကျင့်ပျိုးထောင်မှုတဲ့…
ငါဘက်ကတော့ ရက်စက်နာကျင်မှုတွေပါ…

ကျေးဇူးဆိုတဲ့ ထွန်းယက်စိုက်ပျိုးမှုဟာ
ပျိုးပင်လေးတွေ ရှင်သန်နေသလိုပဲ
မဟုတ်ဘူး….
လည်မျိုကို နင်းရင်
ခြေမနှင့် ကလော့ရင်
ထမင်းစေ့တွေ အတောင့်လိုက် ထွက်လာမယ်တဲ့
မယုံနိုင်ဘူးနော်…

အမှန်တစ်ဝက်က
အမှန်တစ်ခု မဖြစ်နိုင်သလို
ထိမ်းချန်ထားတဲ့ နင့် ယုံကြည်မှုက
အားကိုးလောက်ရဲ့လား
အသုံးချခံတွေ မဖြစ်ချင်ဘူး
နင်ရယ် ငါရယ်…

နှောင်းနေတဲ့ နွေက
ဆောင်းကို မခေါ်တတ်သလို
ရှေ့ပြေးနေတဲ့ မိုးကမှ
ဆောင်းကို ထူးတတ်တာပါ
ရော်ရွက်ဝါတွေက ငိုနေသံတွေမဟုတ်ဘူး
ဒဏ်ရာဟောင်းတွေကို ကုစားနေတာပါ

အမှားမလုပ်တတ်တဲ့သူက
ထာဝရအိပ်စက်သွားတဲ့ သူတွေပါ
အမှန်တွေကို မြတ်နိုးရင်းနှင့်
ငါလေ အမှားတွေကို
တိတိကျကျ ပယ်ဖျက်တတ်ဖို့
မှင်ဖျက်ဆေးတွေ ဆောင်နေကြပါ

နင်က တစ်သက်လုံးကြီး မမှန်နိုင်သလို
ငါလည်း တစ်သက်လုံးကြီး မမှားနိုင်ပါဘူး…။     ။

နရီထက်
( ၂၇ ၊ ဂျူလိုင်လ ၊ ၂၀၁၁ )