စင်ဒရဲလားမင်းသမီးလေး   မဟုတ်တဲ့  ကျွန်မ~~~~

               ကျွန်မသည်  ပိုးသားစစ်စစ်ဂါဝန်ရှည်လေးဝတ်ထားသည်။  အခွေလိုက်စည်းထားသည့်  ဆံစ

ထက်တွင်လည်း   သရဖူသေးသေးလှလှလေးတစ်ခု။   ဖန်ဖိနပ်ဖြူဖြူလေးနဲ့   အလွန့်ကိုလှပနေသည့်

ကျွန်မ။  ကျွန်မ…တစ်ယောက်သောသူ၏   ရင်ငွေ့နွေးနွေးထဲမှာ. .တေးသံစဉ်ကိုလိုက်ပြီး  စည်းချက်ညီ

အောင် က နေတာလေ။  ကျွန်မလက်ကိုလည်း  ဖွဖွလေးနဲ့ညင်သာစွာ  ကိုင်ထားသူက   တကယ့်ကို

ချောမောပြေပြစ်တဲ့  မင်းသားလေးတစ်ပါး။   ဒေါက်…..ဒေါက်….ဒေါက်။   နာရီစည်းချက်သံ။

                   ဟာ…၁၂ နာရီထိုးတော့မည်မှာ   စက္ကန့်ပိုင်းသာ….။   ကျွန်မ ၁၂ နာရီမထိုးခင်   အိမ်

ပြန်ရမည်လေ။   ဒို့မို့ဆို   ကျွန်မရဲ့မူရင်းသရုပ်မှန်ပေါ်ကုန်မှာ။   ကျွန်မဟာ  သည်လောက်တော်ဝင်သည့်

မိန်းကလေးမှမဟုတ်တာ။  ဟုတ်တယ်…ကျွန်မပြန်ရမယ်   ကျွန်မပြန်ရမယ်

                   ကျွန်မ  ရင်ငွေ့နွေးနွေးမှ   ဝေးရာကိုရုန်းထွက်လိုက်ပါ၏။   ကျွန်မ   အလောသုံးဆယ်ပြေး

ခဲ့မိတာ……ဖိနပ်လေးတစ်ဖက်ကျကျန်ခဲ့တာတောင်    သတိမထားခဲ့မိဘူးထင်ပါရဲ့…..။

                    မောပြီး  လန့်လိုက်တာရှင်။  ကျွန်မ  မင်းသားလေးကိုရင်ခုန်မိပြီး   အတော့်ကိုရုန်းထွက်ခဲ့

ရတာ။  ဘဝချင်းက   ညီမျှမှုမှမရှိတာ။   ကျွန်မ ဒီလောက်  က ခွင့်ရှိခဲ့တာတောင်   အတော်ကံကောင်းလှ

ပြီလေ။  မောတယ်ဆိုတာထက်  နွမ်းလျနေတယ်ဆိုပိုမှန်မှာပေါ့…..။   ကျွန်မချစ်ရသူရဲ့ရင်ခွင်ထဲက ရုန်း

ထွက်ခဲ့ရတာလေ…..။

                   “ ဇော် ရေ ဇော်”   

                   ဘေးနားက အသံကြောင့်  ကျွန်မ မျက်လုံးဖွင့်ကြည့်မိ၏။   အော်…ကျွန်မ အိပ်မက်မက်

နေခဲ့တာကိုး။   သိပ်စိတ်ကူးယဉ်တတ်တဲ့   ကျွန်မ ဒီတစ်ခါလည်း   စိတ်ကူးယဉ်   အိပ်မက်မက်နေတာပါ့

လား။   ဝတ္ထုစာအုပ်တစ်ခုက   စာကြောင်းလေးကို ပြန်မြင်လာမိ၏။

          “ တကယ့် မင်းသားလေးတွေက  နန်းတော်ထဲက တော်ဝင်မင်းသမီးလေးတွေကို  ကျော်ပြီး

အညတရကောင်မလေးတွေကို   လက်တွဲခဲ့တယ်ဆိုတာ   ပုံပြင်တွေ   ဇာတ်လမ်းတွေထဲမှာပဲရှိတာ”

သိပ်မှန်တဲ့စကား ….။

                   ကျွန်မ ကလည်း မိန်းမသား။ အနုအရွ   အလှအပကိုမက်မောတဲ့   မိန်းမသားတစ်ဦးပါ။

ကျွန်မငယ်ငယ်က  အိပ်ယာဝင်ပုံပြင်တွေဖြစ်တဲ့  စနှိုးဝိုက်  စင်ဒရဲလားပုံပြင်လေးတွေ။  အဲဒီတုန်းအခါက

ကျွန်မကိုယ်တိုင်   စနှိုးဝိုက်မင်းသမီးလေးဖြစ်လိုက်…  စင်ဒရဲလားလေးဖြစ်လိုက်နဲ့   အတော်ကျေနပ်ခဲ့ဖူး

တာ မှတ်မိပါသေးသည်။

                   ပုံပြင်ပြောပြပြီးတိုင်း   မေမေသတိပေးလေ့ရှိတာက။

                   “ စင်ဒရဲလားလေးက   သူ့ဘဝသူ သူ့ဇာတ်လမ်းနဲ့သူတဲ့…  စနှိုးဝိုက်လေးကလည်း

သည်အတိုင်းပဲ…သည်တော့ မေမေ့သမီးမြတ်လေးဇော်ဆိုတာလည်း   သူ့ဘဝ နဲ့သူတဲ့”

                   စိတ်ကူးယဉ်တတ်လွန်းတဲ့  ကျွန်မကို အမြဲသတိပေးခဲ့တာ   မှတ်မိနေပါ၏။

                   ကျွန်မကလည်း ကျွန်မပါ။   စာကျက်စရာကျက်…   အိမ်အလုပ်ဝိုင်းကူလုပ်ပေးပြီးရင်

တစ်ခါ တစ်ခါ အတွေးနယ်ထဲမှာပဲ   ရောက်ရောက်သွားတတ်တာ။   ကျွန်မကိုယ်ကျွန်မ မင်းသမီးလေးဟု

ထင်မှတ်ခဲ့ဖူး၏။

                   ကျွန်မ၏ ဖေဖေကရှေ့နေ  မေမေက ကျောင်းဆရာမ …ဝန်ထမ်းမိသားစုမှာ

အကြီးဆုံးဖြစ်တဲ့  ကျွန်မကို အားလုံးကအရေးထားကြ၏။  အထူးသဖြင့်ပညာရေးမှာ    ပိုအရေးပေးပါ၏။

ဆင်းရဲသည်မဆိုသာပေမဲ့   ချွေတာစီစစ်သုံးရတဲ့ကျွန်မတို့   အိမ်အနေအထားကို   အကြီးဆုံးမို့ ကျွန်မက

သိရပါ၏။

                   ကျွန်မတက္ကသိုလ်ဝင်တန်းတက်ရောက်သည့်နှစ်က    ကျွန်မ    မင်းသမီးလေးဖြစ်ခဲ့ဖူး၏။

ကျွန်မရဲ့ စိတ်ကူးယဉ်အိပ်မက်ထဲက   မင်းသားလေးနဲ့ တွေ့ဆုံခဲ့ရပါ၏။    နာမည်က

          “ မင်းဝေယံသော်”    တဲ့ ….ဘယ်လောက်လှတဲ့   နာမည်လဲနော်။ တကယ့် အညွှန့်အဖူးနာမည်

လေး။

                   နာမည်မှမဟုတ်…လူကလည်း   တကယ့်ဖြူဖတ်နုနယ်နေတဲ့    ကော်ရုပ်မင်းသားလေး

အလား။   မျက်ခုံးမွေးနက်နက်တွေ…   နှာတံစင်းစင်းနဲ့ ပန်းနုရောင်ပြေးနေတဲ့    နှုတ်ခမ်းသားလေးတွေက

တစ်ခါတစ်ခါ   ယောက်ျားလေးမှဟုတ်ပါလေစဟု…..   ထင်မှတ်ရပါ၏။

                   ရှမ်းသွေးနှောတဲ့   သူဟာ အသားဖြူဖွေးနေတာမဆန်းပါ။    ကျွန်မတစ်ယောက်ထဲကမှ

သူ့ကိုချီးမွမ်းခဲ့ခြင်းမဟုတ်…..  ကျွန်မတို့ကျောင်းကို  သူပြောင်းလာတော့  ကျွန်မတို့မိန်းကလေးတစ်

သိုက်   တီးတိုးတီးတိုးဖြစ်ကုန်ကြတာမှတ်မိပါ၏။   ဒါဟာ ရိုးသားစွာစိတ်ဝင်စားခြင်းပါ။

                   ဒါပေမဲ့ ကျွန်မလိုပဲ   တစ်ချို့သော  မိန်းကလေးများကတော့   ရိုးသားစွာစိတ်ဝင်စားခြင်း

မဖြစ်နိုင်ပါ။ အရပ် ရှည်ရှည်နဲ့   သူ့နားက ဖြတ်သွားရရင်   သူ့အရိပ်ကိုခိုချင်သလို….  သူ့ရဲ့လွှမ်းမိုးမှု

တစ်စုံတစ်ခုကိုခံလိုက်ရသလို….  အမိန့်ကိုစောင့်နေတဲ့   ရဲဘော်တစ်ဦးရဲ့ စိတ်   ဖြစ်သွားတတ်တာ

ကျွန်မသိပါ၏။

                   သူ့ဘေးနားမှာ   ကျွန်မထက်စာတော်တဲ့   ကျွန်မထက်လှတဲ့   ကျွန်မထက်ချမ်းသာတဲ့

မိန်းကလေးတွေ ဒုနဲဒေး။ ဝိုင်း တွေ ကျူရှင်တွေ   အများအပြားမယူနိုင်တဲ့ ကျွန်မ   ကျောင်းကိုသာ အား

ကိုးရပါ၏။   ဝိုင်းတွေ ကျူရှင်တွေသာမက  ဂိုက်တွေပါရှိသည့်   သူက ကျွန်မထံမှာ   စာမေးချင်လို့တဲ့

ကျွန်မ   စဉ်းစားရအတော်ကြပ်ပါ၏။   ထို့အတူ မြေကြီးနဲ့   ခြေထောက်လွတ်သွားမည်စိုး၍ ကျွန်မရဲ့

ကတ္ထီပါ  ဖိနပ်သဲကြိုးလေးကို   ဖိကာ ကုပ်ထားမိ၏။

                   “ မြတ်လေးဇော် ဟုတ်ပါတယ်နော်…ကျွန်တော့်နာမည်က မင်းဝေယံသော်ပါ”

ကျွန်မနာမည်ကိုတောင်သိသည်တဲ့လေ။   အေးလေ..အခန်းဖော်ချင်းတွေပဲ    နာမည်သိတာလောက်

တော့မဆန်းဟု   မိမိဘာသာဖြေတွေးမိ၏။

                   “ ကျွန်တော် chemistry equations တွေနားမလည်လို့ပါ….မြတ်လေးဇော်က ဟို

တစ်ခါ လပတ်တုန်းက chemistry ကို ၉၉ မှတ်တောင်ရတာနော်…ကျွန်တော့်ကို ရှင်းပြပေးနိုင်

မလား”

                   သေချာပါသည်…. ကျွန်မ မြေကြီးပေါ်ရပ်နေတာမဟုတ်….  တိမ်တွေစီးပြီး ကောင်းကင်

ပေါ်ရောက်နေတာ…။   လေးလေးနက်နက် နဲ့ ကျွန်မမျက်လုံးကို   သေချာကြည့်ကာစကားပြောနေတဲ့

သူ့ကို ကြည့်ကာ   လွတ်ထွက်နေတဲ့   ကျွန်မစိတ်တွေကို အတော်ဖမ်းယူနေရပါ၏။   ကျွန်မရင်ထဲမှာ

ကြည့်ခဲ့ဖူးသည့် ဇာတ်ဝင်ခန်းတစ်ခုက  ဒုတိယကမ္ဘာစစ်မှာ  ဗုံးတွေ ကျဲနေသလို…….

                   ကျွန်မရဲ့ အရင် စာမေးပွဲအမှတ်ကို သူသိသတဲ့လေ။   ဒါကတော့   အတန်းဖော်ချင်း

ဆိုတိုင်းသိတာမဟုတ်။   ဂရုစိုက်မှသိနိုင်တာလေ။   ဒါဆို သူကျွန်မကို ဂရုစိုက်မိတာပေါ့။   အလှအပစာ

ရင်းဝင်မှမဟုတ်တာ…  စာဆိုတာလည်း အလယ်အလတ်ပဲ..  ဒါဆို ပုံပြင်ထဲကလို  အစစ အ၇ာရာ သာတဲ့

မင်းသားလေးက    အညတရ မင်းသမီးလေးကို……

                   ကျွန်မ သူ့ကို စာရှင်းပြရပါ၏။   ဓါတ်ပြုပုံ..ဓါတ်ပြယ်ပုံ   အဆင့်ဆင့်နဲ့တကွပေါ့။ ကျွန်မ

ရင်ထဲမှာ   သူ့ကြောင့်   ချစ်ခြင်းမေတ္တာတွေ   ဓါတ်ပြုကုန်တာတော့ equation   ထုတ်ပြနိုင်ခဲ့ရင်လေ။

                   အေးတိ  အေးစက်နဲ့  မလှုပ်မယှက်နေတတ်တဲ့   သူက ကျွန်မနဲ့ဆိုရင်တော့ စကား

တွေပြောနေတတ်၏။   တစ်ခါတစ်ခါ သူ့ခွေးလေးအကြောင်း…   တစ်ခါတစ်ခါတော့ သူနေခဲ့ဖူးတဲ့ရှမ်း

တောင်တန်းကြီးတွေအကြောင်း…  ။ကျွန်မကတော့ သူ့ရဲ့ ပုံပြင်တွေကို    နားထောင်ပေးတဲ့သူပေါ့။

                   သူနဲ့ ကျွန်မ   ခင်မင်မှုတစ်ခုထိရောက်လာတော့မှ    ကျွန်မသူ့ကို ပိုသတိထားမိလာခဲ့

၏။ သူစကားပြေရင်    ပြောနေတဲ့သူကိုမကြည့်တတ်ဘဲ   ဟိုးအဝေးတစ်နေရာကို ကြည့်သလိုလိုနဲ့   ရီ

ဝေနေတဲ့ သူ့မျက်လုံးတွေကို   ကျွန်မမြင်လာခဲ့၏။   သူ့ရဲ့ မိသားစုအကြောင်းကို   တစ်ခါမှမပြောခဲ့ဖူးတာ

လည်း ကျွန်မသတိထားမိ၏။

                   “ မြတ်လေး တို့မိသားစုလေးက ပျော်စရာကောင်းမှာပဲ… မြတ်လေးညီမလေးက မြတ်

လေးကိုချစ်မှာပေါ့… အိမ်လိုက်လည်လို့ရရင် လည်ခွင့်ပေးမလား”

                   စနောက်သလိုလိုနဲ့   အတည်ပြောလိုက်တာမို့   ကျွန်မနည်းနည်းတော့လန့်သွားပါ၏။

စတိတ်ကျောင်းလာတာတောင်    ဇိမ်ခံကားအကောင်းစားနဲ့   နေမထိ လေမထိနဲ့သူက   အခန်း ၄ခန်းနဲ့

နှစ်ထပ်တိုက်ကျဉ်းကျဉ်းလေးထဲကို   အလည်လာချင်ပါသတဲ့။   ဆိုဖာမရှိတဲ့   စတီထိုင်ခုံတွေနဲ့အိမ်ကို

လေ။   မန်ကျည်းရွက်ချဉ်ရေကလည်း   သူ့အကြိုက်ပါတဲ့လား……..

                    ကျွန်မ ဝေခွဲရခက်ကုန်ပါ၏။   သူဟာ တကယ်ပဲ   ကျွန်မရဲ့ မင်းသားလေးတဲ့လား။

ကျောင်းမှာ   သူငယ်ချင်းတစ်ယောက်မှမထားတဲ့သူက  ကျွန်မကို အရေးတယူနဲ့ လေ။   အိမ်တောင်လာ

လည်ချင်ပါသတဲ့။   ကျွန်မ တဖြည်းဖြည်းနဲ့   သူ့အကြောင်းကိုသိချင်လာမိ၏။

                   “ ဝေယံ မှာရော ညီတွေ ညီမတွေမရှိဘူးလား…”  

သွေးတိုးစမ်းမေးလိုက်ခြင်းပါ။   တကယ်တော့ ဝေယံမိသားစုက   ဘယ်လိုလဲဆိုတာ သိချင်လို့ပါ။

ကျွန်မ စိတ်ဝင်စားတာ   သူရဲ့ပိုင်ဆိုင်မှုမဟုတ်ပါ။   သူ့မိသားစုအကြောင်းသက်သက်ပါ။

                   သူ တော်တော်နဲ့မဖြေခဲ့။   ဟိုးအဝေးတစ်နေရာကိုပဲ   ငေးနေခဲ့တာ    နာရီဝက်လောက်

ကြာမည်ထင်သည်။   ကျွန်မတို့ထိုင်နေမိတာ   ကျွန်မတို့နှစ်ယောက်စာကျက်နေကျ   မန်ကျည်းပင်

ကြီးအောက်လေ။   အညာရဲ့အပူကို    မန်ကျည်းရိပ်ကဖြေဖျောက်နိုင်သလို   သူ့ဆီမှာရှိနေတဲ့

သောကအပူတစ်ချို့ကို    ကျွန်မမဖြေဖျောက်နိုင်တောင်   ဝေမျှယူလိုပါ၏။

                   “ အဖေတူ အမေကွဲ ညီမလေးတစ်ယောက်ရှိတယ် မြတ်လေး…”

ကျွန်မရဲ့ အမေးဟာ   သူ့ရဲ့အားနည်းချက်ဖြစ်သွားတယ်ဆိုတာ   သိလိုက်ရတော့ ကျွန်မ စိတ်တွေညစ်

မိပါ၏။   တစ်ပါးသူမပြောချင်တာကို   ကျွန်မမေးမိခဲ့တာ။   စပ်စုမိခဲ့တာလေ။

                   အိမ်အပြန်လမ်းမှာ   ကျွန်မစိတ်ထဲ သူ့အကြောင်းက ပါလာခဲ့၏။    ရှမ်းပြည်နယ်မှာ

တစ်ခါက   ဘိန်းဘုရင် ဖြစ်ခဲ့ဖူးတဲ့   အဘိုးဖြစ်သူရဲ့   တစ်ဦးတည်းသောမြေး …။ နိုင်ငံရပ်ခြားမှာ စီးပွားဖြစ်

နေတဲ့ ဖခင်ဟာ  နိုင်ငံခြားသူတစ်ယောက်နဲ့  နောက်အိမ်ထောင်ပြုခဲ့ပြီး   ကတ်သရင်း ဆိုတဲ့ ညီမလေး

ရှိတယ့်သူ။   မိခင်ကျောက်ကုန်သည်ရဲ့   မာန်မာန အတ္တအရိပ်အောက်မှာ .  .စည်းတွေ ဘောင်တွေထဲက

ကြီးပြင်းခဲ့တဲ့သူ………..။   ခုလည်း လုံခြုံရေးတစ်ခုအတွက်    သူဟာ အညာမြေက စတိတ်ကျောင်းလေး

တစ်ခုမှာ   ခဏတာဝင်ရောက်    ပညာဆည်းပူးနေပါသတဲ့။

                   ဒါ ကျွန်မ မင်းသားလေးရဲ့   ဘဝအခြေအနေ။    ကျွန်မ တစ်ခါမှ မစဉ်းစားခဲ့မိဖူးသည့်

ပစ္စည်းဥစ္စာပိုင်ဆိုင်မှု…   မိသားစုအနေအထား…    ဇာတ်လမ်းတစ်ခုလို   သူ့ရဲ့ဘဝဟာ တကယ်ပဲ ရှိနေခဲ့

တာ။

                   ကျွန်မ သူ့ကိုသနားရမည်လား။   ကျွန်မလို    ထူးခြားတဲ့ပိုင်ဆိုင်မှုတစ်ခုမှမရှိတဲ့သူက

သူ့လို့ သူဌေးသားကို    သနားပါတယ်ဆို …လောကကြီးက   ဟားတိုက်မယ်ထင်ပါရဲ့။    သေချာတာ

တစ်ခုကတော့    ကျွန်မသူ့ကို စာနာမိခဲ့ပါ၏။  ဖေဖေ့ရဲ့ယုယမှု    မေမေ့ရဲ့နွေးထွေးမှုတွေနဲ့   စည်းစိမ်

တွေမပါခဲ့ပေမဲ့   ကျွန်မဘဝဟာ   အတော်စိုပြည် သာယာနေခဲ့တာ။

                   ကျွန်မ တစ်စုံတစ်ခုကြောင့်   အားငယ်ဝမ်းနည်းရင် မေမေ့ရင်ခွင်မှာ   ခေါင်းထိုးငိုမိ၏။

ကြောက်စိတ် ဒါမှမဟုတ်   ယုံကြည်မှုတစ်ချို့ပျောက်ဆုံးလာလျှင်   ဖေဖေ့ရဲ့   အားပေးစကားသံဟာ

အရာရာကို   စိန်ခေါ်ရဲခဲ့တာလေ။   အကယ်၍ ဝေယံသာ   အားငယ်ဝမ်းနည်းမယ်ဆို…..   ယုံကြည်မှုတစ်

ချို့ပျောက်ဆုံးမယ်ဆို…သူ ဘယ်ရင်ခွင်မှာ ငိုမိမလဲ….ဘယ်သူ့စကားနဲ့ ရှေ့ဆက်မှာလဲ….

                   ကျွန်မ  သူ့အတွက် စိတ်ပူနေမိ၏။   ဒါဟာ မဖြစ်နိုင်မှန်းတော့သိပါ၏။   မိဘ ဆိုတဲ့

အရာမှလွဲ ကျန်တာ   လိုတိုင်းတရနေတဲ့သူ့မှာ   အားငယ်မှုဆိုတာ ရှိပါ့မလား…   ရုပ်ရည်ကအစ ပညာအ

ရည်အချင်းပါပိုင်ဆိုင်တဲ့   သူက ယုံကြည်မှုပျောက်ဆုံးနိုင်စရာရောရှိပါ့မလား…………  ကျွန်မနဲ့

မဆိုင်တာကိုတွေးနေမိသည်ထင်ပါ၏။

                   ကျွန်မတို့အိမ်လိုက်လည်တဲ့နေ့က   သူ့မျက်နှာမှာ လင်းလက်တဲ့အပြုံးတွေကို   ကျွန်မ

မြင်ခဲ့ရပါ၏။   ဖေဖေနဲ့မေမေကလည်း   သူ့ကို ဂရုတစိုက်ဆက်ဆံပေးခဲ့၏။    မေမေကတော့ ကျွန်မကို

သံသယတစ်ချို့ပါတဲ့   မျက်လုံးနဲ့ ကြည့်နေခဲ့တာ   ကျွန်မသိပါ၏။   စိတ်ကူးယဉ်တတ်တဲ့ကျွန်မစိတ်က

စိတ်ကူးယဉ်ထဲက   မင်းသားလေးနဲ့   ထပ်တူကျနေတဲ့ သူ့အပေါ်…….။

                   “ ဦး နဲ့ အန်တီ့ကို ကျေးဇူးတင်ပါတယ် ခင်ဗျာ…ကျွန်တော့်ဘဝမှာ ဒီရက်လေးဟာ

သေရာပါမယ့် အမှတ်တရနေ့ပါ… ကျွန်တော်ဖြစ်နိုင်ရင် နောက်တစ်ခေါက်လာလည်ချင်ပါတယ် အဲဒီ

အခါကျလည်း ကျွန်တော်နဲ့ ဦး ထပ်ပြီး ကစားချင်ပါသေးတယ်”

                   စစ်တုရင် ကစားတာကို   ဝါသနာတူတဲ့ ဖေဖေနဲ့ သူ။    ကျွန်မသိပါတယ် တကယ်တော့

သူက စစ်တုရင်ကစားတာထက်   ဖခင်တစ်ယောက်နဲ့ ကစားတဲ့ ဒီပွဲလေးကို   နှစ်သက်နေမိတာလေ။

ဟင်းတွေကောင်းတာထက်   မိခင်တစ်ယောက်ရဲ့လက်ရာကိုစားချင်တာ။

                   နောက်တစ်ခါတဲ့……ကျွန်မ တွေးမိတဲ့   သူ့ရဲ့နောက်တစ်ခါ   အလည်လာခြင်းက သည်

လောက်ထိ   စောင့်ရမယ်မှန်းသိခဲ့ရင်လေ။

                   “ မြတ်လေးက ကံကောင်းပါတယ် ကျွန်တော် မြတ်လေးကို အားကျတယ်…မြတ်လေး

လည်း ဖြစ်ချင်တဲ့ သူနာပြုတက္ကသိုလ်ကို တက်နိုင်မှာပါ…ဒီလောက်ကြိုးစားထားတာပဲ”

သူပြောတဲ့စကားက   ဒီနေ့မှထူးဆန်းသလို။   ကျွန်မတို့   ဆယ်တန်းကို  အတူဖြေမှာမဟုတ်သလိုလို။ ဒါမှ

မဟုတ် result ထွက်တဲ့ထိ  သူမရှိနိုင်ဘူးလား။    တစ်နေရာကိုထွက်သွားတော့မယ့်သူလို  သူ့စကားတွေ

က…။

                   ကျွန်မ မေးချင်ပေမဲ့ …ကျွန်မ မမေးရဲခဲ့ပါ။   ကျွန်မနဲ့သူဟာ   သူငယ်ချင်းတွေဆိုပေမဲ့

သူရော   ကျွန်မပါ   မမြင်ရတဲ့စည်းလေးရှိနေခဲ့တာ။   တခြားသူငယ်ချင်းခင်မင်မှုလို   မဟုတ်ဘဲ တစ်စုံတစ်

ရာပါဝင်နေခဲ့တာ   ကျွန်မရော သူပါ သိခဲ့ပါ၏။   အဲဒီ့တစ်စုံတစ်ရာကို   ကျွန်မရော   သူပါ ဖော်ထုတ်နိုင်ဖို့

ထိအချိန်မရခဲ့ကြ။

                   “ ဝေယံ နင် ဖြစ်ချင်တဲ့ ဆရာဝန် ဖြစ်အောင်လုပ်ပါဟာ..ဘာတွေ ဘယ်လိုဖြစ်ဖြစ်ပေါ့

ဘယ်သူမှမထိခိုက်ရင် ကိုယ်ဖြစ်ချင်တာကိုလုပ်ခွင့်ရှိပါတယ်ဟာ”  

                   ကျွန်မ ပြောချင်တာ   ဒီစကားဟုတ်ပါရဲ့လား။   မသိပါ။ သေချာတာက   ကျွန်မသူ့ကို

အားပေးချင်တာ။   သူ့အတွက် အားငယ်ရင် ချွေးသိပ်ဖို့ ပဝါတစ်ထည်ဖြစ်ချင်တာ…  လမ်းပျောက်နေရင်

လမ်းပြကြယ်လေးဖြစ်ချင်တာလေ။    ဒါတွေက ပြောပြဖို့မှမသင့်တာ။ သည်တော့ …။

                   ကျွန်မကို သူ စူးနစ် လေးနက်စွာကြည့်နေခဲ့တာ   အချိန်တစ်ခုထိ။ ကျွန်မ   သူ့ကို ပြန်

ကြည့်ဖို့ခွန်အားမရှိခဲ့ပါ။   သေချာပါသည်   ကျွန်မသာသူ့ကိုကြည့်ခဲ့မယ်ဆို   ကျွန်မမျက်ရည်တွေ မထိန်း

နိုင်မှာလေ။   သည်တော့ သူ့နည်းအတိုင်း   အဝေးတစ်နေရာကိုသာ   ရီဝေစွာငေးနေမိ၏။

                   ကျွန်မ လက်လေးကို   ဖွဖွလေးကိုင်လိုက်တာ   ကျွန်မသိလိုက်ပါ၏။ အို..  ကျွန်မလက်

တွေ အေးစက်နေခဲ့တာ..  ဒါပေမဲ့ လက်ဖဝါးအတွင်းပိုင်းမှာ   ချွေးလေးတွေစို့လို့။ ဒါဟာ စိတ်လှုပ်ရှား

တာလား ကျွန်မမသိ။   ကျွန်မရဲ့ ဘယ်ဘက်လက်ချောင်းလေးတွေနဲ့    လက်ဖဝါးတစ်ခုလုံးဟာ သူ့ရဲ့

လက်အစုံအောက်မှာ    ပျောက်ကွယ်လို့။

                   “ ငါတို့သာ နောက် ၅နှစ်အကြာလောက်မှာ ဆုံဖြစ်ခဲ့ရင် ကောင်းမှာပဲနော်.. ဒါမှ

မဟုတ် ဒီဘဝမှ မတွေ့ဖြစ်ခဲ့ရင်လည်း ကောင်းမှာပဲ”

                   သူ့စကားက အထူးအဆန်း။   သူ ကျွန်မနဲ့ တွေ့ဆုံခဲ့ရတာ    ဝမ်းနည်းတာလား ဝမ်းသာ

တာလား။   မတွေ့ဖြစ်ခဲ့ရင်လည်းအကောင်းတဲ့…..။ကျွန်မ   အဲသည်လောက်ထိ မစဉ်းစားချင်တော့ပါ။

ကျွန်မ စိတ်တွေ မွန်းကြပ်  ရှုပ်ထွေးနေခဲ့၏။   ဒီအချိန်မှာ ကျွန်မ ရဲ့စိတ်အစဉ်က   သူ့ရဲ့ နွေးထွေးတဲ့

လက်ဖဝါးနုနုမှာ။   ကျွန်မ ဘဝကိုလည်းမသိတော့   သူ့ဘဝကိုလည်းမသိချင်တော့။

                   အမြဲ စကားတွေတွတ်ထိုးတတ်တဲ့   ကျွန်မ အဲဒိညနေက   ငြိမ်နေခဲ့မိ၏။   ဝမ်းနည်းခြင်း

တစ်စုံတစ်ခုကို   ကျွန်မရိပ်မိနေခဲ့ပါ၏။   ကျွန်မအတွက် ဒီဘဝမှာ   ပြန်တွေ့ဖို့မသေချာတဲ့   အရာတစ်ခုကို

ပျောက်ဆုံးတော့မှာလေ။   အဲဒိညက မိုးတွေရွာခဲ့ပါ၏။   ကျွန်မခေါင်းအုံးလေးလည်း ဝမ်းနည်းမျက်ရည်

မိုးတွေ စိုစွတ်နေခဲ့ပါ၏။

                   စာကြည့်ရက်ပိတ်လိုက်၍  ကျွန်မတို့ ကျောင်းသွားစရာမလိုတော့သည်မို့   ကျွန်မ

သက်သာရာရခဲ့ပါ၏။ သူ မရှိတဲ့    သူ့အငွေ့အသက်တွေကျန်နေတဲ့   နေရာမှာ ကျွန်မစိတ်တွေ ဆောက်

တည်ရာရနိုင်မည်မဟုတ်တာ   ကျွန်မသိပါ၏။ ဟုတ်ပါတယ်…သူ   ရန်ကုန်က ကျောင်းတစ်ခုကို ပြောင်း

သွားပြီတဲ့။ ကျွန်မကို   နှုတ်မဆက်သွားခဲ့သလို   ကျွန်မလည်း သူ့ကိုနှုတ်မဆက်ခဲ့ပါ။

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

 

                   “ ဇော် ရေ ထတော့ကွာ…မနက် ၆ နာရီ ထိုးနေပြီ… သမီးလေး morning section မို့

လား”

                   အသံသြသြနဲ့ ခပ်ရှိန်းရှိန်းနဲ့အသံတစ်ခုက    ကျွန်မ   ဘေးကဝင်ရောက်လာ၏။

                   နှုတ်ခမ်းမွေးရေးရေး  ဝါညက်ညက်အသားအရေနဲ့   ကြည်လင်သန့်ရှင်းနေတဲ့ မောင့်

မျက်နှာ။   ခပ်မှိုင်းမှိုင်းနှုတ်ခမ်းပါးနဲ့ ကျွန်မနဖူးကို တစ်ချက်လေးဖွဖွ   နမ်းလိုက်ပါ၏။   ဒါဟာ မောင်ပေး

နေကျ မနက်ခင်း   အိပ်ယာနှိုးအနမ်းပါလေ။

                   တည်ငြိမ်ပြီး ယောက်ျားပီသတဲ့   မောင့်ကိုမြင်တော့   တစ်နေရာကို   အမြဲငေးပြီး   ရီဝေနေ

တတ်တဲ့ ခပ်ချောချောသူ့ကို   ရိုးသားစွာသတိရမိပါ၏။

                   ကျွန်မ နဲ့ သူ ပြန်မတွေ့ဖြစ်တာ   ခုဆို ဆယ်စုနှစ် သုံးခုစာတောင်ရှိရော့မယ်။   ကျွန်မ

ကလည်း   ကျွန်မဖြစ်ချင်တဲ့သူနာပြုတက္ကသိုလ်တက်ရောက်နိုင်ခဲ့သလို   သူရော   ဆေးတက္ကသိုလ်တက်

ခဲ့ရဲ့လား။ ကျွန်မ   မိဘရဲ့အထိန်းအကွပ်နဲ့   အစိမ်းဝတ်ထိ   ကျွန်မတက်လှမ်းနိုင်ခဲ့သလို သူရော။။။

                   “ ကျွန်မ ဘဝရဲ့ လက်တွဲဖော်ဟာ ကျွန်မရဲ့ မင်းသားလေး မဟုတ်ခဲ့ပါ”

                   မိန်းမသားတော်တော်များများ   သုံးလေ့ရှိတဲ့စကားလေးပါ ။   ကျွန်မလည်း သူ့တစ်

ယောက်ကိုရင်ထဲမှာ   သိမ်းဆည်းရင်း ပညာရေးကိုသာဦးစားပေးခဲ့မိပါ၏။   ဒါပေမဲ့ တစ်ချိန်က မေမေ

ပြောခဲ့သလို  စင်ဒရဲလားလေးက စင်ဒရဲလားလေးရဲ့ဘဝ……  စနှိုးဝိုက်လေးကကလည်း သူ့ဘဝနဲ့သူ

……သည်တော့ မြတ်လေးဇော် ဆိုတဲ့ ကျွန်မကလည်း ကျွန်မဘဝပဲလေ……..

                   မင်းသမီးလေးတွေက   သူတို့မင်းသားလေးတွေနဲ့ ပေါင်းဖက်နိုင်ခဲ့ပေမဲ့  မင်းသမီးလေး

မဟုတ်တဲ့ကျွန်မကတော့။။။။   ဖေဖေ့မိတ်ဆွေရဲ့ သား ဒေါက်တာ  နိုင်သူအောင် နဲ့ ဖူးစာပါခဲ့ပါ၏။

                   ကျွန်မ မောင့်ကို ချစ်ပါ၏ ။ မြတ်နိုးပါ၏။  ခင်ပွန်းတစ်ယောက်ပီသခဲ့တဲ့  မောင် ကလည်း

ကျွန်မကို ချစ်ပါ၏။မြတ်နိုးပါ၏။  တန်ဖိုးထား၏။ မောင်နဲ့  ကျွန်မရဲ့ သမီးလေး   ခုဆို ဆေးတက္ကသိုလ်

ကျောင်းသူဖြစ်သည်ထိ   မောင်နဲ့ ကျွန်မ သစ္စာ မေတ္တာ နားလည်မှုနဲ့ တည်ဆောက်နိုင်ခဲ့၏။

                   တကယ်တော့ ကျွန်မဟာ ကံကောင်းသူပါလေ။

                   ကျွန်မဘဝရဲ့ မင်းသားလေးနဲ့ဆုံတွေ့ခဲ့ရဖူးသလို  ကျွန်မ ဘဝရဲ့ ဘုရင်တစ်ပါးကို

လည်း ရှာဖွေကာ ပါရမီဖြည့်နိုင်ခဲ့ပါ၏။

                   ဟုတ်ပါသည်…… မောင် ဟာ ကျွန်မရဲ့ မင်းသားလေးမဖြစ်ခဲ့ပေမဲ့ ကျွန်မဘဝရဲ့

ဘုရင်တစ်ပါးပါလေ။။။။။။။။။။။။။။။။။။။။။။။။

 

ခရမ်းရောင်